পাৱর অমসুং ন্যু অমদি রিন্যুএবল ইনর্জীগী রাজ্যগী মন্ত্রী (আই.সি.) অমসুং রাজ্যগী মন্ত্রী (স্কিল দিবেলপমেন্ত অমসুং ওন্ত্রপ্রিনরশিপ) ওইরিবা শ্রী আর.কে. সিংহনা জুন ৩,২০২০দা নই দিল্লীদা ভিদিও কনফরেন্স অমগী খুথাংদা ইলেক্ত্রিসিতীদা ভারত পুম্বগী ওইনা রিএল তাইম মার্কেৎ হৌদোকখ্রে। মসিনা ভারতকী ইলেক্ত্রিসিতীগী কৈথেলবু মালেমগী ইলেক্ত্রিসিতীগী কৈথেলগী রিএল তাইম মার্কেৎ লৈবা কাংলুপ খরগী মরক্তা চনবা ঙম্লে।

থৌরম অদুদা ৱা ঙাংলদুনা, পাৱর মন্ত্রীনা রিএল তাইম মার্কেৎ অসি ভারত পুম্বদা ইনর্জী লৈরিবা অমসুং য়োল্লিবশিংনা মখোয়গী তঙাইফদবদু রিএল তাইমদা নকশলহনবা ওর্গনাইজ ওইরবা কৈথেল অমনি হায়না ফোঙদোকখি। রিএল তাইম মার্কেৎ হৌদোকপনা কৈথেলদা তঙাইফদবা ফ্লেক্সিবিলিতী ফংদুনা সিস্তেমদা লৈরিবা অহেনবা কেপাসিতী অদুবু শীজিন্নহন্দুনা খুদক্কী ওইবা বেলেন্স পীগনি। মসিনা জাতিগী থাক্তা ওর্গনাইজ ওইবা কৈথেল অমগা লোইননা লৈবাক অসিদা লৈরিবা দিমান্দগী পেতর্নগী মখলশিংবু শিন-লাঙবদা মতেং পাংগনি।

রিএল তাইম মার্কেৎ অসি মমল চাং নাইবগা লোইননা দবল সাইদেদ ক্লোজ ওক্সন্দা য়ুম্ফম ওইদুনা নোংমদা মিনিৎ ৩০ খুদিংগী পীগনি। "গেৎ ক্লোজর"গী ৱাখল্লোন অসি কৈথেল অসিগী মথৌ পাঙথোক্লিঙৈদা সেদ্যুলদা অপাম্বা মওংদা চলাইবা য়ানবা হৌদোকপনি। লৈরিবা/য়োল্লিবশিংনা মিনিৎ ১৫গী মতমদা লৈবা/য়োনবগী নিলাম লাউবা য়াগনি। হৌদোক্লিবা রিএল তাইম মার্কেৎ অসিনা চাংদম্ননিঙাই ওইরবা মমলদা অচৌবা কৈথেলদা চংবা ঙম্নবা দিস্কোমগী মহুৎ শিনবা য়ারগনি। অতোপ্পা নাকন্দনা, জেনরেতরশিংনা মখোয়গী শীজিন্নদ্রিবা সর্বিসশিং রিএল তাইম মার্কেত্তা শরুক য়াদুনা খুদোংচাবা লৌবা য়ারগনি। মতম শাংনা কন্ত্রেক্ত লৈরক্লবা অমসুং মসিগী কৈথেল অসিদা শরুক য়ারিবা জেনরেতরশিংগী অহেনবা অতোংবদু দিস্কোমগা য়েন্ননবগীদমক মেকানিজম অমসু পীরে। নেস্নেল লোদ দিস্পেৎচ সেন্তর- পোসোকো অসিনসু তঙাইফদবা ওতোমেসনসু পাৱর শিন্নদুনা শেল থাবদা থুনবা অমসুং রিএল তাইম মার্কেৎকী ফ্রেমৱার্কতা সেত্তল তৌবা ঙম্নবা পীবীরি।

ভারত সরকারগী ২০২২ ফাওবদা জি.দব্ল্যু. আর.ই. ১৭৫ ফংনবা পান্দম থম্লিবা অসিনা ভারত শীন থুংনা নৌনা শীজিন্নবা য়াবা পেনেত্রেসন থুগৎহন্নবা হোৎনরি। রিএল তাইম মার্কেৎ অসিনা নৌনা শেমদোক-শাদোকপা য়াবা ইনর্জী শুংবদা চাং নাইদবনা মরম ওইদুনা গ্রিদ মেনেজমেন্ততা থেংনরিবা খুদোংচাদবসু কোকহল্লগনি অমসুং মসিনা মরম ওইদুনা নৌনা শেমদোক শাদোকপা য়াবা ইনর্জী রিসোর্সশিংসু গ্রিদতা পুথোকপা য়াহল্লগনি।

বিদ তৌবগী মতম তেনবা, সেদ্যুল তৌবনা থুবা অমসুং মশক থোকপা থৌওং (খুদম ওইনা, গেত ক্লোজর)শিংনা শরুক য়ারিবশিংদা রিসোর্সশিংবু ভারত পুম্বদা লৈরিবা গ্রিদশিংদা চাংদম্নহনবগা লোইননা ফংহল্লগনি। মসিনা মৈ লৈবগী প্লানিং মতীক চানা শীজিন্নদুনা, সেদ্যুল তৌদুনা, থাদোক্তুনা অমসুং চাং নাইদববু নাইহন্দুনা হেন্না ফরবা পোর্তফোলিও মেনেজমেন্ত অমা ফংহল্লগনি।

দিস্ত্রিব্যুসন কম্পেনীশিংনসু মখোয়গী মৈ লৈবগী পোর্তফোলিওবু ময়াই ওইরপনা শীল-লাঙবা য়াহল্লগনি অমসুং অহেনবা কেপাসিতীগা পুনশিনবগী মথৌ লৈররোই। মসিনা মৈ লৈবগী মমল হন্থহল্লগনি অমসুং অরোইবা মিনিৎ ফাওবগী মৈ দরকার লৈবদু রিএল তাইম মার্কেত্তগী লাইনা লোইবা য়ারবনা থাজবা য়াবা মওংদা কঞ্জুমরশিংদসু পীবা ঙম্লগনি। অকোনবদা অহোংবা নাইবগা লোইননা লোদ সেদিং তৌদুনা গ্রিদ মেনেজ তৌবগী মমাঙগী রেজিমসু ইরাই লাইনা লোইশিল্লগনি। মসিনা, স্তেকহোল্দর জেনরেতর খুদিংদা মখোয়গী অহেনবশিং য়োনবা, আর.ই.জেনরেসনগী ভেরাইএবিলিতী শীল-লাঙবা, ত্রান্সমিসন সিস্তেম হেন্না ফবা মওংদা য়ুতিলাইজ তৌবা, লৈবা অমসুং য়োণবগী দিস্কোমগী খুদোংচাবা অমসুং অকোনবদা কঞ্জ্যুমরশিংনা থাজনিংঙাই ওইবা মৈ ফংদুনা পুম্নমক্কী অফবা হায়বদু ওইরগনি।

*****