সেন্ত্রেল বোর্দ ওব ইন্দাইরেক্ত তেক্সেস এন্দ কস্তম্স (সি.বি.আই.সি.)কী চেয়র্মেন শী এম. অজিৎ কুমারনা লৈবাক শীনবা থুংনা লৈরিবা সি.জি.এস.তি. অমসুং কস্তম ওফিস ৫০০ হেনবদা ই-ওফিস এপ্লিকেসন হৌদোকখ্রে। ই-ওফিস এপ্লিকেসন অসি সি.বি.আই.সি.গী মকোক থোংবা ওফিসর ৮০০ রোমগা লোইননা লাপ্না হৌদোকখিবনি। নেস্নেল ইনফোর্মেতিক্স সেন্তর (এন.আই.সি.)গী দি.জি. দা. নীতা ভর্মসু থৌরম অদুদা থরুক য়াখি।

হায়রিবা এপ্লিকেসন অসি ওফিসর অমসুং স্তাফ ৫০,০০০ হেনবনা শীজিন্নদুনা সি.বি.আই.সি.বু মহাক্কী ইন্তর্নেল ওফিস প্রোসিজরশিং মশা মতোমতা মথৌ তৌহঞ্জবা খ্বাইদগী চাউবা সরকারগী বিভাগশিংগী মনুংদা অমা ওইহনলগনি।

ই-ওফিস অসি হৌদোকখিবা অসিনা খুৎনা ফাইল শুবা অমসুং মীনা চে-চাং থাদোক-শাজিন তৌবদা য়ুম্ফম ওইরবা ইন্তর্নেল ওফিস প্রোসিজরদা তঙাই ফদবা অহোংবা অমা পুরকখ্রে। সি.বি.আই.সি.না ত্রেদ অমসুং ইন্দস্ত্রীগী থবক থৌরমশিং লাইহন্নবা হোৎনবদা অতোপ্পা আই.তি.শিংদা খুদম অমা ওইরনি হায়না থাজরি।

ই-ওফিস অসি হৌদোকখিবসি সি.বি.আই.সি.না 'ফেস্লেস, কন্তেক্লেস অমসুং পেপরলেস' ওইবা নাকোইননা তেক্সকী থবক থৌরমশিং পাঙথোকপা য়াহন্নবা তেক্নোলোজী শীজিন্নবা হৌনবগী খোংথাং অমনি।

ই-ওফিস এপ্লিকেসন অসি এন.আই.সি.না শাবনি অমসুং এদমিনিস্ত্রেতিব রিফোর্মস এন্দ পব্লিক গ্রিভান্সেসকী বিভাগ (দি.এ.আর.পি.জি.)না মতেং পাংবনি। ই-ওফিস অসিনা ফাইল শুবা অমসুং সরকারগী মনুংদা ৱারেপ লৌবগী মনুংগী ওইবা থবক থৌরমদা মশা মতোমতা তৌহন্দুনা গবর্নান্স হেন্না ফগৎহন্নবা পান্দম থম্লি। ই- ওফিস এপ্লিকেসনগী মরুওইবা মোদ্যুল অমা ওইরিবা ই-ফাইল অসিনা ফাইলশিংগা মরী লৈনবা থবকশিংবু ওনলাইন্দা শুবা য়াহনলি, দাক লৌবা অমসুং মার্ক তৌবদগী হৌরগা, ফাইল অমা শুবা, দ্রাফ লেত্তর শেম্বা, মখোয়গী অয়াবা/শহী লৌবা অমসুং শহী তৌরবা চেশিংবু থাদোকপা য়াহনলি।

সি.জি.এস.তি.গী রেঙ্ক অমসুং ফাইলনা অমসুং কস্তম ওফিসরশিংনা মখোয়গী নোংমগী থবকশিংদা ই-ওফিস শীজিন্নবনা ৱারেপ লৌবদা থুহনবা, মনুং-মপান ফাওনা উহনবা, থাজনিংঙাই ওইবা হেনগৎপা অমসুং চে অমসুং প্রিন্তিং শীজিন্নবগী চাং হন্থদুনা অকোইবগী ফিবমদা কাইহনবগী চাংদসু হন্থরগনি। হৌজিক-হৌজিক থেংনরিবা কোবিদ-১৯না ওইহল্লকপা ফিবম অসিদা য়েংবা মতমদা, ই-ওফিস্না ফাইলশিংবু খুৎনা থেংবা হন্থরগনি মসিনা ভাইরস শন্দোকপা হন্থহল্লগনি। মসিগীসু মথক্তা, ই ওফিস অসিনা ফাইল নত্ত্রগা দোক্যুমেন্ত অমত্তবু শেমদোকা নত্ত্রগা মাঙহনবা নত্ত্রগা তারিখ শেমদোকপা য়াহন্দ্রবনিনা সেক্যুরিতীদসু হেনগৎলগনি। মশাগী মনুংদা মোনিতর তৌজনবা মেকানিজম য়াওরিবা অসিনা ফাইলশিংবু কদাইদা লৈবগে খঙহন্দুনা থুনা থাদোকপা অমসুং ৱারেপ লৌবদা থুহল্লগনি।

ই-ওফিস অসি নেসনেল ই-গবর্নান্স ওব ইন্দিয়াগী মখাদা পায়খৎপা মিসন মোদ প্রোজেক্ত (এম.এম.পি.) অমনি।

*****