ਭਾਰਤੀ ਰੇਲਵੇ ਕੋਵਿਡ-19 ਕਾਰਨ ਦੇਸ਼ ਵਿਆਪੀ ਲੌਕਡਾਊਨ ਦੌਰਾਨ ਅਤੇ ਉਸ ਤੋ ਬਾਅਦ ਆਪਣੀ ਭਾੜੇ ਅਤੇ ਪਾਰਸਲ ਸੇਵਾਵਾਂ ਰਾਹੀਂ ਜ਼ਰੂਰੀ ਵਸਤਾਂ ਦੀ ਉਪਲੱਬਧਤਾ ਨੂੰ ਯਕੀਨੀ ਬਣਾਉਣ ਲਈ ਲਈ ਯਤਨਸ਼ੀਲ ਹੈ। ਨਾਗਰਿਕਾਂ ਲਈ ਜ਼ਰੂਰੀ ਵਸਤਾਂ ਅਤੇ ਊਰਜਾ ਅਤੇ ਬੁਨਿਆਦੀ ਖੇਤਰ ਲਈ ਮਹੱਤਵਪੂਰਨ ਵਸਤਾਂ ਦੀ ਸਮੇਂ ਸਿਰ ਸਪੁਰਦਗੀ ਨੂੰ ਯਕੀਨੀ ਬਣਾਉਣ ਲਈ, ਭਾਰਤੀ ਰੇਲਵੇ ਨੇ ਕੋਵਿਡ-19 ਦੇ ਲੌਕਡਾਊਨ ਦੇ ਬਾਵਜੂਦ ਆਪਣੇ ਮਾਲ ਗਲਿਆਰੇ ਨੂੰ ਪੂਰੀ ਤਰ੍ਹਾਂ ਕਾਰਜਸ਼ੀਲ ਰੱਖਿਆ ਹੈ ਅਤੇ ਦੋਵੇਂ ਘਰੇਲੂ ਅਤੇ ਉਦਯੋਗ ਸੈਕਟਰਾਂ ਦੀਆ ਲੋੜਾਂ ਪੂਰੀਆਂ ਕਰਨ ਵਿੱਚ ਸਫਲ ਰਿਹਾ ਹੈ।

ਮਈ ਦੇ ਮਹੀਨੇ ਵਿੱਚ, ਭਾਰਤੀ ਰੇਲਵੇ ਨੇ 1 ਅਪ੍ਰੈਲ  ਤੋਂ 30 ਅਪ੍ਰੈਲ ਤੱਕ 65.14 ਮਿਲੀਅਨ ਟਨ ਢੋਆ-ਢੁਆਈ ਦੇ ਮੁਕਾਬਲੇ, 1 ਮਈ 2020 ਤੋਂ 31 ਮਈ 2020 ਤੱਕ 82.27 ਮਿਲੀਅਨ ਟਨ ਜ਼ਰੂਰੀ ਵਸਤਾਂ ਦੀ ਢੋਆ-ਢੁਆਈ ਕੀਤੀ ਹੈ ਜੋ ਕਿ 25% ਵੱਧ ਹੈ।

ਕੁੱਲ ਮਿਲਾ ਕੇ 1 ਅਪ੍ਰੈਲ 2020 ਤੋਂ 9 ਜੂਨ 2020 ਤੱਕ ਭਾਰਤੀ ਰੇਲਵੇ ਨੇ ਆਪਣੀਆਂ ਨਿਰਵਿਘਨ 24/7 ਮਾਲ ਗੱਡੀਆਂ ਦੇ ਸੰਚਾਲਨ ਦੁਆਰਾ ਦੇਸ਼ ਭਰ ਵਿੱਚ 175.46 ਮਿਲੀਅਨ ਟਨ ਜ਼ਰੂਰੀ ਵਸਤਾਂ ਦੀ ਢੋਆ-ਢੁਆਈ ਕੀਤੀ ਹੈ।

