প্রধান মন্ত্রী শ্রী নরেন্দ্র মোদীনা থৌরম মপু ওইদুনা পাঙথোকখিবা কেন্দ্রগী কেবিনেতনা মার্চ ১, ২০২০ অমসুং ওগস্ত ৩১, ২০২০ ফাওবগী মনুংদা শিংগদবা লৌউ-শিংউ অমদি মরী লৈনবা লমশিংদা বেঙ্কশিংনা পীবা লুপা লাখ ৩ ফাওবগী এদভান্সকী স্তেন্দর্দ সোর্ত তার্ম লোনশিং বেঙ্কশিংদা চাদা ২গী ইন্তরেস্ত সবভেন্সন (আই.এস.) অমদি লৌমীশিংদা চাদা ৩গী প্রোম্প্ত রেপেমেন্ত ইন্সেন্তিভ (পি.আর.আই.)গা লোয়ননা শিংবগী মতম ৩১.০৮.২০২০ ফাওবা শাংদোকপদা য়াবা পীখ্রে।

কান্নবা:

মার্চ ১, ২০২০ অমসুং ওগস্ত ৩১, ২০২০ ফাওবগী মনুংদা শিংগদবা লৌউ-শিংউ অমদি মরী লৈনবা লমশিংদা বেঙ্কশিংনা পীবা লুপা লাখ ৩ ফাওবগী স্তেন্দর্দ সোর্ত তার্ম লোনশিং মখা তানা বেঙ্কশিংদা চাদা ২গী ইন্তরেস্ত সবভেন্সন (আই.এস.) অমদি লৌমীশিংদা চাদা ৩গী প্রোম্প্ত রেপেমেন্ত ইন্সেন্তিভ (পি.আর.আই.)গা লোয়ননা শিংবগী মতম ৩১.০৮.২০২০ ফাওবা শাংদোকপা অসিনা লৌমীশিংদা অসিগুম্বা লোনশিং অসি পেনালতী য়াওদনা শেন্দোই চহীদা চাদা ৪গী চাংদা শাংদোক্লবা মতম ৩১.০৮.২০২০ ফাওবাদা শিংদোকপা নৎত্রগা রিনিউ তৌবা য়াবগী খুদোংচাবা পীবগা লোয়ননা অসিগুম্বা রিনিউ তৌবগীদমক কোবিদ লাইচৎকী মতমসিদা বেঙ্কতা অমুক চৎনরুদ্রবসু য়াহল্লে।

বেকগ্রাউন্দ

মতম চানা লোন থিবা মতমদা বেঙ্কশিংদা চাদা ২গী ইন্তরেস্ত সবভেন্সন অমসুং লৌমীশিংদা চাদা ৩গী অহেনবা কান্নবা য়াওরবা স্তেন্দর্দ সোর্ত-তার্ম এগ্রি-লোনশিং অতাবা মমলদা লৈঙাক্না বেঙ্কশিংগী খুত্থাঙদা পীদুনা মতম চানা শিংদোকপা মতমদা শেন্দোই চহীদা চাদা ৪গী চাংদা লুপা লাখ ৩ ফাওবগী লোনশিং ফংহল্লি।

কোবিদ-১৯ লাইচৎনা মরম ওইদুনা থম্লিবা লোকদাউন অসিনা মীয়াম্না চত্থোক চৎশিন তৌবদা অথিংবা থম্লি। লৌমী কয়া অমা মখোয়গী সোর্ত তার্ম ক্রোপ লোন শিংদোক্নবগীদমক বেঙ্ক ব্রাঞ্চশিংদা চৎপা ঙমদ্রি। মসিগী মথক্তা চত্থোক চৎশিনদা অথিংবা লৈবা, মতম চানা পোত্থোক য়োনবদা খুদোংচাদবা, মখোয়গী পোত্থোক্কী শেন মতম চানা ফংদবা অমদি সোসিএল দিস্তেন্সিং কাংলোনশিং ইন্দবা য়াদবা লৈবনা মরম ওইরগা লৌমীশিংনা রিনিউ তৌনবগীদমক দিপোজিৎ তৌগদবা শেনফম লাংশিনবদা খুদোংচাদবা মায়োক্নরি অমদি বেঙ্কত চত্তুনা দিপোজিৎ তৌবা অমসুং অনৌবা লোন লৌবা ঙম্নদ্রি।

*****