ফুদ এন্দ পব্লিক দিস্ত্রিব্যুসন এন্দ কঞ্জ্যুমর এফিয়ার্স্কী কেন্দ্র মন্ত্রী শ্রী রাম বিলাস পাসৱন্না ফুদ এন্দ পব্লিক দিস্ত্রিব্যুসনগী সেক্রেতরী শ্রী সুধান্সু পান্দে অমসুং বিভাগ অসিগী অতোপ্পা সেনিয়র ওফিসিএলশিংগা ঙসি য়েংশিনবগী মীফম অমা ফমখ্রে। মীফম অদুদা চিনি পুথোকপা, চিনিগী লৌউবশিংগী পীথোক্কদবা শেলশিং পীথোকপা, ইথানোল পুথোকপা অমসুং অতোপ্পা মরী লৈনবা ৱাফম কয়া অমা খন্নখি। শ্রী পাসৱন্না ওফিসিএলশিংদা চিনিগী লৌউবশিংগী পীফম থোকপা শেলশিং মতম চানা পীনবগীদমক দরকার ওইবা চৎন-কাংলোনশিং লৌউবশিংদা পীনবা হায়খ্রে। হন্দক্কী চহিগী চিনি পুথোকপগী চাং অসি এল.তি. ২৭০ য়ৌগনি হায়না মন্ত্রীদসু খংহনখি।

সরকারনা ২০১৯-২০গী চিনিগী কুমগীদমক্তা পায়খৎখিবা খোংথাংশিং

সরকারনা হেঞ্জিন্না পৈশিনবা এল.এম.তি. ৪০গী চিনি শেন্নদুনা থম্নবা পুথোক পুশিন তৌখিবগী লুপা কোতি ১৬৭৪গী মমল অদু পীথোক্কনি হায়খ্রে। চিনি এল.এম.তি. ৬০ মপান লমদা থাদোকখিবদা চাদিং তৌখিবশিং হঞ্জিন্নবা হায়দুনা চাউরাক্না লুপা কোতি ৬,২৬৮ চাদিং তৌদুনা চিনিগী মিল খুদিংদা এম.তি. অমদা লুপা ১০৪৪৮ পীদুনা তেংবাংলগনি।

সরকারনা ২০১৮-১৯গী চিনিগী কুমগীদমক্তা পায়খৎখিবা খোংথাংশিং

ইং ২০১৮-১৯গী কুমসিদা লুপা কোতি ৩১০০গী চু তকখায়খিবগী মমল হঞ্জিনবা ওইনা চুগী মিলশিংদা তকখায়খিবা চু ক্বিন্তল অমদা লুপা ১৩.৮৮ পীদুনা মতেং পাংখ্রে। ইং ২০১৮-১৯গী কুমগী ওইনা লুপা কোতি ৯০০গী চিনি মপান লমদা থাদোকখিবা ঙমহনখিবগীদমক লৈবাক মনুংদা চু পুথোক পুশিন তৌবা, ফ্রাইৎ, শিন্দোক শিঞ্জিন তৌবা অমসুং অতোপ্পা থবকশিংগী ওইনা তেংবাং কয়া অমা পীরি। জুলাই ১, ২০১৮দগী হৌরগা জুন ৩০, ২০১৯ ফাওবগী চহী অমগী অহেনবা চু এল.এম.তি. ৩০ থমখ্রে অমসুং মসিগীদমক্তা সরকারনা চু পুথোক পুশিন তৌবা অমসুং থম্লিবা অসিবু নিংথিনা শেন্ননবা লুপা কোতি ৭৮০ (মসিদা খ্বাইদগী য়াম্বা শেন্দোয় ১২% অমসুং থমফম/চুগী প্রিমিয়ম ১.৫% য়াওনা) পীখ্রে। বেঙ্কশিংগী খুত্থাংদা সরকারনা লুপা কোতি ৫১৮গী চহী অমগী ওইনা চহীদা ৭%গী শোন্দোয় পুগদবা লুপা কোতি ৭৪০২গী লোনশিং চিনিগী মিলশিংদা পীখ্রে।

