রাজ্যশিং/য়ু.তি.শিংনা লনাইগী হেল্থককেয়র পীরিবশিংগা লোয়ননা থৱায় য়াওনা হোৎনমিন্দুনা বেদ মশিং হেনগৎনবা খুদোংচাবা পীনবা অমসুং অরুবা ফীভমগী হেল্থকী কিয়র পীনবগী খুদোংচাবশিং ফংহন্ননবা অমসুং পীরিবা সর্বিসশিংগী লৌরিবা মমল অদু চৎনবা য়াবা অমসুং অরোৎপা লৈহল্লোইদবনি হায়না হকশেল অমসুং য়াইফ য়ুম্বাল মন্ত্রালয়গী মন্ত্রীনা খঙহনখ্রে।

হীরম অসিগী মতাংদা, তামিল নাদু, ওরিশা, মহারাস্ত্র, গুজাৎ, উত্তর প্রদেশ, রাজাস্থান, তেলঙ্গানা, করনাতকা অমসুং মধ্য প্রদেশগুম্বা রাজ্য খরাদা মাংজৌন্না খোংথাংশিং অসি লৌখৎপা হৌখ্রে। মখোয়না লনাইগী সেক্তরগা লোয়ননা কোবিদ-১৯গী মিং চল্লকপা ইন-পেশেন্তশিংগী ওইনা চৎনবা য়াবা মমলশিং অমসুং অরুবা ফীভমগী কিয়র পীনবগী শেম-শাবশিংগী মতাংদা নেগোসিয়েৎ তৌদুনা অমসুং য়ানবা অমনা পুরকখ্রে। লনাই সেক্তরগী হেল্থক প্রোভাইদরশিংগা লোয়ননা রাজ্যনা থৱায় য়াওনা হোৎন্নবা খঙহনখ্রে অমসুং সরকার অমসুং লনাই হেল্থক কিয়র ফেসিলিতীশিং পুনশিন্নবা খন্নখি, মরমদি মসিনা খুদক্কী ওইবা, অফবা ক্বালিতি অমসুং চৎনবা য়াবা মমলদা কোবিদ-১৯ নারবা মীওইশিংদা হেল্থক কিয়র পীবদা মতেং ওইরগনি।

নারবা মীওইশিংদা নোবেল কোরোনাভাইরস য়াওবরা খঙদোক্নবা তেস্ত তৌবগী চাং অসি লৈবাক অসিদা লেপ্পা লৈতনা হেনগৎলক্লি। লৈবাক অসিনা হৌজিক নোংমদা সেম্পল লাখ ৩ তেস্ত তৌবা ঙম্লে। হৌজিক ফাওবদা তেস্ত তৌখ্রবা অপুনবা সেম্পলগী মশিং অসি ৫৯,২১,০৬৯নি।

ঙসি ফাওবদা লেব ৯০৭গী নেতৱার্ক অমা লৈবাক অসিদা শেমখ্রে। মসিদা সরকারগী সেক্তরদা লেব ৬৫৯ অমসুং লনাই সেক্তরদা ২৪৮ য়াওরি। অকুপ্পা ৱারোল মখাদা পীরি:

• রিয়েল-তাইম আর.তি. পি.সি.আর.দা য়ুম্ফম ওইবা তেস্ত তৌনবা লেব: ৫৩৪ (সরকার: ৩৪৭ + লনাই: ১৮৭)
• ত্রু.এন.এ.তি.দা য়ুম্ফম ওইবা তেস্ত তৌনবা লেব: ৩০২ (সরকার: ২৮৭ + লনাই: ১৫)
• সি.বি.এন.এ.এ.তি.দা য়ুম্ফম ওইবা তেস্ত তৌনবা লেব: ৭১ (সরকার: ২৫ + লনাই: ৪৬)

দিল্লীদা তেস্ত তৌবগী চাং হেনগৎহন্ননবা, জিলা ১১দা মশা-মশাগী জিলাগী ওইবা সেম্পলশিং খ্ক্তা তেস্ত তৌনবা লেবশিং হৌজিক মথৌ তৌহনখ্রে। জিলাশিং অসিদগী সেম্পলশিংবু লেবশিং অসিদা থাদুনা মতম চানা তেস্ত তৌনবা অমসুং রিজলশিং পীবদা থেংথদনবা হোৎনগনি। হৌজিক্কী ওইনা দিল্লীদা লেব ৪২ লৈ লোয়ননা তেস্ত তৌবগী চাং অসি নোংমদা চাওরাক্না ১৭০০০ ঙম্লি।

