কোবিদ-১৯ থেংননবা ভারত রেলৱেজনা রাজ্য সরকারশিংগী হকশেলগী থবকশিংদা মতেং পাংলি । রাজ্যশিং কোবিদ কিয়র কোচ ৫২৩১ পীনবা ভারত রেলৱেজনা থৌরাং তৌরে । জোনেল রেলৱেজশিংনা কোচশিং ফিবম ফরিবা অনাবশিং লায়েংনবা কোবিদ কিয়র কোচশিং ওন্থোক্লে।

হৌজিক ফাওবদা দিল্লি, উত্তর প্রদেস, অন্ধ্র প্রদেস, তেলঙ্গানা অমসুং মৈধ্য প্রদেস রাজশিংদা ভারত রেলৱেজনা কোবিদ কিয়র কোচ ৯৬০ থম্লে । মসিগী মনুংদা কোবিদ কিয়র কোচ ৫০৩ দিল্লিদা, অন্ধ্র প্রদেসতা ২০, তেলঙ্গানাদা ৬০, উত্তর প্রদেসতা ৩৭২ অমসুং মৈধ্য প্রদেসতা ৫ থমলে।

দিল্লিগী মফম ৯দা কোবিদ কিয়র কোচ ৫০৩ থম্লে । সাকুরবাস্তিদা কোচ ৫০, অনন্দ বিহারদা ২৬৭, সাফদারজংদা ২১, দিল্লি সারাই রোহিলাদা ৫০, দিল্লিদা কন্তোমেন্তদা ৩৩, অদার্স নাগরদা ৩০, দিল্লি সাহাদ্রাদা ১৩ , তুগ্লাকাবাদতা ১৩ অমসুং পতেল নাগরদা ২৬ থম্লি।

উত্তর প্রদেসকী তোঙানবা তোঙানবা মফমশিং হায়বদি পন্দিৎ দিন দয়াল উপধ্য জঙ্কসন, লখনৌ, বানারাসি, বাদোহি, ফাইজবাদ, সাহারানপুর, মিরজাপুর, সুবেদারগঞ্জ, কানপুর, ঝান্সি, ঝান্সি ৱার্কসোপ, অগ্রা, নখা জঙ্গল, গোন্দা, নৌতানৱা, বাহরাইজ, বানারসি সিতি, মান্দুৱাদি, মাউ, বাতনি, বারেলি সিতি, ফারুখাবাদ অমসুং কাসগঞ্জদা কোবিদ কিয়র কোচ পুন্না ৩৭২ থম্লি।

মৈধ্য প্রদেসকী গ্বালিয়রদা কোবিদ কিয়র কোচ ৫ থম্লি। অন্ধ্র প্রদেসতা কোবিদ কিয়র কোচ ২০ অমসুং তেলাঙ্গানাগী তোঙান তোঙানবা ফমশিংদা কোবিদ কিয়র কোচ ৬০ থম্লে।

হেল্থ অমসুং ফেমিলি ৱেলফিয়ার মিনিস্ত্রিগী চৎন-কাংলোনশিংগী মতুংইন্না হায়রিবা রাজ্যশিং অসিনা ভারত রেলৱেজদা হায়জরকপদগী রাজ্যশিং অসিদা রেজৱেজন কোচশিং পীখিবনি।

ভারত রেলেজনা লৈবাক্কী য়েংলগা কোবিদ কিয়র কোচশিং অসি পীবনি। দোক্তরশিং অমসুং পেরামেদিক্সশিং রাজ্য সরকারশিংনা পীগনি । মসি হেল্থ অমসুং ফেমিলি ৱেলফিয়ার মিনিস্ত্রিনা ২০২০গী মে ৬দা থোকখিবা চৎন-কাংলোনশিংগী মখাদা পীখিবনি।

রাজ্য সরকারগী ওফিসিয়েলশিং মতেং পাংনবা কোচশিং মফম অমদা রেজৱেজনা লাইজন ওফিসার অনি থমগনি। কোচশিংগী মনুংদা অইং-অশা ফজনা থম্নবা থবক খুদিংমক পায়খৎলে ।কোবিদ অনাবশিং লায়েংবদা মতেং পাংনবা রেলৱেজনা রাজ্য সরকারশিং মতেং পীগনি।

হায়রিবা কোচশিং অসি ফিবম ফরিবা কেসশিং থম্বদা শীজিন্নগনি। হায়রিবা কোচশিং শীজিন্নরিবা রাজ্যশিংনা চিংনবা কোবিদ কেসশিং তোখাইনা থম্বা অমসুং চাংয়েং তৌবগী থবক পাংথোক্কনি। হায়রিবা কোবিদকী থৌরাংশিং অসি নিতি অয়োগ অমসুং হেল্থ অমসুং ফেমিলি ৱেলফিয়ার মিনিস্ত্রিগী অপুনবা থৌরাংগী শরুক অমনি।

*****