পাৱর অমসুং ন্যু এন্দ রিন্যুএবল ইনর্জীগী মিনিস্ত্রী ওফ স্তেত (ইন্দিপেন্দেন্ত চার্জ) শ্রী আর. কে. সিংহনা ঙসি ৱর্ল্দ ইনভাইরনমেন্ত দেগী থৌরমদা ‘#iCommit’ কেম্পেন হৌদোকখ্রে। খোংথাং অসি স্তেকহোলদরশিং অমদি লনাই মীওই কয়াদা মৈ কা হেন্না চংহন্দবা, রিন্যুএবল ইনর্জী অমদি কুইনা শাংনা চৎহনবা ঙম্নবা তুংগী অকনবা ইনর্জী সিস্তেম পুথোক্নবনি।

‘#iCommit’ খোংথাং অসি ভারত সরকারগী মিনিস্ত্রী ওফ পাৱরগী মীৎয়েং মখাদা ইনর্জী ইফিসেন্সি সর্বিস লিমিতেদ (ই.ই.এস.এল.)না হৌদোকপনি। মসিদা সরকারগা লোয়ননা কোর্পোরেত, মল্তিলেত্রেল অমদি বাইলেত্রেল ওর্গনাইজেসন অমদি লনাই মীওইশিংসু য়াওরি।

খোংথাং অসিগী মতাংদা ফোংদোক্লদুনা শ্রী আর. কে. সিংহনা হায় মদুদি “লৈবাক অসিদা মৈগী অচৌবা অহোংবা অমা পুরক্নবগী পান্দমদা অমদি মীয়ামদা ২৪X৭ মৈ ফংহন্ননবা অমদি মীয়ামগী চেকশিন থৌরাংদা থবক কয়া পাইখৎলি। ৱর্ল্দ ইনভাইরনমেন্ত দেগী তাঞ্জা অসিদা ‘#iCommit’কী খোংথোং ভারতকী তুংগী ওইরক্কদবা মৈগী লমদা সরকার অমদি লনাই অনি পুন্না চৎমিন্নবা য়ারগনি। ”

‘#iCommit’কী খোংথোং অসি তুংগী ওইনা মৈগী লমদা ফগৎহন্নবা শেমগৎপনি। পান্দম অসি ফংনবগীদমক হোংদোক হোংজিন য়াবা পাৱর সিস্তেন অমা শেম্বা মথৌ তাই। মপুং মরৈ ফাবা পাৱর সেক্তর অমনা লৈবাক অমগী মথৌ তারিবা মৈ ফংহনবদা অমদি মীয়ামবু ঙাক-শেনবদা মতেং ওইগনি। পাৱর সিস্তেমদা করিগুম্বা অহোংবা খরা পুরকপনা হায়বদি শোলর অমদি ইলেক্ত্রিক ভেহিকলশিং হেনা মীৎচংশিনবা অমদি স্তেকহোলদরশিংগী মরক্তা পুন্না থবক তৌমিন্নবনা ‘#iCommit’ কেম্পেন অসিগী মরুওইবা পান্দম্নি।

খোংথাং অসি পাংথোক্নবা অমদি থৌগৎনবগীদমক ভারত সরকারনা নেস্নেল ইলেক্ত্রিক মোবিলিতি মিসন ২০২০, ফেম ১ অমসুং ২, দিন দয়াল উপধ্যয় গ্রাম জ্যোতী য়োজনা, সোভাগ্য স্কীম, উজ্বল দিসকোম এসুরেন্স য়োজনা (উদৈ), অতল দিস্ত্রিব্যুসন সিস্তেম ইমপ্রুভমেন্ত য়োজনা (অজয়), স্মার্ত মিতর নেস্নেল প্রোগ্রাম, প্রধান মন্ত্রী কিসান উর্জা সুরক্ষা এবম উথম মহাভিয়া (কুসুম), সোলর পার্কস, গ্রিদ কনেক্তেদ রুফতোপ, উন্নত জোতি হায়রিবা ময়াম অসি হোংবা এল.ই.দি.গী পাম্বৈনা উজালা অমদি অতল জ্যোতী য়োজনাসু (অজয়)সু পুনশিনগনি।

*****