গ্রেদেদ , প্রি-এম্পতিব অমসুং প্রো-এক্তিব এপ্রোচ অমগী থোংদা ভারত সরকারনা লৈবাক অসিদা কোবিদ-১৯ ঙাকথোক্নবা অমসুং মেনেজমেন্তকীদমক রাজ্যশিং/য়ুনিয়ন তেরিতোরীশিংগা লোয়ননা তোঙান-তোঙানবা খোংথাং কয়া পায়খৎলি। মসিবু চাং নাইনা অৱাংবা থাক্তা য়েংশিল্লি।

হৌখিবা পুং ২৪গী মনুংদা কোবিদ-১৯ অনাবা মীওই ৪,৮৩৫ নাবা ফখ্রে। মতৌ অদুনা হৌজিক ফাওবদা, অনাবা মীওই পুন্না ৯১,৮১৮ কোবিদ-১৯দগী নাবা ফখ্রে। লৈবাক অসিদা নাবা ফবগী চাং লেপ্পা লৈতনা হেঙ্গৎলক্লি অমদি কোবিদ-১৯ নারবশিংগী মরক্তা নাবা ফবগী চাং চাদা ৪৮.১৯ য়ৌখ্রে। নাবা ফগৎলকপগী চাং অসি মে ১৮দা চাদা ৩৮.২৯ ওইখি, মে ৩দা মসি চাদা ২৬.৫৯ ওইখি, এপ্রিল ১৫দা মসি চাদা ১১.৪২ ওইখি।

হৌজিক্কী ওইনা লৈবাক অসিদা এক্তিব কেস ৯৩,৩২২ লৈরি, মখোয়শিং অদু অকনবা মেদিকেলগী মিৎয়েং মখাদা থম্লি। শিখিবগী চাং অসি চাদা ২.৮৩ ওইরি। মে ১৮দা শিখিবগী চাং অসি চাদা ৩.১৫ ওইখি, মে ৩দা মসি চাদা ৩.২৫ ওইখি। এপ্রিল ১৫দা মসি চাদা ৩.৩০ ওইখি। লৈবাক অসিদা শিবগী চাং হন্থরক্লিবা অদু উবা ফংলি।

লৈবাক অসিদা তেস্তিং কেপাসিতী হেঙ্গৎলে, সরকারগী ৪৭২ অমসুং লনাইগী ২০৪ লেবোরেতরী (অপুনবা লেবোরেতরী ৬৭৬)। হৌজিক ফাওবদা কোবিদ-১৯গী সেম্পল ৩৮,৩৭,২০৭ তেস্ত তৌখ্রে, ঙরাং সেম্পল ১,০০,১৮০ তেস্ত তৌখি।

মশিং য়াম্না শিখিবগা লোয়ননা লৈবীকশিংগী শিখিবগী চাং, মে ৩১দা থোকখিবা দবল্যু.ঐচ.ও.গী রিপোর্ত-১৩২ মখাদা লৈরে:

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীদা ঔথেন্তিক অমসুং অপদেত ওইবা ইনফোর্মেশন পুম্নমক্কীদমক চানবীদুনা চাং নাইনা ভিজিৎ তৌবীয়ু https://www.mohfw.gov.in/.

কোবিদ-১৯গা মরী লৈনবা তেক্নিকেলগী ৱাহংশিং technicalquery.covid19[at]gov[dot]inদা অমসুং অতোপ্পা ৱাহংশিং ncov2019[at]gov[dot]inদা ইমেল তৌবীরকপা য়াগনি।

কোবিদ-১৯দা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +91-11-23978046 নত্রগা 1075 (তোল-ফ্রী)দা চানবীদুনা কোল তৌবীরকউ। কোবিদ-১৯দা রাজ্যশিং/য়ুনিয়ন তেরিতেরীশিংগী হেল্পলাইন নম্বরশিংগী লিস্ত মখাগী অসিদগী ফংবীগনি https://www.mohfw.gov.in/pdf/coronvavirushelplinenumber.pdf .

******