కేంద్ర ఆహార, ప్రజా పంపిణీ, వినియోగదారుల వ్యవహారాల శాఖ మంత్రి శ్రీ రామ్ విలాస్ పాశ్వాన్ ఈ రోజు ఇక్కడ కార్యదర్శి, శ్రీ సుధాన్షు పాండే, ఇతర ఆహార, ప్రజా పంపిణీ శాఖ ఉన్నతాధికారులతో సమీక్షా సమావేశం నిర్వహించారు. సమీక్ష సమావేశంలో, చక్కెర ఉత్పత్తి, చెరకు రైతుల బకాయిల బకాయిలు, ఇథనాల్ ఉత్పత్తి ఇతర సంబంధిత సమస్యలు చర్చించారు. చెరకు రైతుల బకాయిలను సకాలంలో చెల్లించడానికి అవసరమైన మార్గదర్శకాలను జారీ చేయాలని శ్రీ పాశ్వాన్ అధికారులను ఆదేశించారు. ఈ ఏడాది చక్కెర ఉత్పత్తి 270 లక్షల టన్నులకు చేరుకుంటుందని మంత్రికి తెలియజేశారు.

40 ఎల్‌ఎమ్‌టి చక్కెర బఫర్ స్టాక్ నిర్వహణకు ప్రభుత్వం రూ .1674 కోట్ల ఖర్చును తిరిగి చెల్లిస్తోంది. సుమారు రూ .6,268 కోట్ల వ్యయంతో 60 ఎల్‌ఎమ్‌టి చక్కెర ఎగుమతిపై ఖర్చులను తీర్చడానికి చక్కెర మిల్లులకు మెట్రిక్ టన్నుకు రూ .10448 సహాయం అందించడం జరుగుతుంది. 

చక్కెర మిల్లులకు సహాయం కింది చక్కెర సీజన్ 2018-19 కోసం క్రష్ చేసిన చెరకు క్వింటాల్ రూ .13.88 చెల్లిస్తారు. 

వివిధ చర్యల ఫలితంగా, చక్కెర సీజన్ 2018-19లో చక్కెర మిల్లులు కొనుగోలు చేసిన చెరకుకు చెల్లించాల్సిన మొత్తం చెరకు బకాయిల్లో సుమారు 86,723 కోట్ల రూపాయలు, చెరకు రైతులకు సుమారు రూ .85,956 కోట్లు చెల్లించబడ్డాయి. రూ .767 కోట్లు మాత్రమే 2018-19 చక్కర సీజన్ కి  రాష్ట్ర సలహా ధర (ఎస్ఏపి) ప్రాతిపదికన చక్కెర మిల్లులతో పెండింగ్‌లో ఉంది.

ప్రస్తుత 2019-20 చక్కెర సీజన్‌లో, ఎఫ్‌ఆర్‌పి ప్రాతిపదికన సుమారు 66,934 కోట్ల రూపాయల చెరకు బకాయిలలో, చెరకు రైతులకు సుమారు 49,251 కోట్ల రూపాయలు చెల్లించారు.  5.6.2020 నాటికి రూ. 17,683 కోట్లు పెండింగ్‌లో ఉన్నాయి. ఎస్ఏపి ప్రాతిపదికన, సుమారు 72,065 కోట్ల రూపాయల చెరకు బకాయిలలో, సుమారు 49,986 కోట్ల రూపాయలు చెరకు రైతులకు చెల్లించబడ్డాయి. కేవలం, రూ. 22,079 కోట్లు పెండింగ్‌లో ఉన్నాయి.

ఈ విధంగా, 2019-20 చక్కెర సీజన్‌కు సంబంధించి 69% కంటే ఎక్కువ చెరకు బకాయిలు క్లియర్ చేయబడ్డాయి. ఈ సీజన్ బకాయిలు గత సంవత్సరం బకాయిలతో పోలిస్తే చాలా తక్కువ (2019 మేలో సుమారు రూ .28,000కోట్లు).

