এয়র ওফিসর কম্মান্দিং-ইন-চীফ, ৱেস্তর্ন এয়র কম্মান্দ এয়র মার্শল বি. সুরেশনা জুন ৩, ২০২০দা হলৱরাগী এয়র ফোর্স স্তেসন য়েংশিনখ্রে। এ.ও.সি-ইন-চার্জ অসিনা থুংলবদা এয়র ফোর্স স্তেসন হলৱরাগী এয়র ফোর্স কম্মান্দিং এয়র কম্মোদোর এ. ভদ্রানা ওকখি।

মহাক্না য়েংশিনবগী খোংচৎ অসিদা এ.ও.সি. অসিনা মফম অসিগী ওইবা অথোইবা মওংদা ইন্সতোলেসন তৌবশিং য়েংশিনখি অমসুং থবক পাংথোক্নবগী তৌরিবা থৌরাংশিং অদুগী চাং ওন্দুনা য়েংখি। মহাক্না তমথিরবা কোবিদ-১৯গী লায়চত্তগী ঙাকথোক্নবা পায়খৎলিবা থৌরাংশিং অদু য়েংশিনখি। এ.ও.সি.না তমথিরবা লায়চৎ অসিগা লোয়ন-লোয়ননা চাওখৎনবগী ওইবা চেকশিনবগী ওইবা শিংনবশিং অসি লান্থেংনরি অমসুং শিংনবনা থল্লবা মতম অসিদা কন্না হোৎনদুনা পায়খৎপা থৌরাংশিং অমসুং রিসোর্সশিং শিজিন্নদুনা থবক পাংবগী মচাং অদু অদু লেপথোক্নবদা থোইদোক-হেন্দোকপা মওংদা কন্না হোৎনরি।

এ.ও.সি.-ইন. চার্জনা স্তেসন অসিগী পর্সোনেল পুম্নমক্না উৎলিবা অথোইবা মওংদা শরুক য়ারিবা অমসুং মথৌদাং অদু চপ চানা ঙাক্লিবা অসিগীদমক মখোয়শিংবু থাগৎপা ফোংদোকখি অমসুং হৌজিক্কী ওইবা ঙাক-শেনবগী ফীভম অসি য়েংলগা শাজেল শেমদুনা অমসুং মীৎকুপ-নাহুম শিংনা লৈনবগী পাওতাক পীখি।

*****