କେନ୍ଦ୍ର ଶକ୍ତି ମନ୍ତ୍ରୀ ଶ୍ରୀ ରାଜ କୁମାର ସିଂହ ଆଜି ନୂଆଦିଲ୍ଲୀଠାରେ (03.06.2020) ବିଦ୍ୟୁତ ଶକ୍ତି କ୍ଷେତ୍ରରେ ବିଶ୍ଵ ସ୍ତରୀୟ ରିଅଲ ଟାଇମ ମାର୍କେଟର ଶୁଭାରମ୍ଭ କରିଛନ୍ତି । ଭିଡିଓ କନଫରେନ୍ସ ଜରିଆରେ ଆରମ୍ଭ ହୋଇଥିବା ଏହି ବାସ୍ତବ ବଜାର ବିଶ୍ଵ ସ୍ତରରେ ଏକ ଅନନ୍ୟ ବଜାର ଭାବେ ପରିଗଣିତ ହେବ ।

ଏହି ଅବସରରେ ସମ୍ମିଳନୀକୁ ସମ୍ବୋଧନ କରି ଶକ୍ତି ମନ୍ତ୍ରୀ ଶ୍ରୀ ସିଂହ କହିଛନ୍ତି ଯେ, ଏହି ରିଅଲ ଟାଇମ ମାର୍କେଟ ଏକ ସଂଗଠିତ ବଜାର ପ୍ଲାଟଫର୍ମ ଯାହାକି ଭାରତ ଓ ଭାରତ ବାହାରର କ୍ରେତା ଓ ବିକ୍ରେତାଙ୍କ ଶକ୍ତି ଆବଶ୍ୟକତା ସମ୍ପର୍କରେ ଆବଶ୍ୟକ ଦିଗଦର୍ଶନ ଦେଇପାରିବ । ରିଅଲ ଟାଇମ ମାର୍କେଟ ପ୍ରବର୍ତ୍ତନ ବଳରେ ବଳକା ବିଦ୍ୟୁତର ସୁପରିଚାଳନା ମଧ୍ୟ ସହଜ ହେବ । ଜାତୀୟ ସ୍ତରରେ ଏକ ସଂଗଠିତ ବଜାର ଯୋଗୁଁ ବିବିଧ ଶକ୍ତି ଚାହିଦା ପୂରଣ ମଧ୍ୟ ସହଜ ହେବ । 

ରିଅଲ ଟାଇମ ମାର୍କେଟ ଦିନକୁ ମାତ୍ର 30 ମିନିଟ ପାଇଁ କାର୍ଯ୍ୟ କରି ଏଥିପାଇଁ ଆବଶ୍ୟକ ନିଲାମ କାର୍ଯ୍ୟ ସମ୍ପାଦନ କରିବ । କ୍ରେତା ଓ ବିକ୍ରେତା 15 ମିନିଟର ସମୟ ବ୍ଲକରେ ସେମାନଙ୍କ ନିଲାମ ଡାକକୁ କାର୍ଯ୍ୟକାରୀ କରିବେ । ଏହି ପ୍ରସ୍ତାବିତ ରିଅଲ ଟାଇମ ମାର୍କେଟ ଡ଼ିସକମକୁ ପ୍ରତିଯୋଗିତାମୂଳକ କରି ବୃହତ ମାର୍କେଟ ଯୋଗାଡ କରିବା ପାଇଁ ଏକ ଦିଶାନିର୍ଦ୍ଦେଶ ଦେବ । ଏହି ବ୍ୟବସ୍ଥାରେ ଜେନେରେଟରଗୁଡିକୁ ଦୀର୍ଘ ମିଆଦି ଭିତ୍ତିରେ ଏହି ରିଅଲ ଟାଇମ ମାର୍କେଟରେ ଅଂଶଗ୍ରହଣ କରିବା ପାଇଁ ସୁଯୋଗ ମିଳିବ । ଏହି ରିଅଲ ଟାଇମ ମାର୍କେଟ ଭବିଷ୍ୟତରେ ଦେଶର କ୍ରମବର୍ଦ୍ଧିଷ୍ଣୁ ଶକ୍ତି ଚାହିଦା ପୂରଣ କରିବା ସହ ଅକ୍ଷୟ ଶକ୍ତି ବିକାଶ ପରିଚାଳନାରେ ମଧ୍ୟ ସହାୟକ ହେବ ।  ଏହି ବ୍ୟବସ୍ଥା ଯୋଗୁଁ ଅଧିକ ଶକ୍ତି ଆହରଣ ଯୋଜନା ଓ ଏହାର ଉତ୍ତମ ବିତରଣ ବ୍ୟବସ୍ଥା ମଧ୍ୟରେ ଭାରସାମ୍ୟ ରକ୍ଷା କରାଯାଇପାରିବ ।

ବିତରକ କମ୍ପାନୀଗୁଡ଼ିକ ମଧ୍ୟ ସେମାନଙ୍କ ଶକ୍ତି କ୍ରୟ ଚାହିଦା ମୁତାବକ ନେବା ସହ ଅଧିକ ବିଦ୍ୟୁତ କ୍ରୟ ପାଇଁ କୌଣସି ରାଜିନାମା କରିବେ ନାହିଁ । ଏହା ଶକ୍ତି କ୍ରୟ କ୍ଷେତ୍ରରେ ମିତବ୍ୟୟୀ ହେବା ସହ ଖାଉଟିମାନଙ୍କୁ ସମୟୋଚିତ ସେବା ଯୋଗାଇପାରିବ । ଅତି ଆବଶ୍ୟକସ୍ଥଳେ ଏହି ରିଅଲ ଟାଇମ ମାର୍କେଟରୁ ସହଜରେ ବିଦ୍ୟୁତ କ୍ରୟ କରିପାରିବ । ଏହାଦ୍ଵାରା ବିଦ୍ୟୁତ କାଟ ବ୍ୟବସ୍ଥାରେ ମଧ୍ୟ ସହଜରେ ସୁଧାର ଆସିପାରିବ ।  

**********