ভারত সরকারগী কেমিকেলস অমসুং ফর্তিলাইজর্সকী কেন্দ্রগী মন্ত্রালয়গী ফার্মাকোতিকেলস বিভাগকী মখাদা লৈরিবা মাংজিল থারিবা লৈবাক অসিগী মরু ওইরিবা ইন্সতিত্যুৎ অমসু ওইরিবা নেসনল ইন্সতিত্যূৎ ওফ ফার্মাকোতিকেলস এদুকেসন এন্দ রিসর্চ (এন.আই.পি.ই.আর.)-গুৱাহাতি অসিনা তমথিরবা কোবিদ-১৯ শন্দোকপা অসি থিংনবা পর্সনেল প্রোতেক্তিব ইক্বিপমেন্তশিং (পি.পি.ই.শিং)শেম্বদা কন্নবা মতেং অমসুং ফলশিং পুরক্নবা পুক্নিং চংলি।

পুনেগী পিমপ্রিদা লৈবা হিন্দুস্তান এনতিবাইওতিক লিমিতেদ (ঐচ.এ.এল., ফার্মাকোতিকেলস বিভাগকী মখাদা লৈবা পি.এস.য়ু. অমা) অসিগা লোয়ননা য়াম্বা পাক চাউনা ইন্দস্ত্রিএল-গ্রেদকী শানবগীদমক অমসুং মখোয়গী 3D প্রিনত এন্তিমাইক্রোবিএল ফেস-শিলদশিং ললোন-ইতিক্কী ওন্থোক্নবা য়ানা ৱারোল খুৎয়েক পীনখ্রে।

এন.আই.পি.ই.আর.-গুৱাহাতিনা মখোয়গী 3D প্রিন্ত এন্তিমাইক্রোবিএল ফেস-শিল্দশিং অসিগী ভারতকী দিজাইন পেতেন্ত অমসুং প্রোভিজনেল পেতেন্ত অনি অসি ইন্দিয়ন পেতেন্ত ওফিস, ন্যু দিল্লিদা ফাইল তৌখ্রে।

এন.আই.পি.আর-জি.না রিস্ক মিজর্মেন্ত অমসুং খুৎশিং অমসুং চিন, ওপথালমিক অমসুং ওলফেক্তরিগুম্বা (নাকোংদসু য়াওনা) অতোপ্পা হকচাংগী কেবিতিশিংগী খুথাংদা ভাইরসশিংনা করম্না শন্দোকপগে হায়বা তোঙান তোঙানবা রিসোর্স কয়া চেকশিন্না নৈনরবা মতুংদা নোভেল কোরোনাভাইরস শন্দোকপা থিংনবা 3D-প্রিন্তেদ এন্তিমাইক্রোবিএল ফেস-সিল্দ দিজাইন, দিবেলপ অমসুং বেলিদেৎ তৌখি। মখোয়না পুথোকখিবা 3D প্রিন্তেদ এন্তিমাইক্রোবিএল ফেস-শিল্দশিং অসিগী মরুওইবা মচাক খরাদি হাইলি ওকক্লুসিব, ত্রান্সপেরেন্ত, দিজাইন তৌবা লাইবা, মমল হোংবা, উপ্পদা লাইবা, মহৌশানা এন্তিমাইক্রোবিএল ওইবা, চেমিকল স্তেবিলিতি ফজনা ওইবা, কাইগন্দবা অমসুং ফংলিবা সেনিতাইজরশিং নত্রগা অল্কোলিক দিসইনফেক্তেন্ত অমহেক্তনা লাইনা শেংদোকপা য়াবা ওইবসিনি।

মসিগী মথক্তা এন.আই.পি.ই.আর-জি.না নোভেল কোরোনাভাইরস শন্দোকপা থিংনবা 3D-প্রিন্তেদ মল্তি-লেয়র মাইক্রোবিএল ফেস মাস্ক অমা দিজাইন অমসুং দিবেলপ তৌখি। মসিগী মাস্ক অসিগী অহানবা লেয়রনা এন্তি-বেক্তরিএল চেসিং ওইগনি, অনিশুবা লেয়রনা সেনিতাইজিং লেয়র ওইগনি অমসুং এয়র্বোর্ন পার্তিক্যুলে৭শিং এক্সপোজ তৌবা হন্থহনগনি। অরোইবদা অহুমশুবা লেয়র অসিনা অহেনবা মাইক্রোবিএল এতেক্তনচিংবা ঙাকথোক্নবা মেদিসিনেল লেয়র ওইগনি।

অরোইবদা এন.আই.পি.ই.আর-জি.না থোংশিং, থোংনাওশিং, দ্রোৱর (অফৈবা অমসুং অয়ুংবা অনিমক) রেফ্রিজেরেতর হেন্দল হাংদোক হাংজিন তৌনবা, ইলিবেতর বত্তন, লেপ্তোপ/দস্কতোপ কিবোর্দ থাবা মুথৎপা য়াওনা শিজিন্নবা 3D-প্রিন্তেদ হেন্দস-ফ্রী মল্তি-তাস্কিং ওবজেক্ত অমসুং দেবেলপ অমসুং বেলিদেৎ তৌখ্রে। মসিগী পোৎ অসি য়াম্না হেন্দি, য়ুজর-ফ্রেন্দলি, কাইগন্দবা অমসুং ফংলিবা সেনিতাইজরশিং নত্রগা অল্কোলিক দিসইনফেক্তেন্ত অমহেক্তনা লাইনা শেংদোকপা য়াবা ওই।

*****