কোবিদ-১৯না মরম ওইরগা লৈবাক শিনবা থুংনা চৎথরিবা লোকদাউন অসিগী মনুংদা অমসুং মতুং তারকপদা তঙাই ফদনা চংবা পোৎলমশিং ফংহন্নবা ইন্দিয়ন রেলৱেনা মাল পুবা অমসুং পার্সেল সর্বিস তৌদুনা ফংহল্লি৷ ইনর্জী অমসুং ইনফ্রাস্ত্রকচরদা চংবা মরু ওইবা পোৎলমশিং অমসুং প্রজা মীয়াম্না তঙাই ফদনা শিজিন্নবা পোৎলমশিং মতম চানা ফংহন্নবগীদমক্তা ইন্দিয়ন রেলৱেনা কোবিদ ১৯ লাইচৎ লৈজরবসু ফ্রেইত কোরিদোরশিং মপুং ফানা মথৌ তৌহনখি অমসুং য়ুমশিংদা অমসুং ইন্দস্ত্রীদা দরকার লৈবা পোৎশিং মাই পাক্না পুথোক্তুনা ফংহনখ্রে৷

২০২০গী মেগী ১দগী মেগী ৩১ ফাওবদা ইন্দিয়ন রেলৱেনা ২০২০গী এপ্রিল ১দগী ২০২০গী এপ্রিল ৩০ ফাওবদা মিলিয়ন তন ৬৫.১৪ পুথোকখিবা অদুগা চাংদম্নবদা চাদা ২৫ হেঙ্গৎতুনা তঙাই ফদনা চংবা পোৎলমশিং মিলিয়ন তন ৮২.২৭ পুথোক পুশিন তৌখ্রে৷

২০২০গী এপ্রিল ১দগী ২০২০গী জুন ৯ ফাওবদা ইন্দিয়ন রেলৱেনা তঙাই ফদনা চংবা পোৎলমশিং লৈবাক শিনবা থুংনা পুন্না মিলিয়ন তন ১৭৫.৪৬ মাল পুবা ত্রেন ২৪x৭ শিজিন্নদুনা পুথোক পুশিন তৌখি৷

২৪.০৩.২০২০দগী ০৯.০৬.২০২০ ফাওবদা ৱেগন লাখ ৩১.৯০ হেনবনা সপ্লাই চেন অদু কাইহন্দনা থম্নবা পোৎ চৈশিং পুথোকখ্রে৷ মসিগী মনুংদা ৱেগন লাখ ১৭.৮১ হেনবনা তঙাই ফদনা চংবা পোৎলমশিং খুদম ওইনা মহৈ-মরোং, থুম, চিন্নি, শঙ্গোম, চানবা থাও, তিলহৌ, উহৈ অমসুং মনা মশিংশিং, পেত্রোলিয়মগী পোত্থোকশিং, কোয়লা, হার অসিনচিংবশিং অসি লৈবাক শিনবা থুংনা পুথোক পুশিন তৌখি৷ ২০২০গী এপ্রিল ১দগী ২০২০গী জুন ৯ হায়রিবা মতম অসিগী মনুংদা রেলৱেনা মমাং চহিগী চপ মান্নবা মতম অসিমক্তদা মিলিয়ন তন ৬.৭ পুথোক পুশিন তৌখিবা অদুগা চাংদম্নদুনা য়েংবদা হন্দক চহী অসিদা মহৈ-মরোং মিলিয়ন তন ১২.৫৬ পুথোক পুশিন তৌখ্রে৷

অসিদসু নত্তনা ২২.০৩.২০২০দগী ৯.০৬.২০২০ ফাওবদা ইন্দিয়ন রেলৱেনা পার্সেল ত্রেন পুন্না ৩,৮৬১ চেলহনখ্রে মদুগী মনুংদা ৩,৭৫৫দি তাইম তেবল ত্রেনশিংনি৷ হায়রিবা পার্সেল ত্রেনশিং অসিদা পুন্না তন ১,৩৭,০৩০গী কন্সাইনমেন্ত পুথোক পুশিন তৌখি৷ কোবিদ ১৯না মরম ওইরগা চৎথরিবা লোকদাউন অসিগী মনুংদা অমসুং মতুং তারকপদা তঙাই ফদনা চংবা পোৎলমশিং খুদম ওইনা মেদিকেল সপ্লাইশিং, মেদিকেল ইক্বুইপমেন্ত অমসুং চিঞ্জাক অপিকপা পার্সেল সাইজশিংদা পুথোক পুশিন তৌবা য়াম্না মরু ওই৷ হায়রিবা দরকার ওইরিবশিং অসি মেনখৎনবগীদমক্তা ইন্দিয়ন রেলৱেনা ই-কম্মর্স এন্তাইতিজ অমসুং অতোপ্পা কস্তমর মরু ওইনা রাজ্য সরকারশিং য়াওনা য়াম থুনা অমসুং পাক শন্না পুথোক পুশিন তৌবা য়ানবা রেলৱে পার্সেল ভেনশিং ফংহনখ্রে ৷ রেলৱেনা তঙাই ফদনা চংবা পোৎলমশিং লেপ্পা লৈতনা ফংহন্নবা অখন্নবা তাইম-তেবল পার্সেল ত্রেনশিং অখন্নবা রুত্তা চেলহল্লি৷

