(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• কোবিদ-১৯ নাবদগী ফগৎপা/দিচার্জ তৌবা ৮৬,৯৮৩ শুদুনা ফগৎগী চাং ৪৭.৭৬%দা হেনগৎখ্রে।
• এক্তিব কেস মশিং ৮৯,৯৯৫ শুখ্রে।
• এম.ঐচ.এ.না কোবিদ-১৯ লান্থেংন্নবা অমসুং তাংকক নাইনা কন্তেনমেন্ত জোনশিংগী ৱাংমদা লৈবা মফমশিং হাংদোক্নবা অনৌবা চৎনা কাংলোনশিং থোকখ্রে। চৎনা কাংলোনশিং জুন ১, ২০২০দগী চৎনবা হৌরগনি।
• ইকনোমিগী অচৌবা শরুক হাংদোরকপা অসিনা ঐখোয় হেন্না মীৎনা শীংবা অমসুং চেকশিনবা মথৌ তাই হায়না প্রধান মন্ত্রীনা ফোংদোকখ্রে।
• রেলৱে মন্ত্রালয়না স্তেৎ লৈঙাকশিংদা শ্রমিক ত্রেনশিংগী মতাংদা থৌরাং অমদি মতেং পাংবা হেনগৎহন্নবা হায়খ্রে
• ভারত অসি ‘মলেমগী ফার্মাসি’ হায়না খঙনখ্রে হায়না শ্রী পিয়ুশ গোয়লনা ফোংদোকখ্রে।

হকশেল অমসুং য়াইফ-য়ুম্বাল মন্ত্রালয়দগী কোবিদ-১৯গী খ্বাইদগী নৌবা পাও- ফগৎপগী চাং ৪৭.৭৬%দা হেনগৎখ্রে

হৌখিবা পুং ২৪দা অনাবা মী ৪,৬১৪ ফগৎলকপা থেংনরে। অপুনবা মী মশিং ৮৬, ৯৮৩ হৌজিক ফাওবদা ফগৎহনখ্রে। মসিনা অপুনবা ফগৎলকপগী চাং ৪৭.৭৬% য়ৌহনখ্রে। হৌজি লায়েং চৎথরিবা কেস মশীংনা ৮৯,৯৯৫ শুখ্রে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1627908

কোবিদ-১৯ লান্থেংন্নবা অনৌবা চৎনা কাংলোনশিং জুন ১, ২০২০দগী চৎনবা হৌরগনি।

কন্দ্রগী হোম পুবা মন্ত্রালয়না কোবিদ-১৯ লান্থেংন্নবা অমসুং কন্তেনমেন্ত জোনশিংগী ৱাংমদা লৈবা মফমশিংগী ওইনা তাংকক নাইনা অমুক হন্না হাংদোকনবা অনৌবা চৎনা কাংলোনশিং থোকখ্রে। চৎনা কাংলোন অসি জুন ১, ২০২০দগী চৎনবা হৌদুনা জুন ৩০, ২০২০ ফাওবা চৎনগনি। অমুক হন্না হাংদোকপা য়ানবা হন্দক্কী তাংকক, অনলোক ১, অসিনা ইকনোমিক্তা মীৎয়েং চংগনি। অনৌবা চৎনা কাংলোন অসি স্তেৎশিং অমসুং য়.তি.শিংগা পাকশন্না কুপ্না খন্নখিবদা য়ুম্ফম ওইরগা থোকখিবনি। লোকদাউনগী চৎনা কাংলোনশিং অসি কন্তেনমেন্ত জোনশিংদদি অদুমক মখা চৎথখিগনি। হকশেল মন্ত্রালয়না পীবা চৎনা কাংলোনশিং ঙাকনা চত্তুনা স্তেৎ/য়.তি.গী লৈঙাকশিংনা মফমশিং অসি খাইদোক্কনি। কন্তেনমেন্ত জোনশিংগী মনুংদা লৈবা অকোয়বদা অকনবা চেকশিল থৌরাংশিং লৌখৎকনি অমসুং তঙাইফদবা থবক থৌরম খক্তমক অয়াবা পীগনি। হকশেল মন্ত্রালয়না পীবা মথৌ তাবা স্তেন্দর্দ ওপরেতিং প্রোসিজরশিং (এস.ও.পি.শিং)ঙাকনা চৎপগা লোয়ননা মমাংদা অথিংবা লৈরুরবা থবক থৌরম পুম্নমক তাংকক নাইনা কন্তেনমেন্ত জোনশিংগী ৱাংমদা লৈবা মফমশিংদা হাংবা য়ারগনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1627965

