ବିଗତ 24 ଘଣ୍ଟା ମଧ୍ୟରେ ମୋଟ 4,776 କୋଭିଡ-19 ରୋଗୀ ଆରୋଗ୍ୟ ହୋଇଛନ୍ତି ।

ଆଜିସୁଦ୍ଧା ମୋଟ 1,00,303 ରୋଗୀ କୋଭିଡ-19ରୁ ଆରୋଗ୍ୟ ଲାଭ କରିଛନ୍ତି । କୋଭିଡ-19 ରୋଗୀଙ୍କ ଆରୋଗ୍ୟ ହାର 48.31% । ବର୍ତ୍ତମାନ 1,01,497 ଜଣ କୋଭିଡ-19 ରୋଗୀ ସକ୍ରିୟ ଅଛନ୍ତି ଏବଂ ସେମାନେ ସମସ୍ତେ ଡାକ୍ତରୀ ତତ୍ଵାବଧାନରେ ଅଛନ୍ତି ।

ମୃତ୍ୟୁ ହାର 2.80% ରହିଛି ।  480 ସରକାରୀ ଏବଂ 208 ବେସରକାରୀ ଲାବୋରେଟୋରୀ (ମୋଟ 688 ଲାବୋରେଟୋରୀ) ମାଧ୍ୟମରେ ଦେଶରେ ପରୀକ୍ଷା କ୍ଷମତା ବୃଦ୍ଧି ପାଇଛି । ବର୍ତ୍ତମାନ ସୁଦ୍ଧା କୋଭିଡ-19 ପାଇଁ ସମୁଦାୟ 41,03,233 ନମୁନା ପରୀକ୍ଷା କରାଯାଇଛି, ଯାହାମଧ୍ୟରୁ 1,37,158 ନମୁନା ଗତକାଲି ପରୀକ୍ଷା କରାଯାଇଛି ।

ବର୍ତ୍ତମାନ ସୁଦ୍ଧା, ଦେଶରେ ଉପଲବ୍ଧ 952 ଉତ୍ସର୍ଗୀକୃତ କୋଭିଡ ହସ୍ପିଟାଲ ମଧ୍ୟରେ 1,66,332 ଏକାନ୍ତ ଶଯ୍ୟା, 21,393 ଆଇସିୟୁ ଶଯ୍ୟା ଏବଂ 72,762 ଅମ୍ଳଜାନ ସଂଯୁକ୍ତ ଶଯ୍ୟା ରହିଛି । ସେହିଭଳି 2,391 ଉତ୍ସର୍ଗୀକୃତ କୋଭିଡ-19 ସ୍ୱାସ୍ଥ୍ୟ କେନ୍ଦ୍ରରେ 1,39,945 ଏକାନ୍ତ ଶଯ୍ୟା ସହିତ 11,027 ଆଇସିୟୁ ଶଯ୍ୟା ଏବଂ 46,875 ଅମ୍ଳଜାନ ସଂଯୁକ୍ତ ଶଯ୍ୟା କାର୍ଯ୍ୟକ୍ଷମ ହେଉଛି । କେନ୍ଦ୍ର ମଧ୍ୟ 125.28 ଲକ୍ଷ ଏନ-95 ମାସ୍କ ଏବଂ 101.54 ଲକ୍ଷ ବ୍ୟକ୍ତିଗତ ସୁରକ୍ଷା ଉପକରଣ ରାଜ୍ୟ/କେନ୍ଦ୍ରଶାସିତ ଅଞ୍ଚଳ/କେନ୍ଦ୍ରୀୟ ଅନୁଷ୍ଠାନକୁ ପ୍ରଦାନ କରିଛି ।

କୋଭିଡ-19 ସମ୍ବନ୍ଧୀୟ ବୈଷୟିକ ତଥ୍ୟ, ମାର୍ଗଦର୍ଶିକା ଓ ନିୟମାବଳୀର ସୂଚନା ପାଇଁ ନିୟମିତ ପରିଦର୍ଶନ କରନ୍ତୁ: https://www.mohfw.gov.in/ ଏବଂ @MoHFW_INDIA ।

ଏ ସମ୍ପର୍କିତ ବୈଷୟିକ ପ୍ରଶ୍ନାବଳୀ technicalquery.covid19[at]gov[dot]in ଏବଂ ncov2019[at]gov[dot]in ଏବଂ @CovidIndiaSeva କୁ ପଠାଇ ପାରିବେ ।

କୋଭିଡ-19 ଜନିତ କୌଣସି ଜିଜ୍ଞାସା ପାଇଁ ଦୟାକରି ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟର ହେଲ୍ପଲାଇନ ନଂ : + 91-11-23978046 କିମ୍ବା 1075 (ଦେୟ ମୁକ୍ତ)ରେ ସମ୍ପର୍କ କରିପାରନ୍ତି । ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର କୋଭିଡ-19 ହେଲ୍ପଲାଇନ ନମ୍ବରଗୁଡ଼ିକର ତାଲିକା ନିମ୍ନ ୱେବସାଇଟ ରେ ଉପଲବ୍ଧ ।

https://www.mohfw.gov.in/pdf/coronvavirushelplinenumber.pdf

**********