কল্চর মন্ত্রালয়
কলচর মন্ত্রালয়না ২০২০গী জুন ১৯দগী ২১ ফাওবা নমস্তে যোগ কেম্পেন অমা শিন্দুনা মালেমগী যোগগী নুমিৎ ২০২০ পাংথোক্লি
শ্রী প্রহলাদ সিংহ পতেলনা মীপুম খুদিংমক্না #১০মিলিয়নসুর্য়নমস্কার অমসুং #নমস্তে যোগ শিজিন্নদুনা মালেমগী যোগগী নুমিৎ ২০২০দা সুর্য় নমস্কারদা মহাক্কা পুন্না শরুক য়ামিন্ননবা হায়খ্রে
Posted On:
20 JUN 2020 1:50PM by PIB Imphal
কলচর অমসুং তুরিজমগী কেন্দ্রগী মন্ত্রী (ইন্দিপেন্দেন্ত চার্জ) শ্রী প্রহলাদ সিংহ পতেলনা মালেমগী যোগগী নুমিৎকী থৌরম (জুন ২১, ২০২০)দা মহাক্না পুরানা কিলাদা সুর্য় নমস্কার পাংথোক্কনি হায়না ফোঙদোকখ্রে অমসুং মীপুম খুদিংমক্না মখোয়গী ময়ুম ময়ুমদগী মহাক্না সুর্য় নমস্কার পাংথোকপদা শরুক য়ানবা হায়খ্রে। শ্রী প্রহলাদ সিংহ হায়খ্রে মদুদি প্রধান মন্ত্রী নরেন্দ্র মোদীনা যোগগী নুমিৎ অসি মালেমদা খুদোল তমখিবনি অমসুং ঐখোয়না নুমিৎ খুদিংগী যোগ তৌগদবনি।
শ্রী পতেলনা সোসিএল মেদিয়াদা ভিদিও মেসেজ অমা থাগৎখি অমসুং মীপুম খুদিংমক্না #১০মিলিয়নসুর্য়নমস্কার অমসুং #নমস্তে যোগ শিজিন্নদুনা মখোয়গী সুর্য় নমস্কার ভিদিও সোসিএল মেদিয়া প্লেৎফোর্মশিংদা থাগৎতুনা মসিনা লৈমিন্নরিবা প্রজাশিংদা হকশেলগী এৱেয়র্নেস অমা শাগৎতুনা মীয়ামগী ইহৌ অমা ওইহন্নবা হায়খ্রে। কলচর মন্ত্রীগী মেসেজ অসি সোসিএল মেদিয়াদা পাউখুম মশিং য়াম্না ফঙখ্রে। চাওরাক্না মীওই মিলিয়ন ১০ মুক্না মালেমগী যোগগী নুমিৎ ২০২০দা সুর্য় নমস্কার পাংথোকপদা মহাক্কী মতুং ইল্লকনি হায়না মহাক্না থাজবা থম্মি।
কলচরগী মন্ত্রালয়না যোগ অসি মীপুম খুদিংমক্কী পুন্সিগী তঙাই ফদ্রবা শরুক অমা ওইহনবগী পান্দম ফঙনবা ২০২০গী জুন ১৯দগী ২১ ফাওবা নমস্তে যোগ কেম্পেন অমগা শিন্দুনা মালেমগী যোগগী নুমিৎ ২০২০ পাঙথোক্লি।
*****
(Release ID: 1632938)
Visitor Counter : 201
Read this release in:
Punjabi
,
English
,
Urdu
,
Hindi
,
Marathi
,
Bengali
,
Gujarati
,
Odia
,
Tamil
,
Telugu
,
Kannada
,
Malayalam