24.03.2020 ਤੋਂ ਲੈ ਕੇ 09.06.2020 ਤੱਕ 31.90 ਲੱਖ ਵੈਗਨਾਂ ਸਪਲਾਈ ਚੇਨ ਨੂੰ ਕਾਰਜਸ਼ੀਲ ਰੱਖਣ ਲਈ ਸਪਲਾਈ ਕਰਦੇ ਸਨ, ਇਨ੍ਹਾਂ ਵਿੱਚੋਂ 17.81 ਲੱਖ ਤੋਂ ਵੱਧ ਵੈਗਨਾਂ ਵਿੱਚ ਅਨਾਜ, ਨਮਕ, ਚੀਨੀ, ਦੁੱਧ, ਖੁਰਾਕੀ ਤੇਲ, ਪਿਆਜ਼, ਫਲ, ਸਬਜ਼ੀਆਂ, ਪੈਟਰੋਲੀਅਮ ਉਤਪਾਦ, ਕੋਲਾ,ਖਾਦ ਆਦਿ ਜ਼ਰੂਰੀ ਵਸਤਾਂ ਸਨ। ਦੇਸ਼ ਭਰ ਵਿੱਚ, 1 ਅਪ੍ਰੈਲ 2020 ਤੋਂ 9 ਜੂਨ 2020 ਦੇ ਅਰਸੇ ਦੌਰਾਨ ਰੇਲਵੇ ਨੇ ਪਿਛਲੇ ਸਾਲ ਦੇ ਇਸ ਅਰਸੇ ਦੇ 6.7 ਮਿਲੀਅਨ ਟਨ ਦੇ ਮੁਕਾਬਲੇ 12.56 ਮਿਲੀਅਨ ਟਨ ਅਨਾਜ ਲੋਡ ਕੀਤਾ। 

ਇਸ ਤੋਂ ਇਲਾਵਾ 22.03.2020 ਤੋਂ 09.06.2020 ਤੱਕ ਭਾਰਤੀ ਰੇਲਵੇ ਦੁਆਰਾ 3861 ਪਾਰਸਲ ਟ੍ਰੇਨਾਂ ਵੀ ਚਲਾਈਆਂ ਗਈਆਂ ਹਨ, ਜਿਨ੍ਹਾਂ ਵਿੱਚੋਂ 3755 ਸਮਾਂ ਸਾਰਣੀ ਟ੍ਰੇਨਾਂ ਸਨ। ਇਨ੍ਹਾਂ ਪਾਰਸਲ ਟ੍ਰੇਨਾਂ ਵਿੱਚ ਕੁੱਲ 1,37,030 ਟਨ ਖੇਪ ਲੋਡ ਕੀਤੀ ਗਈ। ਕੋਵਿਡ-19 ਦੇ ਮੱਦੇਨਜ਼ਰ ਲੌਕਡਾਊਨ ਦੌਰਾਨ ਅਤੇ ਉਸ ਤੋਂ ਬਾਅਦ ਛੋਟੇ ਪਾਰਸਲ ਦੇ ਅਕਾਰ ਵਿੱਚ ਮੈਡੀਕਲ ਸਪਲਾਈ,ਮੈਡੀਕਲ ਉਪਕਰਣ, ਭੋਜਨ, ਆਦਿ ਵਸਤਾਂ ਦੀ ਢੋਆ-ਢੁਆਈ ਬਹੁਤ ਮਹੱਤਵਪੂਰਨ ਹੈ। ਇਸ ਅਹਿਮ ਜ਼ਰੂਰਤ ਨੂੰ ਪੂਰਾ ਕਰਨ ਲਈ, ਭਾਰਤੀ ਰੇਲਵੇ ਨੇ ਈ-ਕਾਮਰਸ ਇਕਾਈਆਂ ਅਤੇ ਰਾਜ ਸਰਕਾਰਾਂ ਸਮੇਤ ਹੋਰ ਗ੍ਰਾਹਕਾਂ ਲਈ ਤੇਜ਼ੀ ਨਾਲ ਜਨਤਕ ਢੋਆ-ਢੁਆਈ ਲਈ ਰੇਲਵੇ ਪਾਰਸਲ ਵੈਨਾਂ ਉਪਲੱਬਧ ਕਰਵਾਈਆਂ ਹਨ।ਜ਼ਰੂਰੀ ਵਸਤਾਂ ਦੀ ਨਿਰਵਿਘਨ ਸਪਲਾਈ ਨੂੰ ਯਕੀਨੀ ਬਣਾਉਣ ਲਈ ਰੇਲਵੇ ਚੁਣੇ ਹੋਏ ਰੂਟਾਂ 'ਤੇ ਸਮਾਂ-ਸਾਰਣੀ ਪਾਰਸਲ ਵਿਸ਼ੇਸ਼ ਟ੍ਰੇਨਾਂ ਚਲਾ ਰਿਹਾ ਹੈ।

