প্ৰধানমন্ত্ৰী শ্ৰী নৰেন্দ্ৰ মোদীৰ পৌৰহিত্যত কেন্দ্ৰীয় কেবিনেটে কৃষি আৰু কৃষি সম্বন্ধীয় গতিবিধিসমূহৰ বাবে বেংকৰ পৰা তিনি লাখ টকা পৰ্যন্ত হ্ৰস্বকালীন ঋণ পৰিশোধ কৰাৰ সময়সীমা বৃদ্ধিত অনুমতি প্ৰদান কৰিছে৷ এই ৰেহাই ১ মাৰ্চ ২০২০ৰ পৰা ৩১ আগষ্ট ২০২০ৰ সময়ছোৱাত পৰিশোধ কৰিবলগীয়া ঋণৰ বাবে কৰা হৈছে৷ এই ঋণ এতিয়া ৩১ আগষ্ট ২০২০লৈ পৰিশোধ কৰাৰ বাবে সময়সীমা বৃদ্ধি কৰা হৈছে৷ ঋণ পৰিশোধ কৰাৰ সময়সীমা বৃদ্ধি কৰাৰ পিছতো এই ঋণসমূহৰ পৰা বেংকে লাভ কৰিবলগীয়া ২ শতাংশৰ সুতৰ ৰেহাই তথা কৃষকসকলক সময় থাকোঁতেই ঋণ পৰিশোধ কৰাৰ বাবে তিনি শতাংশৰ ৰেহাইৰ সুবিধা যথাৱৎ ভাৱে অব্যাহত থাকিব৷

লাভঃ

বেংকৰ দ্বাৰা কৃষি আৰু কৃষি সম্পৰ্কীয় গতিবিধিৰ বাবে প্ৰদান কৰা ৩ লাখ টকা পৰ্যন্ত হ্ৰস্বকালীন ঋণ যি ১ মাৰ্চ ২০২০ আৰু ৩১ আগষ্ট ২০২০ৰ মাজত পৰিশোধ কৰিবলগীয়া আছে, ইয়াৰ পুনৰ পৰিশোধৰ তাৰিখ ৩১ আগষ্ট ২০২০ তাৰিখলৈ বৃদ্ধি কৰাৰ ফলত কৃষকসকলে ৪ শতাংশৰ সুতৰ হাৰত কোনো জৰিমণা বহন নকৰাকৈ এই ধৰণৰ ঋণত ৩১ আগষ্ট ২০২০ৰ বৃদ্ধি হোৱা সময় পৰ্যন্ত পৰিশোধ কৰ অথবা নৱীকৰণ কৰাত সহায়ক হ’ব৷  ইয়াৰ অধীনত বেংকসমূহে ২ শতাংশ সুতৰ সাহায্য আৰু কৃষকৰ বাবে ৩ শতাংশৰ পিআৰআইৰ নিৰন্তৰে লাভ কৰিব৷ এয়াই নহয়, ইয়াৰ দ্বাৰা কৃষকসকলক ক’ভিড-১৯ মহামাৰীৰ সময়ছোৱাত এই সুবিধা লাভ কৰাৰ বাবে বাৰে বাৰে বেংকলৈ যোৱাৰ প্ৰয়োজন নাথাকিব৷

VRRK/SH/MANN