প্রধান মন্ত্রীনা ‘মন কী বাত ২.০’গী ১২শুবা শরুকতা ৱা ঙাংখ্রে।

‘মন কী বাত ২.০’গী ১২শুবা শরুক্তা ৱা ঙাংলদুনা, প্রধান মন্ত্রী শ্রী নরেন্দ্র মোদীনা হায় লৈবাক অসিদা কোরোনাগী মাইয়োক্তা পুন্না হোৎন্দুনা অকনবা লান শোক্নরি। ইকনোমিগী ওইবা অচৌবা শরুক অমদি হাংদোকখ্রে অদুগা কোবিদকী লাইচৎ মরক অসিদা ঐখোয়না হেন্না মীৎনা শিংনা অমসুং চেকশিন্না লৈবা তাই হায়না মহাক্না হায়খি। শেবা তৌবা অমসুং কৎথোকপা হায়বা ৱাহৈ অসি চুম্নগী ৱাখল্লোন খক্তা নত্তে হায়বা মীয়ামনা উৎখ্রে হায়না মহাক্না ফোংদোকখ্রে। মীয়ামগী,হকশেলগী অমসুং অপুনবগীদমক য়োগা অসি ফৈ হায়না প্রধান মন্ত্রীনা ফোংদোকখি।আত্মনির্ভর ভারত কেম্পেনদা শরুক য়াদুনা লৈবাক অসি অৱাংবা থক্তা পুখৎনবা হায়খি।হৌজিক হৌরক্লিবা নহারোলশিংনা ঈশিং মাংহন্দনবা থৌদাং লৌবা তঙাই ফদে হায়না প্রধান মন্ত্রীনা ফোংদোকখি। নোংগী ঈশিং কনবা মথৌ তাই অমসুং মীপুম খুদিংমক্না ঈশিং মাংহন্দনবা হোৎনগদবনি হায়না হায়খি। মহাক্না লাক্লিবা ‘এনভাইর্মেন্ত দে’ নুমিৎ অসিদা উ-পাম্বী খরা থাদুনা মহৌশাবু শেবা তৌসি অমসুং রিজোলুসন খরা লৌদুনা নুমিৎ খুদিংগী মহৌশাগা মরী থম্নবা হোৎনসি হায়না প্রজা মীয়ামদা হায়জখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1628127

৩১.০৫.২০২০দা পি.এম.না ‘মন কী বাত ২.০’গী ১২শুবা শরুক্তা ৱা ঙাংখিবা অদুগী ইংলিস ৱাহন্দোক

অকুপ্পা ৱারোলগীদমক: https://pib.gov.in/PressReleseDetail.aspx?PRID=1628091

মোদি ২.০না চহি অমা ফারকপা- মরোমদোম লেপচগবা ভারত

হৌখিবা চহী অমা অসিদা মোদি ২.০ লৈঙাক্না লৌখিবা তোঙান তোঙানবা ৱারেপশিংগী অপুনবা অশম্বা ৱারোল, ভারতকী পুৱারিদা দিসিসিব পেরিয়দ অমা অমসুং অনৌবা ভারত অমগী মঙাল অমা।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1627953

রেলৱে মন্ত্রালয়না স্তেৎ লৈঙাকশিংদা শ্রমিক ত্রেনশিংগী মতাংদা থৌরাং অমদি মতেং পাংবা হেনগৎহন্নবা হায়খ্রে
 

