লৌউ-শিংউ মন্ত্রালয়
কেন্দ্রগী লৌউ-শিংউ অমসুং লৌউবশিংগী য়াইফ য়ুম্বালগী মন্ত্রী শ্রী নরেন্দ্র সিংহ তোমারনা লৌউ-শিংউবগী সেক্তরদা লন্নাইগী মীওইনা শেল থাদবা হেনগৎহন্নবগী তঙাই ফদবগী মতাংদা হায়খ্রে
শ্রী তোমারনা হায়খ্রে মদুদি লৌউ-শিংউগী লমদা চাউখৎপনা লৈবাক অসিনা মরোমদোম লেপ্পা ঙমজবদা তেংবাংগনি; কোবিদকী ইরাং অসিনা ভারতকী লৌউবশিংনা অরুবা খুদিংমক থেংনবা ঙমগনি উৎলে
মহাক্না সাইন্তিস্তশিংদা লৌউ-শিংউগী পোত্থোক হেনগৎহনবদা মতেং পাংউ হায়খ্রে
Posted On:
13 JUN 2020 8:47PM by PIB Imphal
কেন্দ্রগী লৌউ-শিংউ অমসুং লৌউবশিংগী য়াইফ য়ুম্বালগী মন্ত্রী শ্রী নরেন্দ্র সিংহ তোমারনা লৌউ-শিংউবগী হীরমদা লন্নাইগী মীওইনা শেল থাদবা হেনগৎহন্নবগী তঙাই ফদবগী মতাংদা হায়খ্রে। ঙসি মীরতকী সি.ঐচ. চরন শিংহ য়ুনিবর্সিতীনা শিনবা মালেমগী ৱেবিনার অমসুং জুনাগর এগ্রিকলচরেল য়ুনিবর্সিতীনা শিনবা লৈবাক্কী ৱেবিনার অমদা ৱা ঙাংলদুনা শ্রী তোমারনা হায়খিবদা মসিনা লৌউ-শিংউবগী সেক্তরদা চাউখৎপা পুরক্কনি অমসুং মসিনা ভারতপু চাউখৎহনবতা নত্তনা মরোমদোম লেপচবা ঙমহনবদসু তেংবাংগনি। মহাক্না সাইন্তিস্তশিংদা লৌউ-শিংউগী পোত্থোক হেনগৎহনবদা মতেং পাংউ অমসুং খুদোংচাদবা থেংনরকপদসু মতেং পাংউ হায়খ্রে।
মীরত য়ুনিবর্সিতীনা শীনখিবা ৱেবিনারদা শ্রী তোমারনা হৱাই চেংৱাই পুথোকপদা ভারত অসি মসাগী কোন্নজবতা নত্তনা হেন্দোক পাথোক্নসু পুথোকই হায়খি। লৌউবশিংনা অরুবা ফিভম কয়া অমা থেংনবা ঙম্মি হায়বসু মায় পাক্না উৎলে। ইং ২০২৫ ফাওবদা কোতি ১৬০ য়ৌরগনি খন্নরিবা ভারতকী মীশিং অথুবা ওইনা হেনগৎলক্লিবা অসিবু থেংননবগীদমক ভারতকী মহৈ-মরোং থাবা মীওইশিং অমসুং সাইন্তিস্তশিংদা অকংবা ক্লাইমেৎ, অৱাংবা তেম্পেরেচর, সেলাইন অমসুং এসিদিক লৈহাও ওইবা মফমশিংদা হৌবা ঙম্বা অমসুং মফম য়াম্না চংদবা লায়না অমসুং তিল তাদবা মহৈ-মরোং পুথোক্তুনা ভারত মচাশিংদা তঙাই ফদবা ন্যুত্রিএন্তশিং অমসুং অফবা মখলগী হৱাই চেংৱাই পুথোকপা ঙম্নবা হোৎনবগী অচৌবা থবক অমা মাংদা লৈরি। প্রোতিন, আইরন অমসুং জিঙ্ককুম্বা ন্যুত্রিস্নেল কন্তেন্ত ৱাংবা মহৈ-মরোং পুথোক্নবা বাইও-ফোর্তিফিকেসন স্ত্রেতজী শিজিন্নবসু য়াম্না মরু ওই। মসিগীদমক্তা মহৈ-মরোং থাবা মীওইশিংনা হান্নদগী চৎনরক্লবা নাৎকী ওইবা লৌউবগী থৌওংশিংগী মথক্তা খ্বাইদগী নৌবা বাইওতেক্নোলোজীগী থৌওং শিজিন্নবা তাবনি।