ప్రస్తుత సీజన్లో బకాయిలు పేరుకుపోడానికి ఒక కారణం కోవిడ్ -19, దేశవ్యాప్తంగా లాక్ డౌన్ కారణంగా డిమాండ్ తగ్గడం, ఇది చక్కెర వినియోగాన్ని 10 ఎల్ఎంటిల వరకు తగ్గించింది, చక్కెర మిల్లుల ఆదాయాన్ని తగ్గించడానికి దారితీసింది. కానీ, లాక్ డౌన్ ఎత్తివేయడం, ఆర్థిక కార్యకలాపాలు ప్రారంభం కావడంతో, చక్కెర అమ్మకాలకు సాధారణ పరిస్థితులు నెలకుంటున్నాయి. ప్రస్తుత సీజన్ 4 నెలల్లో అంటే జూన్-సెప్టెంబర్, 2020 నుండి, చక్కెర మిల్లులు దేశీయ మార్కెట్లో 84 ఎల్ఎమ్టి చక్కెరను విక్రయించగలవు. రెండవది మిల్లులు రాబోయే 4 నెలల్లో 10 ఎల్‌ఎమ్‌టి చక్కెరను ఎగుమతి చేస్తాయి. ఇది చక్కెర మిల్లుల నగదు ప్రవాహాన్ని రూ .30,000 కోట్లకు పైగా మెరుగుపరుస్తుంది.

అంతేకాకుండా, ఈ నెలలోనే చక్కెర మిల్లులకు ఎగుమతి, బఫర్ సబ్సిడీ కారణంగా డిఎఫ్‌పిడి 1,100 కోట్ల రూపాయల సహాయాన్ని విడుదల చేస్తుంది. ఇది చక్కెర మిల్లుల బకాయిల క్లియరెన్స్‌లో సులభతరం చేస్తుంది. 

చక్కెర రంగం అభివృద్ధిలో ఇథనాల్ పాత్ర కూడా కీలకమే. 2022 నాటికి 10% బ్లెండింగ్ లక్ష్యాన్ని సాధించడానికి అదనపు చెరకు, చక్కెరను ఇంధన గ్రేడ్ ఇథనాల్‌కు మళ్లించడానికి అన్ని చక్కెర మిల్లులను ప్రోత్సహిస్తున్నారు. ప్రస్తుతానికి ఇథనాల్ సరఫరా సంవత్సరం 2019-20 (డిసెంబర్, 2019 - నవంబర్, 2020)లో చక్కెర, చక్కెర సిరప్ నుండి ఇథనాల్ ఉత్పత్తిని ప్రభుత్వం అనుమతించింది, సి-హెవీ మొలాసిస్ నుండి పొందిన ఇథనాల్ యొక్క రెమ్యునరేటివ్ మిల్లు ధరను లీటరుకు రూ. 43.75 గా నిర్ణయించింది. బి-హెవీ మొలాసిస్ నుండి తీసిన ఇథనాల్ లీటరుకు రూ. 54.27, చెరకు రసం / చక్కెర / చక్కెర సిరప్ నుండి పొందిన ఇథనాల్ కు లీటరుకు రూ.59.48 గా నిర్ధారించారు. 

తక్కువ వడ్డీ రుణాలు సుమారు రూ.18,643 కోట్లు బ్యాంకుల ద్వారా 362 షుగర్ మిల్లులకు ఇస్తున్నారు. ఇథనాల్ ఉత్పత్తి సామర్థ్యాన్ని పెంచడానికి మొలాసిస్ ఆధారిత స్వతంత్ర డిస్టిలరీలకు కూడా ఈ రుణాలు ఇస్తున్నారు. ఇందుకోసం ఐదేళ్లపాటు సుమారు రూ .4,045 కోట్ల వడ్డీని ప్రభుత్వం భరిస్తుంది. ఇప్పటివరకు 64 చక్కెర మిల్లులకు సుమారు 3,148 కోట్ల రూపాయల రుణాలు మంజూరు చేయబడ్డాయి, 38 చక్కెర మిల్లులకు సుమారు రూ.1,311 కోట్ల రూపాయల రుణాలు పంపిణీ చేయబడ్డాయి. రుణ దరఖాస్తులను వేగవంతంగా క్లియర్ చేయడానికి బ్యాంకులను ఆర్థిక సేవల విభాగం ఎప్పటికప్పుడు అభ్యర్థిస్తోంది.

ప్రస్తుత చక్కెర సీజన్ 2019-20 (అక్టోబర్-సెప్టెంబర్)లో నిల్వలు:

• Opening Stock (as on 01.10.2019): 145 LMT
• Estimated Production during sugar season 2019-20: 270 LMT
• Estimated domestic Consumption: 250 LMT
• Estimated Export during Sugar Season 2019-20: 55 LMT (MAEQ)
• Estimated closing stock as on 30.09.2020: 115 LMT
• Closing Stock (as on 30.04.2020): 235 LMT

2018-19 సీజన్లో చెరకు రైతల బకాయలు :

(Rs in crore)

2019-20 సీజన్లో చెరకు రైతల బకాయలు :

(Rs in crore)