রেলৱে মন্ত্রালয়না স্তেৎ লৈঙাকশিংদা শ্রমিক ত্রেনশিংগী মতাংদা থৌরাং নীংথিনা তৌনবা অমদি মতেং পাংননবা ৱাফম থমখ্রে অমদি রেল লম্বীদা চৎকদবা পন্দুনা লৈরিবা মীওইশিংগী চাউরাকপা দিমান্দ নীংথিনা শেমদোক্তুনা খঙদোক্নবসু হায়খ্রে‍। রেলৱেজনা “শ্রমিক স্পিসিএল”শিংগীদমক স্তেৎশিংনা দিমান্দ তৌরকপগী মতুং ইন্না রেকশিং পীবা ঙম্লবসু তোংগদবা মীওইশিং স্তেসন্দা পুরক্তবা অমদি মতম লেপখ্রবা ত্রেনশিং তোকথোকখিবনচিংবা থৌদোক কয়ামরুম থোক্লি‍। স্তেৎ খরদি থারক্কদবা স্তেৎশিংদা অয়াবা পীরক্তবনা মরম ওইরগা হায়রিবা স্তেৎশিংদুদগী মশিং য়াম্লবা মাইগ্রেন্ত শিন্মীশিং চত্থোক চৎশিন য়াহন্দে‍।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1627937

শ্রী পিয়ুশ গোয়লনা ফার্মাকোতিকেল ইন্দস্ত্রীনা কোবিদ লাইচৎ মনুংদা থৌদোক হেন্দোকনা মথৌ তৌখিবা অদুবু থগৎপা ফোংদোকখ্রে

কম্মর্স অমসুং ইন্দস্ত্রী মন্ত্রী শ্রী পিযুশ গোয়লনা ঙসি ভিদিও কনফরেন্সকী খুত্থাংদা ফার্মাকোতিকেল ইন্দস্ত্রী অমসুং ফার্মা এসোসিএসনশিংগী কেপ্তেনশিংগা লোয়ননা ৱারি শাখ্রে। ৱারি শাবা অদুদা শ্রী গোয়লনা ফার্মা ইন্দস্ত্রীনা কোবিদ লাইচৎ মনুংদা থৌদাং পাংথোক্তুনা ভারতবু চাওথোকপা পোকহনবগীদমক থগৎপা ফোংদোকখি। মহাক্না হায়খি, ভারত অসি ‘মলেমগী ফার্মাসি’ হায়না খঙনৈ, লৈবাক ১২০ হেনবনা তঙাই ফদবা হীদাকশিং হৌখিবা থা অনি অসিগী মনুংদা লৌরি, মসিদা ৪০ অমনা গ্রান্ত ওইনা লেম্না শেল তিংদনা লৌরি। মলেম পুম্বনা ভারতকী মতৌ অসিদা থগৎখি অমসুং মসিনা ভারতকী অফবা মতৌ অমসুং ইকাই খুম্নবা হেনগৎহনখ্রে। ফার্মা ইন্দস্ত্রীনা হায়রিবা মতম অসিগী মনুংদা লৈবাক অসিদা হীদাক লাংথক্কী অৱাৎপা লৈহনখিদবা অদুগীদমক মখোয়গী থোইদোক হেন্দোকপা থৌদাং অদুবু মন্ত্রীগী মাইকৈদগী শকখঙবা উৎখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=16278142

ভারতকী নেভীনা ওপরেশন “সমুদ্র সেতু”গী মথংগী ফেজ হৌদোকখ্রে

মপান লৈবাক্তগী ভারতকী প্রজাশিং য়ুমদা পুরকপগী ওপরেশন “সমুদ্র সেতু”গী মথংগী ফেজ অদু ২০২০গী জুন ১দা হৌরগনি। মসিগী ফেজ অসিদা, ভারতকী নেভীগী জহাজ জালশ্বনা রিপব্লিক ওফ স্রি লঙ্কাগী কোলোম্বোদগী তামিল নাদুগী তুতিকোরিনদা মীওই ৭০০ অমসুং মথং তারকপদা রপব্লিক ওফ মালদিবসকী মালেদগী তুতিকোরিনদা অতোপ্পা মীওই ৭০০ অমগা পুরক্লগনি। ভারতকী নেভীনা ওপরেশনগী মমাংগী ফেজগী মনুংদা মালেদগী কোচিদা ভারত মচা ১,৪৮৮ মমাংদা লৌথোকখ্রে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1627939

