শান্ন-খোৎনবগী মন্ত্রালয়না খেলো ইন্দিয়া স্তেত সেন্তর ওফ এক্সেলেন্স (কে. আই. এস. সি. ই.) মন্ত্রালয়গী মকোক ওইবা খেলো ইন্দিয়া স্কিমগী মখাদা শেমগৎনবা থৌরাং পুম্নমক লোয়রে‍। লৈবাক শিনবা থুংবদা অচৌবা শান্ন-খোৎনবগী সিস্তেম অমা শেমগৎনবগী থৌরাং ওইনা স্তেত অমদি য়ুনিয়ন তেরিতরী অমমমদা কে. আই. এস. সি. ই. অমা শকখঙগনি‍। অহানবা তাঙ্কক্তা স্তেত নিপানদা - কর্নাতকা, ওরিসা, কেরলা, তেলঙ্গনা অমদি অৱাং-নোংপোক্কী স্তেতশিং অরুনাচল প্রদেশ, মনিপুর, মিজোরাম অমদি নগালেন্দদা লৈবা খেলো ইন্দিয়া স্তেত সেন্তর ওফ এক্সেলেন্স (কে. আই. এস. সি. ই.)গী মখাদা শেনগৎকদবা স্তেতনা মপু ওইবা স্পোর্ত ফেসিলিতীশিং মশক খঙদোক্লে‍।

স্তেতশিংদা লৈবা স্পোর্তিং ফেসিলিতীশিং মপাঙ্গল কনখৎহন্নবা থৌরাং অসিগী মতাংদা ৱা ঙাঙলদুনা য়ুথ এফ্যার্স এন্দ স্পোর্ত্সকী কেন্দ্র মন্ত্রী শ্রী কিরেন রিজিজুনা হায়খিবদা, “খেলো ইন্দিয়া স্তেত সেন্তর ওফ এক্সেলেন্সশিং অসি ওলিম্পিক্তা অফবা পর্ফোর্মেন্স উৎনবগী ভারতকী লমজেল মপাঙ্গল কনখৎহন্নবগীদমক্তা শেনগৎকদৌরিবনি‍। ঐখোয়গী থৌশিলদি ভারতকী স্তেৎ খুদিংমক্তা লৈরিবা খ্বাইদগী ফবা স্পোর্তিং ফেসিলিতীশিং অকক্নবা দিসিপ্লিনশিংদা মালেমগী মফম পুম্নমক্তগী শান্নরোইশিংনা ত্রেন তৌবা পাম্বা ৱর্ল্দ ক্লাস স্তেন্দর্দকী একাদমীগী থাক্তা চাউখৎহনবনি‍। থৌরাং অসি লৈবাক শিনবা থুংবদগী হৈশিংলবা কয়াবু লৌশিন্দুনা মালেমগী অচৌবা তুর্নামেন্ত খুদিংমক্তা, মরুওইনা ওলিম্পিক্তা লৈবাকসিগী মেদল পুরক্পা ঙমগদবা অফবা শান্নরোয়শিং ওইহন্নবা তাকপী তম্বিবগী অচুম্বা মায়কৈদা থাংজিনবা খোঙথাঙ অমনি হায়না ঐনা থাজৈ‍।”

স্পোর্ত্স ফেসিলিতীশিং অসি মশক খঙদোকপগী প্রোসেস অসি ওক্তোবর ২০১৯দা স্তেৎ অমদি য়ু.তি. খুদিংমক্তা মালেমগী থাক্কী স্পোর্তিং ফেসিলিতীগী থাক্তা শেমগৎপা য়াগদবা মখোয়গী খ্বাইদগী ফবা স্পোর্ত্সকী মচাক মথুমশিং, মখোয়গী এজেন্সীশিং নৎত্রগা ইলিজিবল এজেন্সীশিং মশক খঙদোক্নবা হায়খিবগা লোয়ননা হৌখ্রবনি‍। প্রপোজেল ১৫ ফংদুনা য়েংশিনখিবগী মনুংদা নিপানবু প্রাইওরিতী স্পোর্ত্সতা ফংলিবা ত্রেনিং ফেসিলিতী, মচাক মথুমশিং অমদি সেন্তর অদুনা পুথোকখিবা চেম্পিয়নদা য়ুম্ফম ওইদুনা খনগৎলে‍।

