ইন্দিয়ন কাউন্সিল ওফ মেদিকেল রিসর্স (আই.সি.এম.আর.)না নোবেল কোরোনাভাইরস তেস্তিংগীদমক্তা রিভর্স ত্রান্সক্রিপসন পোলীমরেজ চেন রিএক্সন (আর.তি.-ক্যু.পি.সি.আর.) খক্তং তৌগদবনি হায়খ্রে। সেন্তর ফোর সেলুলর এন্দ মোলেক্যুলর বাইওলোজী (সি.সি.এম.বি.)না এস.এ.আর.এস.-কোব-২ তেস্তিং তৌনবা অনৌবা শেল চংদবা লো-তেক তেস্ত অমা পুথোকখ্রে। তেস্ত অসি রিভর্স ত্রান্সক্রিপসন নেস্তেদ পি.সি.আর. (আর.তি.-এন.পি.সি.আর.) কৌই।

তেস্ত অসিদা রিএল তাইম ক্বান্তিতেতিব আর.তি.-ক্যু.পি.সি.আর.গী মথৌ তাদে। সি.সি.এম.বি.গী রিসর্স তীম্বা পুথোকপা আর.তি.- এন.পি.সি.আর. অসিনা হৌজিক চৎনরিবা আর.তি.-ক্যু.পি.সি.আর.গা মান্ননা মথৌ তৌবা উবা ফংলে। নেস্তেদ পি.সি.আর. (আর.তি.-এন.পি.সি.আর.)না আর.তি.-ক্যু.পি.সি.আর.গী মপাং তাংদে অদুগা স্তেন্দর্দ আর.তি.-পি.সি.আর. অসি এন্দপোইন্ত এসেগী শরুক অমা ওইনা শিজিন্নৈ।

তেস্ত অসিগী রিজল্ত অনি চাংদম্নবা মতমদা রিসর্সরশিংনা তসেংনা তেস্ত তৌবগী ফিভমদা সেম্পল কয়াদা ভাইরস মশিং য়াম্না য়াওদবা মতমদা আর.তি.ক্যু.পি.সি.আর.না লো দিতেক্সন ইফিসেন্সী (৫০%দগী তানা) লৈ। মসিদা খংলক্লিবা অসিনা তেস্ত তৌবগী মতমদা দিতেক্সন তৌবগী ইফিসেন্সী অসি য়াম্না মরু ওইনা য়েংশিনবা য়াদবগী তঙাই ফদবা লৈরে খংখি।

ঐখোয়না ইন্দিবিজুৱেল এমপ্লিকোনগী সেকেন্দরী নেস্তেদ পি.সি.আর.না মখা তাদুনা এস.এ.আর.এস.-কোব-২ এমপ্লিকোন মরি অমসুং কন্ত্রোল হ্যুমেন এমপ্লিকোন এমপ্লিফিকেসন তৌনবা মলতিপ্লেক্স প্রাইমরী আর.তি.-পি.সি.আর. য়াওবা আর.তি.-এন.পি.সি.আর. প্রোতোকোল অমা পুথোক্তুনা তেস্ত তৌখ্রে। ঐখোয়না পুল্দ তেস্তিং অমসুং আর.এন.এ. আইসোলেসন তৌদবা দাইরেক্ত এমপ্লিফিকেসন্দা আর.তি.-এন.পি.সি.আর. শিজিন্নবা য়েংশিনখ্রে হায়না দাক্তর রাকেশ মিশ্রা, দাইরেক্তর, সি.সি.এম.বি.না ইন্দিয়া সাইন্স ৱায়রগী ৱারী শাবদা হায়খ্রে।

হান্ননা আর.তি.-ক্যু.পি.সি.আর. তেস্ত অনিগী মনুংদা অমা শিজিন্নদুনা তেস্ত তৌখ্রবা নেসোফেরিঞ্জেল স্বাবতগী আইসোলেত তৌরবা আর.এন.এ. অসি আর.তি.-এন.পি.সি.আর. শিজিন্নদুনা য়েংশিনখ্রে অমসুং মতুংদা রিজল্ত অনিমক চাংদম্নখ্রে। স্তেন্দর্দ আর.তি.-ক্যু.পি.সি.আর. তেস্ত অনিমক তৌবা মতমদা আর.তি.-এন.পি.সি.আর.না আর.তি.-ক্যু.পি.সি.আর.না পোজিতিব ওইরে হায়না দিতেক্ত তৌখিবা সেম্পল ৯০% খংদোকপা ঙমখি। স্তেন্দর্দ আর.তি.-ক্যু.পি.সি.আর. তেস্তনা নেগেতিব ( অরানবা নেগেতিব ওইবা য়াবা) ওইরে হায়খিবা সেম্পল ১৩%সু পোজিতিবনি হায়না দিতেক্ত তৌখি। আর.তি.এন.আর.তি.-ক্যু.পি.সি.আর.তেস্ত অসিনা চাংয়েং তৌদুনা লান্না নেগেতিব ওইরে হায়বগী চাং খংনবা চত্থবা স্তদীসিদা য়ুম্ফম ওইরগা তাবা য়াবা ৱারোইশিন অদুদি তসেংনা তেস্ত তৌবগী ফিভমদা আর.তি.-ক্যু.আর.তি.-ক্যু.পি.সি.আর.না সিঙ্গল পাস তেস্তিং তৌবদা তসেংনা পোজিতিব ওইবা সেম্পল ৫০%দি দিতেক্সন তৌবা ঙমখিদবা য়াওই হায়বসিনি।

মসিগী অনৌবা তেস্ত অসি আই.সি.এম.আর.না অয়াবা পীরকপা ঙাইরি। আর.তি.-ক্যু.আর.তি.-ক্যু.পি.সি.আর.না মেছিন লৈতবা মফমশিংদা অনৌবা তেস্ত অসি শিজিন্নবিয়ু হায়দুনা ঐখোয়না আই.সি.এম.আর.দা হায়জবসু য়াই হায়না দাক্তর মিশ্রানা হায়খি।

*****