প্রধান মন্ত্রীনা মন কী বাততা “মাই লাইফ মাই য়োগা” ভিদিও ব্লোগ্গিং কন্তেস লাওথোকখ্রে

অকুপ্পা ৱারোলগীদমক: https://pib.gov.in/PressReleseDetail.aspx?PRID=1628152

এক ভারত শ্রেস্থা ভারতকী ৱাখল্লোন শন্দোক্নবা অমসুং নহাশিংদা ফন্দামেন্তল দ্যুতিশিং খংহন্নবা পঞ্জাব য়ুনিভর্সিতিগী ই.বি.এস.বি. ক্লবনা “এ রিমাইন্দর ওন ফন্দামেন্তল দ্যুতিজ”দা শতেনবা ভিদিও অমা লোঞ্চ তৌখ্রে।

নহাশিংদা ঐখোয়গী ফন্দমেন্তল দ্যুতিশিং খংহন্নবা বথিন্দাদা লৈবা সেন্ত্রেল য়ুনিভর্সিতি ওফ পঞ্জাবনা “এ রিমাইন্দর ওন ফন্দামেন্তল দ্যুতিজ” হায়না কৌবা অতেনবা ভিদিও অমা পুথোকখ্রে। মসিগী ভিদিও অসিগী পান্দমদি মথৌদাং মশক খংবা প্রজা অমা ওইনা ঐখোয়গী মথৌতাবা দ্যুতিশিং পাংথোকপদা মীপুম খুদিংমকপু পুক্নিং থৌগৎতুনা কোবিদ-১০ শন্দোকপা লান্থেংনবা সরকারনা থোক্লিবা ঙাকথোক্নবা চৎন-কাংলোনশিং মীপুম খুদিংমক্না ঙাক্না চৎনবা পুক্নিং থৌগৎনবা অমসুং মীপুম খুদিংমক্না ‘সঙ্কল্প সে সিধি কি ওর” খোংজংদা শরুক য়ানবা ফোঙদোকপনি। মসিগী ভিদিও অসিদা সি.য়ু.পি.বি. ই.বি.এস.বি. ক্লবকী তোঙান তোঙানবা মহৈরোই ভোলুন্তিয়র ২৮না লৈবাক শিনবা থুংবদগী মহুৎ শিন্দুনা শরুক য়াখি অমসুং ফন্দামেন্তল দ্যুতিশিং মখোয় মখোয়গী স্তেৎশিংগী রিজনেল লোলশিংদা হন্দোকখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1628097

দা. জিতেন্দ্র সিংহনা মোদী সরকার ২.০গী অহানবা চহিগী থৌরমদা দি.এ.আর.পি.জি.গী এচীবমেন্তশিংগী মতাংদা ই-বুকলেৎ অমা পুথোকখ্রে

থৌরম অসিদা ৱা ঙাংলদুনা, দা. জিতেন্দ্র সিংহনা হায়খি মদুদি দি.এ.আর.পি.জি.না প্রধান মন্ত্রী মোদীগী অফবা গবর্নান্সকী ভিজন ঙাক্না চৎখি অমসুং রিফোর্ম, পর্ফোর্ম অমসুং ত্রান্সফোর্মগী মন্ত্রা অসি শিজিন্নদুনা থবক ওইনা পাংথোকখি। দা. জিতেন্দ্র হায়খি মদুদি দি.এ.আর.পি.জি.না পাইখৎখিবা সিস্তেমেতিক রিফোর্মশিংনা মাইপাকখিবা অদু কোবিদ-১৯গী লাইচৎ অসিগী মনুংদা ময়েকশেংনা উবা ফংখি, মসিদা মন্ত্রালয়/দিপার্তমেন্ত কয়া অমনা ই-ওফিস শিজিন্নদুনা থবক্তা অপনবা অমত্তা লৈহন্দনা ময়ুমদগী থবক তৌবা ঙমহনখি অমসুং নুমিৎ ১.৪৫/ৱাকৎকী রেকোর্দ এভরেজ তাইমদা কোবিদ-১৯কা মরী লৈনবা মীয়ামগী ৱাকৎ লাখ ০.৮৭ মতম চানা য়েংশিংনখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1627953