রিয়েল-তাইম পি.সি.আর. (আর.তি.-পি.সি.আর.) অসি কোবিদ-১৯ খঙদোকনবা খ্বাইদগী ফবা সেন্তদর্দ ফর্ন্তলাইন তেস্ত ওইরি অমসুং লেব ৯০৭গা লোয়ননা লৈবাক অসিদা তেস্ত তৌবগী চাং হেনগৎহনবদা শীজিন্নবা য়াগনি। অদুম ওইনমক তেস্ত অসি তৌবদা অখন্নবা লেবরেতোরীগী খুদোংচাবশিং মথৌ তাই অমসুং হাই-এন্দ লেবশিং অসিদা সেম্পল য়ৌহন্নবা হোৎনবা অমসুং মতম অসি য়ামদ্রবদা পুং ২-৫ চংঙি। ত্রু.এন.এ.তি. অমসুং সি.বি.এন.এ.এ.তি. অসি পোর্তেবল ওইবনা অরাপ্পা মফমশীংদা শীজিন্নৈ।

তেস্ত তৌবা অসি রিলাইয়েবিলিতী, সেনসিতিবিলিতী অমসুং স্পেসিফিসিতী মাংহনদনা মমল হোংনবা অমসুং তেস্ত তৌবগী মশিং হেনগৎহন্নবা হোৎনরিবা অসিদা আই.সি.এম.আর.না রেপিদ এন্তিজেন দিতেক্সন তেস্ততা পোইন্ত-ওফ-কিয়রগী এদবাইজরি অমা থোকখিবা অদু https://www.icmr.gov.in/pdf/covid/strategy/Advisory_for_rapid_antigen_test_14062020_.pdfদা এক্সেস তৌবা য়াগনি।

রেপিদ এন্তিজেন তেস্ত অসি কন্তেনমেন্ত জোনশিং অমসুং অকনবা মেদিকেল চেকশিন থৌরাংগী মখাদা লৌখৎলিবা হোস্পতালশিংদা শিজিন্নবা য়াগনি। স্তেন্দর্দ ক্যু কোবিদ-১৯ এ.জি. দিতেক্সন কিৎনা রিজল্তশিং উৎপদা মিনিৎ ১৫ চংই মরম অদুনা লায়না অসি ঙন্না খঙদোকপদা মতেং পাংগনি। এন্তিজেন তেস্ত অসি হেল্থককেয়র সেত্তিংদা লৈবা সেম্পল লৌনবা মফমদা সেম্পল লৌখ্রবা মতুং পুং অমগী মনুংদা পাঙথোকপা য়াগনি। লৈবাক অসিদা এন্তিজেন তেস্ত কিৎশিংগী দোমেস্তিক ওইনা পুথোকপা ঙম্বগী চাং অসি থা অমদা চাওরাক্না মিলিয়ন ১০নি। রেপিদ এন্তিজেন তেস্ত কিৎশিং রাজ্যশিংনা লায়না ফঙবা ঙমহন্নবা কেন্দ্রনা গবর্নমেন্ত ই-মার্কেতপ্লেস (জি.ই.এম.) দোমেস্তিক ওইনা পুথোকপশিং অদু শোয়দনা ফঙহল্লগনি হায়বগী থাজবা পীখ্রে।

ইলিসা অমসুং সি.এল.আই.এ এন্তিবোদি তেস্তশিং অসি লাইওং উত্তবা ফ্রন্তলাইন ৱার্করশিং, দোক্তরশিং, পেরামেদিক্সনচিংবা অমসুং কোবিদ-১৯ কেয়র সেন্তরশিংদা থৌবক তৌরিবশিংগী থাজবা হেনগৎনবা শীজিন্নবা য়াই। মসি জি.ই.এম. পোর্তেলদা ফঙহল্লে।

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদবাইজরিশিংগী অচুম্বা অমসুং অনৌবা ই-পাউ পুম্নমক্কীদমক https://www.mohfw.gov.in/ অমসুং @MoHFW_INDIAদা তোয়না চংবিয়ু।

কোবিদ-১৯গা মরী লৈনবা তেক্নিকেলগী ওইবা খঙনিংবশিং লৈরবদি technicalquery.covid19[at]gov[dot]in দা অমসুং অতোপ্পা খঙনিংবশিংগী ওইনা ncov2019[at]gov[dot]in অমসুং @CovidIndiaSevaদা থারকপা য়াগনি।

কোবিদ-১৯গী মরমদা খঙনিংবশিং লৈরবদি, হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর: +৯১-১১-২৩৯৭৮০৪৬ নত্রগা ১০৭৫ (তোলফ্রী)দা পাউ ফাওবিয়ু। রাজ্য/য়ু.তি.শিংগী কোবিদ-১৯গী হেল্পলাইন নম্বরশিংগী লিস্ত https://www.mohfw.gov.in/pdf/coronvavirushelplinenumber.pdfদা ফংবীগনি।

*****