প্রধানমন্ত্রীগী লোইশঙ

ভারতনা কোবিদ-১৯গী মায়োক্তা লান্থেংনরিবা অসি প্রধান মন্ত্রীনা য়েংশিনখ্রে

Posted On: 13 JUN 2020 6:05PM by PIB Imphal

ভারতনা কোবিদ-১৯গী লাইচৎ অসি লান্থেংনরিবা অসি য়েংশিন্নবা প্রধান মন্ত্রীনা মকোক থোংবা মন্ত্রীশিং অমসুং ওফিসিএলশিংগা লোয়ননা কুপ্না খন্ননবা মীফম অমা পাঙথোকখ্রে। মীফম অসিদা লাইচৎ অসিগী নেস্নলগী থাক্তা ওইরিবা ফীভম অমসুং লৌখৎলিবা থৌরাং অদু য়েংশিনখি। মীফম অসিনা দিল্লী য়াওনা তোঙান তোঙানবা স্তেৎশিং অমসুং য়ু.তি.শিংদা ওইরিবা ফীভম অদুসু খন্নখি। মীফম অসিদা হোম পুরিবা মন্ত্রী, হকশেলগী মন্ত্রী, প্রধান মন্ত্রীগী প্রিন্সিপল সেক্রেতরী, কেবিনেৎ সেক্রেতরী, হকশেলগী সেক্রেতরী, দি.জি. আই.সি.এম.আর. অমসুং অতৈ অতোপ্পা মরী লৈনবা এম্পাৱর্দ গ্রুপশিংগী মীহুৎশিংনা শরুক য়াখি।

মথৌ তারকদৌরিবা শহর-অমসুং দিস্ত্রিক্ত-ৱাইসকী মথৌ তাবা হোস্পিতালগী ফমুংশিং/আইসোলেসনগী ফমুংশিংগী মতাংদা এম্পাৱর্দ গ্রুপনা পীবা পাউতাকশিং অদু লৌশিল্লদুনা প্রধান মন্ত্রীনা হকশেল মন্ত্রালয়গী ওফিসিএলশিংদা স্তেৎশিং/য়ু.তি.শিংগা লোয়ননা তান্নরগা ইমর্জেন্সী প্লানিং তৌনবা খঙহনখি। নোংজু পন্থা লাকপগা ইরোইননা লৌখৎপা য়াবা থৌরাংশিং অদুসু লৌখৎনবা মহাক্না হায়খি।

এন.আই.তি.আই.গী মেম্বর, এম্পাৱর্দ গ্রুপ ওফ মেদিকেল ইমর্জেন্সী মেনেজমেন্ত প্লানগী কনবেনর ওইরিবা দোক্তর ভিনোদ পোলনা হৌজিক ওইরিবা ফীভম অমসুং মিদিয়ম তর্মদা কোবিদ-১৯ কেসশিংগী ওইরকপা য়াবা মওং মতৌশিং অদু কুপ্না য়াওরবা প্রজেন্তেসন অমা উৎখি। অপুনবা কেসকী মনুংদা শরুক অহুম থোকপগী অনিদি স্তেৎ ৫দগী ওইরি লোয়ননা অচৌবা শহরশিংদা কেস মশিং কা হেন্না য়াম্বা উবা ফংখি। মরু ওইনা অচৌবা শহরশিংনা অৱাবা মায়োক্নরিবা অসি য়েংলগা, তেস্ত তৌবগা লোয়ননা ফমুং মশিং অমসুং সর্বিসশিং হেনগৎহন্দুনা নুমিৎ খুদিংদী য়ামখৎলক্লিবা কেস অসি মপুং ফানা য়েংশিন্নবা খন্নখি।

মথৌ তারকদৌরিবা শহর-অমসুং দিস্ত্রিক্ত-ৱাইসকী মথৌ তাবা হোস্পিতালগী ফমুংশিং/আইসোলেসনগী ফমুংশিংগী মতাংদা এম্পাৱর্দ গ্রুপনা পীবা পাউতাকশিং অদু লৌশিল্লদুনা প্রধান মন্ত্রীনা হকশেল মন্ত্রালয়গী ওফিসিএলশিংদা স্তেৎশিং/য়ু.তি.শিংগা লোয়ননা তান্নরগা ইমর্জেন্সী প্লানিং তৌনবা খঙহনখি। নোংজু পন্থা লাকপগা ইরোইননা লৌখৎপা য়াবা থৌরাংশিং অদুসু লৌখৎনবা মহাক্না হায়খি।

লৈবাক্কী কোনুংদা কোবিদ১৯ লায়না অসিনা হৌজিক অমসুং থোকহল্লকপা য়াবা ফীভম অদু খন্নদুনা অমসুং লাক্কদৌরিবা থা ২অসিগী প্রোজেক্সনশিং অদুসু চেকশিন্না খন্নখি। হোম পুবা মন্ত্রী অমসুং হকশেল মন্ত্রীনা এল.তি. গভর্নর, এন.সি.তি. দিল্লী সরকারগী চীফ মিনিস্তরগা লোয়ননা ভারত সরকারগী, দিল্লী সরকারগী মকোক থোংবা ওফিসিএলশিং অমসুং দিল্লীগী ম্যুনিসিপাল কোর্পরেসনগী ওফিসিএলশিং য়াওনা কোবিদ-১৯গী কেস হেনগৎলকপা অসিনা থোকহল্লকপা খুদোংথিবা অসি মায়োকননবা চপ মান্ননা অমসুং হীরম শুনা য়াওবা পোরম অমা য়াৎনবা ইমর্জেন্সী মীফম অমা কৌনবা প্রধান মন্ত্রীনা অপাম্বা ফোঙদোকখ্রে। 

হীরম কয়াদা স্তেৎ, দিস্ত্রিক্ত অমসুং শহর কয়ানা লাইচৎ অসি মাইপাকনা লাকশিনবা অমসুং ঙাকথোপগী শীংথানিঙাই ওইরবা থবক কয়া তৌখিবা অসি শকখঙবা উৎখি অমসুং থগৎপা ফোংদোকখি। মসিগী মাইপাকপগী ৱারীশিং অমসুং খ্বাইদগী ফবা ঙাকথোকনবা পাম্বৈশিং অসিবু অতোপ্পদা ইথিল পীবা অমসুং অনৌবা ৱাখল্লোনশিং অসি পাকশন্না খঙহনগদবনি।

*****

 



(Release ID: 1631450) Visitor Counter : 8