পি.আই.বি. ফিল্দ ওফিসশিংদগী ফংবা পাউ

• মহারাস্ত্রা: অনৌবা কেস ২,৯৪০ রিপোর্ত তৌরদুনা স্তেৎকী কোবিদ-১৯গী অপুনবা মশীং ৬৫,১৬৮ য়ৌরদুনা মসিগী মনুংদা ৩৪,৮৮১না এক্তিব কেস ওইরি। হোতস্পোৎ মুম্বাইনা থাংজ নুমিৎতা অনৌবা অনাবা ১৫১০ রিপোর্ত তৌখ্রে। মহারাস্ত্রা সরকারনা মুম্বাইদা কোবিদ অনাবশিং লায়েংনবগীদমক দোক্তর অমসুং নর্সশিং ওনরিয়ম বেসিসতা নেক্নবা ৱারেপ লৌখ্রে। মখোয়দা থা অমদা ওনরিয়ম লুপা ৮০,০০ পীরগনি।
• গুজরাত: অনৌবা কেস ৪১২ রিপোর্ত তৌবা লোয়ননা স্তেৎ অসিদা কোবিদ-১৯না নারবা মীগী অপুনবা মশীং ১৬৩৫৬ য়ৌখ্রে। এক্তিব ওইরিবা স্তেৎ আসিদা কেস ৬১১৯গী মনুংদা ৬০৫৭গী ফীভম ফনা লৈরি অদুগা ৬২না ভেন্তিলেতরগী মতেংদা লেরি। হৌখিবা পুং ২৪দা শীবা মশীং ২৭ রিপোর্ত তৌবগা লোয়ননা কোবিদ-১৯না মরম ওইদুনা শীখিবা মশিং ১,০০০ হেনখ্রে। অহমেদবাদতা মীওই ২৪, অদুগা গান্ধিনগর, বনসকন্থা অমসুং মেহসানাদা অমমম শীবগী রিপোর্ত তৌখি।
• মধ্য প্রদেশ: অনৌবা অনাবা ২৪৬ রিপোর্ত তৌরদুনা স্তেৎ অসিদা কোবিদ-১৯না নাহল্লবা মশীং ৭৮৯১ য়ৌখ্রে মসিগী মনুংদা ৩১০৪না এক্তিব কেসনি। মসিগী অনৌবা কেসশিং (মশীংদা ৮৭) অসি হোতস্পোৎ ইন্দোরদগীনি। রাজস্থান: ঙসি অনৌবা অনাবা ৭৬ রিপোর্ত তৌখিবগা স্তেৎ অসিগী পোজিতিব ওইবা কেস ৮৬৯৩ য়ৌখ্রে। মসিগী অনৌবা অনাবশিং অসিগী মনুংদা জয়পুরদগী অয়াম্বা ওই অমসুং মথংদা ঝলাৱর ওই। সি.এম.অশোক গেহলোতনা হায় মাইগ্রেন্তশিং মশীং হেনগৎলকপনা মরম ওইদুনা দিস্ত্রিক অয়াম্বদা কোরোনা পোজিতিব কেস মশীং হেনগৎলক্লে অদুবু খুঙ্গংগী সর্পঞ্চশিং অমসুং গ্রাম সেভকশিংনা ফীফম অসি ফজনা পানরি।
• চন্দিগর: ঙসি স্তেৎ অসিদা অনৌবা কোবিদ-১৯ পোজিতিব ৩২ রিপোর্ত তৌখ্রে। মসিগী অনৌবা কেসশিং অসিগী মনুংদা ১৬না জশপুর দিস্ত্রিকতগীনি, ১২না মহাসমুন্দ, ২না কোর্বা অমসুং অমমম্না রাইপুর অমসুং বিলাসপুরদগীনি। খো্বাইদগী নৌবা পাউগী মতুং ইন্না স্তেৎ অসিদা অনৌবা কেস ৩৪৪ লৈরি।
