ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲਾ ਦੁਆਰਾ ਜਾਰੀ ਕੀਤੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਕੁਝ ਰਾਜ ਸਰਕਾਰਾਂ ਨੇ ਭਾਰਤੀ ਰੇਲਵੇ ਨੂੰ ਮੰਗ ਭੇਜੀ ਹੈ। ਰੇਲਵੇ ਨੇ ਇਹ ਕੋਚਾਂ ਰਾਜਾਂ /ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਵਿੱਚ ਨਿਰਧਾਰਿਤ ਕੀਤੇ ਹਨ।

ਉੱਤਰ ਪ੍ਰਦੇਸ਼ ਨੇ 24 ਸਟੇਸ਼ਨਾਂ ਨੂੰ ਅੰਤਿਮ ਰੂਪ ਦਿੱਤਾ।

ਤੇਲੰਗਾਨਾ ਲਈ ਤਿੰਨ ਸਥਾਨਾਂ - ਸਿਕੰਦਰਾਬਾਦ, ਕਾਚੀਗੁੱਡਾ ਅਤੇ ਆਦਿਲਾਬਾਦ।

ਦਿੱਲੀ ਲਈ 10 ਡੱਬਿਆਂ ਦੀ ਮੰਗ ਰੱਖੀ ਗਈ।

ਕੋਵਿਡ-19 ਖ਼ਿਲਾਫ਼ ਜੰਗ ਨੂੰ ਜਾਰੀ ਰੱਖਦੇ ਹੋਏ ਭਾਰਤੀ ਰੇਲਵੇ ਭਾਰਤ ਸਰਕਾਰ ਦੇ ਸਿਹਤ ਸੰਭਾਲ਼ ਯਤਨਾਂ ਦੀ ਪੂਰੀ ਤਰ੍ਹਾਂ ਹਿਮਾਇਤ ਕਰ ਰਿਹਾ ਹੈ। ਭਾਰਤੀ ਰੇਲਵੇ ਨੇ 5231 ਕੋਵਿਡ ਸੰਭਾਲ਼ ਸੈਂਟਰ ਰਾਜਾਂ ਨੂੰ ਦੇਣ ਦੀ ਤਿਆਰੀ ਕਰ ਲਈ ਹੈ। ਰੀਜਨਲ ਰੇਲਵੇ ਨੇ ਇਨ੍ਹਾਂ ਡੱਬਿਆਂ ਨੂੰ ਕੁਆਰੰਟੀਨ ਦੀਆਂ ਸੁਵਿਧਾਵਾਂ ਨਾਲ ਲੈਸ ਕੀਤਾ ਹੈ।

ਇਹ ਕੋਚਾਂ ਬਹੁਤ ਨਾਜ਼ੁਕ ਕੇਸਾਂ ਲਈ ਜੋ ਕਿ ਡਾਕਟਰੀ ਤੌਰ ‘ਤੇ ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲਾ ਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਉਨ੍ਹਾਂ ਥਾਵਾਂ ਉੱਤੇ ਵਰਤੇ ਜਾ ਸਕਣਗੇ ਜਿੱਥੇ ਕਿ ਰਾਜਾਂ ਦੀਆਂ ਕੁਆਰੰਟੀਨ ਸੁਵਿਧਾਵਾਂ ਖਤਮ ਹੋ ਚੁੱਕੀਆਂ ਹਨ ਅਤੇ ਤਸਦੀਕਸ਼ੁਦਾ ਅਤੇ ਆਈਸੋਲੇਸ਼ਨ ਵਾਲੇ ਵਿਅਕਤੀਆਂ ਨੂੰ ਇਨ੍ਹਾਂ ਥਾਵਾਂ ਉੱਤੇ ਇਹ ਸੁਵਿਧਾ ਪ੍ਰਦਾਨ ਕੀਤੀ ਜਾਵੇਗੀ। ਇਹ ਸੁਵਿਧਾਵਾਂ ਮੰਤਰਾਲਾ ਅਤੇ ਨੀਤੀ ਆਯੋਗ ਦੁਆਰਾ ਕੋਵਿਡ ਯੋਜਨਾ ਦਾ ਹਿੱਸਾ ਹੋਣਗੀਆਂ।

215 ਸਟੇਸ਼ਨਾਂ ਵਿੱਚੋਂ 85 ਸਟੇਸ਼ਨਾਂ ਉੱਤੇ ਰੇਲਵੇ ਦੁਆਰਾ ਸਿਹਤ ਸੰਭਾਲ਼ ਸੁਵਿਧਾਵਾਂ ਪ੍ਰਦਾਨ ਕੀਤੀਆਂ ਜਾਣਗੀਆਂ ਅਤੇ 130 ਸਟੇਸ਼ਨਾਂ ਉੱਤੇ ਰਾਜਾਂ ਨੂੰ ਬੇਨਤੀ ਕੀਤੀ ਗਈ ਹੈ ਕਿ ਉਹ ਕੋਵਿਡ ਸੰਭਾਲ਼ ਡੱਬਿਆਂ ਲਈ ਬੇਨਤੀ ਕਰਨ ਬਸ਼ਰਤੇ ਕਿ ਉਹ ਸਟਾਫ ਅਤੇ ਜ਼ਰੂਰੀ ਦਵਾਈਆਂ ਦੇਣ ਦਾ ਪ੍ਰਬੰਧ ਕਰਨ ਲਈ ਸਹਿਮਤ ਹੋਣ। ਭਾਰਤੀ ਰੇਲਵੇ ਨੇ 158 ਸਟੇਸ਼ਨਾਂ ਨੂੰ ਪਾਣੀ ਅਤੇ ਚਾਰਜਿੰਗ ਦੀ ਸੁਵਿਧਾ ਲਈ ਤਿਆਰ ਕਰਕੇ ਰੱਖਿਆ ਹੋਇਆ ਹੈ ਅਤੇ 58 ਸਟੇਸ਼ਨਾਂ ਨੂੰ ਇਨ੍ਹਾਂ ਕੋਵਿਡ ਸੰਭਾਲ਼ ਸੈਂਟਰਾਂ ਉੱਤੇ ਪਾਣੀ ਦੀ ਸੁਵਿਧਾ ਦਾ ਪ੍ਰਬੰਧ ਕੀਤਾ ਗਿਆ ਹੈ।

****

ਡੀਜੇਐੱਨ/ਐੱਮਕੇਵੀ