امور داخلہ کی وزارت

مرکزی وزیر داخلہ جناب امت شاہ نے کووڈ-19 سے متعلق انتظامات کا جائزہ لینے کی خاطر لوک نایک جے پرکاش نارائن (ایل این جے پی) اسپتال کا دورہ کیا

Posted On: 15 JUN 2020 6:59PM by PIB Delhi

نئی دہلی،15 جون،       مرکزی وزیر داخلہ جناب امت شاہ نےکووڈ-19 سے متعلق انتظامات کا جائزہ لینے کے لیے آج اچانک لوک نایک جے پرکاش نارائن (ایل این جے پی) اسپتال کا دورہ کیا۔ جناب امت شاہ نے دہلی کے چیف سکریٹری کو ہدایت دی کہ ہر کورونا اسپتال میں کورونا وارڈوں میں سی سی ٹی وی کیمرے لگائے جائیں تاکہ مریضوں کی مناسب نگرانی کی جاسکے اور ان کے مسائل کو حل کیا جاسکے۔

https://static.pib.gov.in/WriteReadData/userfiles/image/image001UHGI.jpg https://static.pib.gov.in/WriteReadData/userfiles/image/image002TMBM.jpg

مرکزی وزیر داخلہ نے دہلی کے چیف سکریٹری کو یہ ہدایت بھی دی کہ کھانا فراہم کرنے  والے کینٹینوں کے لیے پیچھے سے تیار ہوکر کھانا لانے کا نظام بھی قائم کیا جائے تاکہ اگر کسی ایک کینٹین میں انفیکشن پایا جائے تو مریضوں کو کسی رکاوٹ کے بغیر کھانا ملنے کا سلسلہ جاری رہے۔

جناب امت شاہ نے ہدایت دی کہ کورونا کے مریضوں کے علاج کے ذریعے انسانیت کی خدمت میں مصروف ڈاکٹروں اور نرسوں کے لیے نفسیاتی سماجی مشاورت کاانتظام بھی کیا جائے۔ اس سے یہ یقینی بنایا جاسکے گا کہ یہ ڈاکٹر اور نرسیں وبائی بیماری سے لڑنے کے لیے نہ صرف جسمانی طورپر بلکہ نفسیاتی طور پر بھی فٹ ہیں۔

https://static.pib.gov.in/WriteReadData/userfiles/image/image003QEMU.jpg

****************

م ن۔ اج ۔ ر ا

U:3300



(Release ID: 1631873) Visitor Counter : 229