• কেরেলা: লোকদাউন শাংদোকখিবদগী ইন্তর-স্তেৎ ত্রাভেলগী রেজিস্ত্রেসন শাংদোকখ্রে। তুরিজম মন্ত্রীনা হায়খ্রে মদুদি কেন্দ্র সরকারনা পীরিবা লোকদাউনগী কোমথোকপাশিং অসি মীয়ামগী শাফগদবা য়েংলগা চৎনগনি। মন্ত্রীনা হায় করিগুম্বা কেন্দ্রনা লাইনিং লাইশোনগী মফমশিং হাংদোক্নবা ৱারেপ লৌরবদি স্তেৎ লৈঙাক্না সেফতি প্রোতোকলশিং ঙাক্না চৎলগা মহৌশানা মতুং ইনগনি। থমখিবা অপুনবা লোকদাউন অসি ঙসি স্তেৎ পুম্বদা লোয়শিনখ্রে। সাউথ ৱেস্ত মুন্সুনগী মাংওইনা সি.এম.না কোরোনা লায়না শন্দোকপা য়েংশিন্নবা হায়খিবা অদুগী মতুং ইন্না লোকল বোদিশিং, ভোলুন্তরি ওর্গনাইজেসনশিং অমসুং রেসিদেন্ত এসোসিএসনশিংনা লু-নানবগী থবক থৌরমদা শরুক য়াখ্রে। ঙরাং পোজিতিব কেস ৫৮ রিপোর্ত তৌখ্রে; এক্তিব কেস ঔজিক ৬২৪ য়ৌখ্রে। অনৌবা মফম মঙা অপুনবা কেস ১০৬ ফঙবদগী হোতস্পোৎ লাওথোকখ্রে।
• তমিল নাদু: থা অনিগী মতুংদা চেনাই শহর, তিরুভল্লুর, চেঙ্গলপত্তু অমসুং কাঞ্চিপুরম দিস্ত্রিক য়াওদনা পব্লিক ত্রান্সপোর্ত খুদিংমক তি.এন.দা হৌরগনি। স্তেৎকী ইনফোর্মেসন অমসুং পব্লিক্সিতি মন্ত্রীনা ও.তি.তি.প্লেৎফোরমদা ফিল্মশিং রিলিজ তৌবা অসি সাইন ইন্দস্ত্রীগী হকচাং শোক্নিংঙাই ওই। তি.এন.দা লৈবা কো-ওপরেতিব বেঙ্কশিংনা অপীকপা কর্বারগী মপুশিংদা লুপা ৫০,০০০গী লোন পীখ্রে। ঙরাং অনৌবা কোবিদ কেস ৯৩৮ রিপোর্ত তৌরদুনা ঙসিফাওবদা নোংমদা খ্বাইদগী য়াম্বা কেস ওইখ্রে; ৬১৬ কেসনা চেনাইদগীনিল হৌজিক ফাওবদা অপুনবা কেস: ২১,১৮৪, এক্তিব কেস, ৯০২১, শীবা: ১৬০, দিসচার্জ তৌখিবা: ১২,০০০নি। চেনাইদা এক্তিব কেস ৬৫৩৯নি।
• কর্নাতক: মহেরোইশিংনা হয়েংদগী ওনলাইন ক্লাস য়াওরগনি, মহৈলোইশঙ কয়ামরুম্না মহৈরোইশিংনা য়ুনিফোর্ম শেৎনবা অমসুং মা-মপাশিংগা লোয়ননা ক্লাস য়াওনবা খংহনখ্রে। রাইচুর দিস্ত্রিকতা নোং কন্না চুবদগী মফম অদুগী মীয়াম্না অৱাবা মায়োক্নখ্রে। কেন্দ্র সরকারগী গাইদলাইনগী মতুংদা অনৌবা একাদেমিক কেলেন্দর চৎনরগনি: কর্নাতককী ইদুকেসন মন্ত্রী এস. সুরেশ কুমার। স্তেৎ অসিদা লাই খুরুমফমদা চৎনগদবা অনৌনা নোর্মশিং থোকখ্রে। কর্নাতকনা ন্যু জিলেন্দদা পন্দুনা লৈরিবা ইঞ্জিনিয়রশিং পুরক্নবা কেন্দ্রগী মতেং নিখ্রে। ঙরাং অনৌবা কেস ১৪১ রিপোর্ত তৌখ্রে। হৌজিক ফাওবদা অপুনবা পোজিতিব কেস: ২৯২২, এক্তিব কেস:১৮৭৪, শীবা: ৪৯, ফগৎলকপা:৯৯৪নি।