পায়খৎখ্রিবা খোংথাংশিং অসিগী কান্নবাঃ

খোংথাংশিং অসিগী মহৈ ওইনা, মিলশিংনা স্তেত এদবাইসদ প্রাইস (এস.এ.পি.)গী মতুং ইন্না ইং ২০১৮-১৯দা লৈখিবা চুগী পীফম থোকপা লুপা কোতি ৮৬,৭২৩গী মনুংদা চাউরাক্না লুপা কোতি ৮৫,৯৫৬তি চুগী লৌউবশিংদা পীখ্রে অমসুং কুমসিগী ওইনা লুপা কোতি ৭৬৭ পীথোক্কদবা ৱাৎলি।

চুগী কুম ২০১৯-২০গী ওইনা এফ.আর.পি.গী মতুং ইন্না পীথোক্কদবা লুপা কোতি ৬৬,৯৩৪গী মনুংদা লুপা কোতি ৪৯,২৫১দি পীথোকখ্রে অমসুং ৫/৬/২০২০ ফাওবগী ওইনা লুপা কোতি ১৭,৬৮৩ পীথোক্কদবা ৱাৎলি। এস.এ.পি.গী মতুং ইন্না পীথোক্কদবা লুপা কোতি ৭২,০৬৫গী মনুংদা লুপা কোতি ৪৯,৯৮৬তি পীথোকখ্রে অমসুং লুপা কোতি ২২,০৭৯ পীথোক্কদবা ৱাৎলি।

মতৌ অসুম্না চুগী কুম ২০১৯-২০গী ওইনা পীথোক্কদবা শেনফম ৬৯%দি পীথোকখ্রে। হন্দক্কী চহীগী পীথোক্কদবা অসিনা মমাংগী চহীগী পীথোক্কদবদগী খরা তাথৈ (মে ২০১৯দা চাউরাক্না লুপা কোতি ২৮,০০০)।

মথংগী থা ৪দা পীথোক্কদবশিং পীথোকপাঃ

হন্দক্কী চহীগী পীথোক্কদবা শেনফম হেনগৎলক্লিবসি কোবিদ-১৯ অমসুং লৈবাক পুম্বদা লোকদাউন লৈশিনখিবা অসিনা দিমান্দ ৱাৎপদগীনি অমসুং মসিনা চিনি শিজিন্নবগী চাং এল.এম.তি. ১০ হন্থরক্তুনা চিনিগী মিলশিংগী শেন্থোক হন্থরকপদগীনি। অদুবু লোকদাউন লৌথোকখিবা অমসুং শেন্মিৎলোন হাংদোক্লকপদগীদি চিনি য়োনবগী চাং অসি মহৌশাগা মান্নরক্লগনি অমসুং হন্দক্কী কুমগী লেমহৌরিবা থা, জুন-সেপ্তেম্বর ২০২০, অসিদা চিনিগী মিলশিংনা লৈবাক মনুংগী কৈথেলদা চিনি এল.এম.তি. ৮৪মুক য়োনবা ঙম্লগনি। অনিশুবদা মথংগী থা ৪দা চিনিগী মিলশিংনা চাউরাক্না এল.এম.তি. ১০ মুক মপান্দা থাদোক্কনি। মসিনা মিলশিংনা শেল ফংবসি লুপা কোতি ৩০,০০০ হেনগনি।

মসিগা লোয়ননা দি.এফ.পি.দি.না থা অসিগী মনুংদা মপান লমদা থাদোক্নবা অমসুং পৈশিন্দুনা থম্নবা চিনিগী মিলশিংদা লুপা কোতি ১,১০০মুক্কী শেনফম থাদোক্কনি। মসিনা চিনিগী মিলশিংনা মখোয়না পীথোক্কদবা শেনফমশিং পীথোকপা ঙমহনবদা মতেং পাংগনি।

সরকারনা অহেনবা চিনিবু ইথানোল শেম্বদা খায়দোক্নবা অমসুং মসিগী মতুং ইন্না লৌউবশিংদা পীফম থোকপা শেনফম পীথোকপা ঙমহন্নবগী খোংথাং-