ਜ਼ੋਨਲ ਰੇਲਵੇ ਨਿਯਮਿਤ ਤੌਰ 'ਤੇ ਇਨ੍ਹਾ ਪਾਰਸਲ ਸਪੈਸ਼ਲ ਟ੍ਰੇਨਾਂ ਲਈ ਰੂਟਾਂ ਦੀ ਪਛਾਣ ਅਤੇ ਨੋਟੀਫਾਈ ਕਰ ਰਿਹਾ ਹੈ। ਵਰਤਮਾਨ ਵਿੱਚ ਇਹ ਟ੍ਰੇਨਾਂ 96 ਰੂਟਾਂ 'ਤੇ ਚਲਾਈਆਂ ਜਾ ਰਹੀਆਂ ਹਨ। ਇਨ੍ਹਾਂ ਰੂਟਾਂ ਦੀ ਸ਼ਾਮਲ ਕਰਨ ਲਈ ਪਹਿਚਾਣ ਕੀਤੀ ਗਈ ਹੈ :

1) ਦੇਸ਼ ਦੇ ਵੱਡੇ ਸ਼ਹਿਰਾਂ ਜਿਵੇਂ ਕਿ ਦਿੱਲੀ, ਮੁੰਬਈ, ਕੋਲਕਾਤਾ, ਚੇਨਈ, ਬੰਗਲੁਰੂ ਅਤੇ ਹੈਦਰਾਬਾਦ ਵਿੱਚ ਨਿਯਮਿਤ ਸੰਪਰਕ।

2) ਰਾਜ ਦੀਆ ਰਾਜਧਾਨੀਆਂ/ਮਹੱਤਵਪੂਰਨ ਸ਼ਹਿਰਾਂ ਤੋਂ ਰਾਜ ਦੇ ਸਾਰੇ ਹਿੱਸਿਆਂ ਤੱਕ ਸੰਪਰਕ।

3) ਦੇਸ਼ ਦੇ ਉੱਤਰ-ਪੂਰਬੀ ਹਿੱਸੇ ਨਾਲ ਸੰਪਰਕ ਨੂੰ ਯਕੀਨੀ ਬਣਾਉਣਾ।

4) ਦੁੱਧ ਅਤੇ ਡੇਅਰੀ ਉਤਪਾਦਾਂ ਦੀ ਸਰਪਲਸ ਖੇਤਰਾਂ (ਗੁਜਰਾਤ, ਆਂਧਰ ਪ੍ਰਦੇਸ਼) ਤੋਂ ਵਧੇਰੇ ਮੰਗ ਵਾਲੇ ਖੇਤਰਾਂ ਨੂੰ ਸਪਲਾਈ।