• আন্ধ্র প্রদেশ: ইলিজিবলশিংদা এনরোলমেন্তগী মতুংদা নুমিৎ মঙাগী মতুংদা পেন্সন পীনবা থবক জুন ১দগী হৌরগনি। এন্দোমেন্তস দিপার্তমেন্তনা লাইশঙশিংদা দর্শনশিংগী রুলশিং শেম্লগনি। হৌখিবা পুং ২৪দা ৯৩৭০ তেস্ত তৌরবা মতুংদা দিসচার্জ ৪৩গা লোয়ননা অনৌবা কেস ৯৮ অমসুং শীবা অনি রিপোর্ত তৌখ্রে। অপুনবা কেস: ৩০৪নি। এক্তিব কেস ৮৪৫, ফগৎলকপা: ২১৩৫, শীবা: ৬২নি। স্তেৎ অসিদা পোজিতিব ওইবা মাইগ্রেন্তগী মশীং অসি এক্তিব কেস ২২১গা লোয়ননা ৪১৮নি অদুগা হৌখিবা পুং ২৪দা নিপালনা দিসচার্জ তৌখ্রে। মপান লমদগী অপুনবা কোবিদ কেস ১১১দা লেংদনা লৈরি।
• তেলঙ্গনা: একেদমেমিক চহি ২০২০-২১গী ওনলাইন ক্লাসশিং হৌনবা হায়দরবাদতা লৈবা লনাইগী স্কুল কয়া অমনা শেম শাবগা লোয়ননা মমা-মপাশিংনা চহীগী তুইসন ফীশিং পীবগা লোয়ননা অনৌবা দিভাইসশিংদা মখোয়গী অঙাংশিংগী শেল থাদগদবনি। লোকদাউন হৌবদগী অঙাং মাপল হায়দরাবাদতা হুন্দোক্লম্লে। মে ৩০ ফাওবদা স্তেৎ অসিদা পোজিতিব কেস ২৪৯৯ শুখ্রে। হৌজিক ফাওবদা মাইগ্রেন অমসুং মীরৈবাক্তগী লাকপা ৪৩১ পোজিতিব ওইখ্রে।
• পঞ্জাব: চীফ মিনিস্তরনা কেন্দ্র সরকারগী গাইদলাইনশিংগী মখা পোন্না অহেনবা কোমথোকপশিংগা লোয়ননা জুন ৩০ ফাওবা পঞ্জাবতা লোকদাউন চয়োল-৪ শাংদোক্নবা লাওথোকখ্রে। পঞ্জাবতা লোকদাউন শাংদোকপা অসি কোবিদ সেফতি প্রোতোকলগী মখাদা মখা পোল্লি হায়না ময়েক শেংনা ফোঙদোক্লদুনা চীফ মনিস্তরনা লাইরবশিংদা লেম্না মাস্ক য়েন্থোকপগী য়াংথংসু পীখি। মহাক্না ফুদ & সিভিল সপ্লাইজ মন্ত্রীদা লৈবা ঙমদবা লায়রবাশিংদা রেসন কি৭শিংগী শরুক অমা ওইনা মাস্কশিং য়েন্থোক্নবা খোঙথাংশিং ওইনা অথুবদা য়েন্থক্নবা খঙহনখ্রে।