শ্রী তোমারনা লৌউ-শিংউগী সেক্তরদা লন্নাইগী মীওইশিংদা শেল থাদহন্নবগী পান্দমগী মরী লৈনবা অমা ওইনা প্রধান মন্ত্রী শ্রী নরেন্দ্র মোদীনা লৌউ-শিংউগী ইনফ্রাস্ত্রকচরশিং ফগৎহন্নবা হায়দুনা লুপা কোতি লাখ ১গী শেনফম অমসু লাউথোকখ্রবনি হায়খি। মসিগা মান্নবা মওংদা ঙা-য়োকপা, এনিমেল হসবেন্দরী, খোয় য়োকপা, হর্বেল ফার্মিং, ফুদ প্রোসেসিংনচিংবা সেক্তরগী ওইনসু লাউথোকখিবা লৈরে। শ্রী তোমারনা লৈবাক লৈহাওগী হেলথ তেস্তিং তৌবদা অকনবা মিৎয়েং চংখি অমসুং মসিগী মতাংদা মীয়ামদা খংহন্নবগী মতাংদসু পনখি।
জুনাগর এগ্রিকলচরেল য়ুনিবর্সিতীনা শিনখিবা ৱেবিনারদা কেন্দ্রগী লৌউ-শিংউ অমসুং লৌউবশিংগী য়াইফ য়ুম্বালগী মন্ত্রী শ্রী নরেন্দ্র সিংহ তোমারনা ঈশিং য়াম্না শিজিন্নদনা ফার্মগী অফবা পোত্থোক পুথোক্নবগী মতাংদসু মরু ওইবা পীদুনা পনখি। প্রধান মন্ত্রী নরেন্দ্র মোদীনা হায়খিবদা খুঙ্গংশিংনা মরোমদোম লেপচবা ঙমদ্রিমখৈ ঐখোয়গী লৈবাক্না চাউখৎপা ঙম্লোই। খুঙ্গংগী শেন্মিৎলোন চাউখৎহন্নবগীদমক্তা লৌউ-শিংউবা অমসুং মসিগা মরী লৈনবা হীরমশিংশু চাউখৎপা মথৌ তায় হায়খি। মসি ওইরবা মতমদতা লৈবাক অসিনা খুদোংচাদবা পুম্বা থেংনবা ঙমগনি হায়খি।
শ্রী তোমারনা হায়খিবদা কোরোনাগী ইরাং অসিনা মালেমগী শেম্নিৎলোনগী খোংজেল তপথহল্লিঙৈ মতমসিদা ভারতকী লৌউবশিংনা খুঙ্গংগী মফমদা লৈজরিবা রিসোর্সশিং অসিদগী বম্পর ক্রোপশিং পুথোক্লি অমসুং লোকদাউন মনুংদসু মহৌশাগুম্না মহৈ-মরোং লোক্তুনা মমাং চহীদগী হেন্না মহৈ-মরোং পুথোক্তুনা মমাংগী চহীদগী খরিফকী মহৈ-মরোং ৪৫% হেন্না পুথোক্লি। মসিনা ঐখোয়গী লৌউবশিং অমসুং খুঙ্গংগী মীওইশিংনা খুদোংচাদবশিং মায়থিবা পীবা ঙম্বগী মতৌ উৎলি। শ্রী তোমারনা মোদী সরকারনা লৌউ-শিংউবা অমসুং লৌউবশিংগী য়াইফ য়ুম্বালদা থাদরিবা শেনফম অসিগুম্না অসি অতৈ কনামত্তনা থাদদ্রি হায়খি। পি.এম.-কিসান স্কিমদা থাদরিবা শেমফম অসিনা মমাংদা লৌউ-শিংউগী ওইনা থাদখিবা শেনফমদগী হেল্লি। হন্দক্তা নৌনা শেম্লে লাউথোকখিবা ফার্মর প্রোদ্যুসর ওর্গানাইজেসন (এফ.পি.ও.শিং) ১০০০০দা লৌউবশিং হেন্না হেন্না শম্নহনবগী থৌওংগী মতাংদা মরু ওইবা ৱাফম থমখি।
*****
(Release ID: 1631519)
Visitor Counter : 207