5) ਦੇਸ਼ ਦੇ ਦੂਜੇ ਹਿੱਸਿਆਂ ਨੂੰ ਉਤਪਾਦਨ ਵਾਲੇ ਖੇਤਰਾਂ ਤੋਂ ਹੋਰ ਜ਼ਰੂਰੀ ਵਸਤਾਂ (ਖੇਤੀਬਾੜੀ ਇਨਪੁੱਟਸ, ਦਵਾਈਆਂ, ਮੈਡੀਕਲ ਉਪਕਰਣ ਆਦਿ) ਦੀ ਸਪਲਾਈ।

ਭਾਰਤੀ ਰੇਲਵੇ ਸਟਾਫ 24/7 ਦੇ ਅਧਾਰ 'ਤੇ ਵੱਖ-ਵੱਖ ਚੰਗੇ ਸ਼ੈੱਡਾਂ,ਸਟੇਸ਼ਨਾਂ ਅਤੇ ਕੰਟਰੋਲ ਦਫ਼ਤਰਾਂ 'ਤੇ ਕੰਮ ਕਰ ਰਿਹਾ ਹੈ ਤਾਂ ਜੋ ਇਹ ਸੁਨਿਸ਼ਚਿਤ ਕੀਤਾ ਜਾ ਸਕੇ ਕਿ ਦੇਸ਼ ਲਈ ਜ਼ਰੂਰੀ ਵਸਤਾਂ ਦੀ ਸਪਲਾਈ ਪ੍ਰਭਾਵਿਤ ਨਾ ਹੋਵੇ। ਲੋਕੋਮੋਟਿਵ ਪਾਇਲਟ ਅਤੇ ਗਾਰਡ ਕੁਸ਼ਲਤਾ ਨਾਲ ਟ੍ਰੇਨਾਂ ਚਲਾ ਰਹੇ ਹਨ। ਟਰੈਕ,ਸਿਗਨਲਿੰਗ,ਓਵਰਹੈੱਡ,ਉਪਕਰਣ, ਲੋਕੋਮੋਟਿਵਜ਼, ਕੋਚਾਂ ਅਤੇ ਵੈਗਨਾਂ ਦੇ ਮੁੱਖ ਰੱਖ-ਰਖਾਓ ਅਮਲੇ ਚੰਗੀ ਅਵਸਥਾ ਵਿੱਚ ਬੁਨਿਆਦੀ ਢਾਂਚੇ ਨੂੰ ਸੁਨਿਸ਼ਚਿਤ ਕਰਦੇ ਹਨ ਤਾਂ ਜੋ ਭਾੜੇ ਦੀਆਂ ਟ੍ਰੇਨਾਂ ਨੂੰ ਨਿਰਵਿਘਨ ਚਲਾਇਆ ਜਾ ਸਕੇ।

ਮਾਲ ਗੱਡੀਆਂ ਦੇ ਸੰਚਾਲਨ ਵਿੱਚ ਜ਼ੋਨਲ ਰੇਲਵੇ ਦੇ ਸਾਹਮਣੇ ਆਉਣ ਵਾਲੇ ਮੁੱਦਿਆਂ ਨੂੰ ਅੱਗੇ ਵਧਾਉਣ ਲਈ ਸੰਸਥਾਗਤ ਤੰਤਰ ਬਣਾਇਆ ਗਿਆ ਹੈ ਜਿਸ ਦੀ ਜਾਣਕਾਰੀ ਰੇਲਵੇ ਅਧਿਕਾਰੀਆਂ ਜ਼ਰੀਏ ਰੀਅਲ ਟਾਈਮ ਦੇ ਅਧਾਰ 'ਤੇ ਗ੍ਰਹਿ ਮੰਤਰਾਲੇ ਦੁਆਰਾ ਸਥਾਪਿਤ ਕੰਟਰੋਲ ਰੂਮ ਨੂੰ ਦਿੱਤੀ ਜਾਂਦੀ ਹੈ।

                                                      *****

ਡੀਜੇਐੱਨ/ਐੱਸਜੀ/ਐੱਮਕੇਵੀ