হায়রিবা অখন্নবা পার্সেল ত্রেনশিং অসিগীদমক জোনেল রেলৱেনা চাং নাইনা ত্রেনশিং অসিনা চৎকদবা রুৎশিং খন্দোক্তুনা তাক্লি৷ হৌজিক হৌজিক রুৎ ৯৬তা হায়রিবা ত্রেনশিং অসি চেল্লি৷

হায়রিবা রুৎশিং অসিদা য়াওগদবশিং অদুদি:

i) লৈবাক অসিগী অচৌবা শহরশিং খুদম ওইনা দিল্লী, মুম্বাই, কোলকতা, চেন্নাই, বেঙ্গলুরু অমসুং হারদ্রবাদকী মরক্তা নিংথীজনা শম্নহনবা৷

ii) রাজ্যগী কোনুংশিং/মরু ওইবা শহরশিংদগী রাজ্য অদুগী মফম খুদিংমক্কা শম্নহনবা৷

iii) লৈবাক অসিগী অৱাং নোংপোক লমদমগা শম্নহনবা৷

iv) শঙ্গোম হেন্না পুথোকপা মফমশিং (গুজরাত, আন্ধ্র প্রদেশ)দগী হেন্না দরকার লৈবা মফমশিংদা শঙ্গোম অমসুং শঙ্গোমগী পোত্থোকশিং ফংহনবা৷

v) অতোপ্পা তঙাই ফদনা চংবা পোৎলম (এগ্রিকলচরেল ইনপুত, মেদিসিন, মেদিকেল ইক্বুইপমেন্ত)শিং অসি শেম শাদুনা পুথোকলিবা মফমশিং অদুদগী লৈবাক অসিগী অতোপ্পা মফমশিংদা য়ৌহনবা৷ লৈবাক অসিগীদমক্তা তঙাই ফদনা চংবা পোৎলমশিং ফংহল্লিবা অসি অশোই অঙাম য়াওদনা তোঙান তোঙানবা মফমশিংদা য়ৌহন্নবা গুদস শেদশিং, স্তেসনশিং অমসুং কন্ত্রোল ওফিসশিং ২৪/৭ বেসিস্তা ইন্দিয়ন রেলৱেজ স্তাফশিংনা মথৌ নিংথীনা তৌদুনা হোৎনরি৷ লোকোমোতিব পাইলোৎশিং অমসুং গার্দশিংনা ত্রেনশিং অসি নিংথীজনা শেন্নদুনা থৌরি৷ ত্রেক, ওবরহেদ ইক্বুইপমেন্ত, লোকোমোতিব, কোচশিং অমসুং ৱেগনশিং য়েংশিল্লিবা মরু ওইবা স্তাফশিংনা মাল পুবা ত্রেনশিং অদু নিংথীনা চেন্নবা, লৈরিবা ইনফ্রাইস্ত্রকচরগী ফিবম অদু ফনা থম্লি৷

এম.ঐচ.এ. কন্ত্রোল রুমগী শরুক অমা ওইনা রেলৱে ওফিসরশিংগী থোংদা রিএল তাইম বেসিসতা গৃহ মন্ত্রালয়না শেমগৎলিবা কন্ত্রোল রুমদা পোৎ-চৈ পুথোক পুশিন তৌবা ত্রেনশিং অপরেৎ তৌবদা জোনেল রেলৱেশিংনা মায়োক্নরিবা ইসুশিং কোকহন্নবা ইন্সতিত্যুস্নেল মেকানিজম শিজিন্নরি।

*****