ইথানোল অসি চিনিগী সেক্তর চাউখৎফম অমা ওইবা অসিনা চিনিগী মিল খুদিংমক্না অহেনবা চু অমসুং চিনিশিং অদু ফ্যুএল গ্রেদ ইথানোল শুংদুনা ২০২২ ফাওবদা ১০%গী চাংদা পুথোকপগী পান্দম থম্নবা ইথিল পীরি। সরকারনা হন্দক্কী চহী ২০১৯-২০ (দিসেম্বর ২০১৯-নবেম্বর ২০২০)গী ইথানোল পীনবা চিনি অমসুং চিনি মহিদগী ইথানোল শুংবগী অয়াবা পীখ্রবনি অমসুং সি.-হেবী মোলাস্তগী শুংবা ইথানোলগী এক্স-মিলগী মমল লীতরদা লুপা ৪৩.৭৫, বি.-হেবী মোলাস্তগী শুংবনা লীতরদা লুপা ৫৪.২৭ অমসুং চুহিং/চিনি/চিনি মহিদগী শুংবনা লীতরদা লুপা ৫৯.৪৮দা লেপখ্রবনি।

লুপা কোতি ১৮,৬৪৩গী সোফত লোন অসি বেঙ্ককী খুত্থাংদা চিনিগী মিল অমসুং মোলাস্তা য়ুমফম ওইবা মশাগী দিস্তিল্লরি লৈবা মিল ৩৬২দা ইথানোল অফবা পুথোকপদা খুমাং চাউশিলহন্নবগীদমক পীখ্রবনি অমসুং মসিগী শেনফম লুপা কোতি ৪,০৪৫গী শেন্দোয়দি সরকারনা চহী ৫গী হুনগনি। হৌজিক ফাওবদা লুপা কোতি ৩১৪৮গী লোনগী শেনফম অসি চিনিগী মিল ৬৪দা পীনবা অয়াবা পীখ্রে অমসুং লুপা কোতি ১৩১১না চিনিগী মিল ৩৮দা থাদোকখ্রে। ফাইনেন্সিএল সর্বিস ভিভাগনা বেঙ্কশিংদা লোন ফংনবা থাগৎলকপা চেশিং অথুবা মতমদা য়েংশিন্দুনা অয়াবা পীনবা মতম মতমগী ওইনা তকশিল্লি।

দিস্তিল্লেসন তৌবা ঙম্বা চিনিগী মিলশিংসু বি.-হেবী মোলাস অমসুং চিনি মহীদগী ইথানোল শুংদুনা মখোয়গী লৈরিবা তৌবা ঙম্বগী মতিক্কী কান্নবা লৌনবা পুক্নিং থৌগৎলি। দিস্তিল্লেসন তৌবা ঙমদবা চিনিগী মিলশিংদনা বি.-হেবী মোলাস পুথোক্তুনা বি.-হেবী মোলাস্তগী ইথানোল শুংবা ঙম্বা দিস্তিল্লরি লৈবশিংগা খুৎশম্নদুনা থবক তৌমিন্ননবা পুক্নিং থৌগৎলি।

হৌজিক্কী চিনিগী কুম ২০১৯-২০ (ওক্তোবর-সেপ্তেম্বর)গী লৈরিবা স্তোক

• ওপনিং স্তোক (১/১০/২০১৯গী) – এল.এম.তি. ১৪৫
• ২০১৯-২০দা পুথোকখিবা চিনি- এল.এম.তি. ২৭০
• লৈবাকশিদা শিজিন্নখিবা চিনি- এল.এম.তি. ২৫০
• ২০১৯-২০দা মপান্দা থাখিবা চিনিগী চাং - এল.এম.তি. ৫৫ (এম.এ.ই.ক্যু.)
• ৩০/৯/২০২০দা ওইগদবা ক্লোজিং স্তোক - এল.এম.তি. ১১৫
• ক্লোজিং স্তোক (৩০/৪/২০২০দা) - এল.এম.তি. ২৩৫

২০১৮-১৯ কুমগী ওইরিবা লৌউবশিংদা পীথোক্কদবা শেনফম (৫/৬/২০২০ ফাওবগী)

(পীরিবা শেনফম অসি কোতিদনি)

মমাংগী চহী ২০১৮-১৯গী পীথক্কদবা শেনফমশিং (মে ২০১৯গী)

এফ.আর.পি.গী ওইবাঃ লুপা কোতি ২৫৪৩৪

এস.এ.পি. অমসুং এফ.আর.পি. য়াওরবা পীথোক্কদবশিং- লুপা কোতি ২৮২২২

২০১৯-২০ কুমগী ওইরিবা লৌউবশিংদা পীথোক্কদবা শেনফম (৫/৬/২০২০ ফাওবগী)

(পীরিবা শেনফম অসি কোতিদনি)

*****