হান্না লৈরিবা সেন্তরশিং অসি কে. আই. এস.সি. ই. ওইনা শেমগৎনবগীদমক সেন্তর অদুদা শান্নরিবা স্পোর্ত্‌স দিসিপ্লিনশিং অদুগী স্পোর্ত্স সাইন্স অমসুং তেক্নোলোজী ঙাক্লৌ পীনবগীদমক লোয়ননা শান্ন-খোৎনবগী মচাক মথুম, হৈশিংলবা কোচশিং অমদি মথৌ নীংথিনা তৌবা মেনেজরশিংগী অৱাৎপা মেনশিন্নবগীদমক লৈঙাক্না ‘ভাইএবিলিতী গেপ ফন্দিং’ পীগনি‍। সেন্তরদুদা চলাইরিবা অতোপ্পা স্পোর্ত্স দিসিপ্লিনশিংগী স্পোর্ত্স সাইন্স অমদি এলাইদ ফিল্দশিংদা পীবা য়ারবসু ঙাক্লৌ অসি ওলিম্পিক স্পোর্ত্সশিংদা ওইনা পীগনি‍।

স্তেত অমদি য়ু. তি. শিংনা সেন্তর অসি চলাইবগী থৌদাং লৌগনি অমদি মালেমগী থাক্কী স্পোর্তিং ফেসিলিতী ওন্থোক্নবা কেপাসিগী শেমগৎকনি লোয়ননা বোর্দিং, লোদজিং, অমদি মেন্তেনেন্স য়াওনা সেন্তর অদুগী অপুনবা মেনেজমেন্তকী থৌদাং পুগনি অদুগা এক্সপর্ত কোচশিং, সপ্পোর্ত স্তাফ, খুৎশু খুৎলায়, মচাক মথুমগুম্বা মরুওইবশিংগী অৱাৎপা মেনখৎনবা ফন্দনা খেলো ইন্দিয়া স্কিমগী মখাদা পীগনি‍।

সেন্তর নিপানসিদা শুপচিল্লবা অৱাৎ-অপা নৈনবা স্তদী অমনা পুথোকপা মথৌ তাবশিংগী মতুং ইন্না লেপথোক্লবা চপ চাবা শেনফম অদু গ্রান্ত ওইনা পীগনি‍। ব্রোদ বেজ তেলেন্ত খঙদোকপগী শরুক অমা ওইনা সেন্তরশিং অসিনা ফন্দিং ফংলিবা স্পোর্তশিং অদুগী লমদা স্তেত অমদি য়ু. তি.শিংনা তেলেন্তশিং মশক খঙদোক্তুনা শেমগৎকদবনি‍। শান্নরোয়শিং অদুগী পর্ফোর্মেন্স অদু মালেমগী থাক্তা লৈহন্নবগীদমক স্পোর্ত্স ওথোরিতী ওফ ইন্দিয়ানা এক্সপর্তাইজ, রিসোর্সেস অমদি মোনিতরিং সিস্তেমগী লমদা মতেং পাংগনি‍।

অহানবা তাঙ্কক্তা মখাদা পীরিবা স্পোর্তিং ফেসিলিতীশিং অসি খেলো ইন্দিয়া স্তেত সেন্তর ওফ এক্সেলেন্স ওইনা শেমগৎকনি:

সাঙ্গী লাদেন স্পোর্ত্স একাদমী, ইতানগর, অরুনাচল প্রদেশ

জয়প্রকাশ নরায়ন নেসনেল য়ুথ সেন্তর, বেঙ্গলোর, কর্নাতকা

জি. ভি. রাজা সেনিয়র সেকেন্দরী স্পোর্ত্স স্কুল, থিরুভনন্থপুরম, কেরলা

খুমন লম্পাক স্পোর্ত্স কম্প্লেক্স, ইম্ফাল, মনিপুর

রজিব গান্ধী স্তেদিয়ম, আইজোল, মিজোরাম

স্তেত স্পোর্ত্স একাদমী, আই. জি. স্তেদিয়ম, কোহিমা, নগালেন্দ

কলিঙ্গা স্তেদিয়ম, ভুবনেস্বর, ওরিসা

রিজনেল স্পোর্ত্স স্কুল, হকিম্পেৎ, তেলঙ্গনা

*******