• হরিয়ানা: কোবিদ-১৯গী লাইচৎকী মনুংদা পোজিতিব ওইবা থৌদাং লৌরদুনা হরিবানাগী স্তেৎ ইন্দস্ত্রী এন্দ ইনফ্রাস্ত্রকচর দিবেলপমেন্ত কোর্পোরেসননা ইনভেস্তরশিংদা লিজ তৌনখিবা লমশিং অহানবদা য়ামদবা কেপিতেল ইনভেসমেন্ত তৌরগা তর্মশিং অমসুং কন্দিসনশিং খরা ফুলফিল তৌরবা মতুংদা ফ্রি হোল্দ ওইনবা পোলিসি অমা শেমখ্রে। শীন্মিশিং লেংদনা লৈনবা খ্বাইদগী য়ামদবা মমলদা লৈফমশিং পীনবা এরিবা একর অমা নত্রগা হেনবদা লৈবা ইন্দস্ত্রীএল স্তেৎশিংগী এফ.এ.আর.দা ১০ পর্সেন্ত হেনগৎপগী প্রোভিজন অমা থোকখ্রে। ঐচ.এস.আই.আই.দি.সি.না আই.এম.তি.মানেসার অমসুং সোনিপততা লৈবা ইন্দস্তরীএল ইস্তেৎ কুন্দলিদা ইন্দস্ত্রীএল ৱার্করশিংগী রেসিদেন্সিএল য়ুনিৎশিং অমসুং দোর্মিতরিশিং শেম শাখ্রে।
• অরুনাচল প্রদেশ: অনিশুবা চোভিদ-১৯ পোজিতিব ওইখিবা মীওই অদুগী প্রাইমরী & সেকেন্দরী কন্তেক্ত ২৬ তেস্ত তোবদা নেগেতিব ওইখ্রে। লাইওং উত্তনা পোসিতিব ওইরকপা অমা থারগা স্তেৎ অসিদা এক্তিব পোজিতিব কেস ৩দা লৈরে।
• অসাম: কোবিদ-১৯গী তেস্ত তৌবদা অনিরক নেগেতিব ওইরবা মীওই ২২ দিচার্জ তৌখ্রে। অপুনবা দিচার্জ তোখিবা ১৮৫ অমসুং এক্তিব কেস ১০৮০ শুখ্রে।
• মনিপুর: মনিপুরি মচা ৯,০০ হেন্না লৈবাক অসিগী তোঙান তোঙানবা মফম কয়াদগী স্পেসিএল ত্রেনশিংদা জিরিবাম রেলৱে স্তেসনদা পুরক্লবা মতুং মশা-মশাগী দিস্ত্রিক্তা বসশিংনা থিনখ্রে। ৱাংথৌরবা ইন্তর্নেস্নল ৱার্শিপ সেন্তর, লমদেং, ইম্ফাল ইস্তনা বা দ্রাইভরশিং অমসুং মখোয়গী হেল্পরশিংদা মাস্কশিং, হেন্দ সেনিতাইজরশিং অমসুং হেন্দ গ্লোবশিং য়েন্থোকখ্রে।
• মিজোরাম: স্পেসিএল ত্রেন তোংদুনা কর্নাতকতগী হল্লকপশিংগী সেম্পল পুম্নমক কোবিদ-১৯ নেগেতিব ওইরে।
• নাগালেন্দ: দিমাপুর ফাওবগী নাগালেন্দগী দোমেস্তিক ফ্লাইৎশিং “স্লোৎ কনস্ত্রেন্ত”নাআ মরম ওইদুনা কেনসেল তৌখ্রে, হয়েংদগী রিজ্যুম তৌরবা য়াই। দি.সি. ৱোখানা নাগালেন্দদা ওদ-ইভন নম্বর ত্রাফিক রুল চৎনা হল্লগনি। ওদ নম্বর ওইবা গারিশিংনা নিংথৌকাবা, য়ুমশকৈশ & ইরাই, অমসুং ইভন ন্মবরনা লোইবানা লৈবাকপোকপা, শগোলসেন & থাংজাদা চেল্লগনি।
• সিক্কিম: সিক্কিমগী হোম বিভাগনা স্তেৎ কম্মর্স অমসুং ইন্দস্ত্রী বিভাগতা সিক্কিমিস নত্তবা এমপ্লোইয়ীশিং স্তেৎ অসিদা পুরক্নবা প্রোসেস তৌবিয়ু হায়খ্রে
• ত্রিপুরা: চিফ মিনিস্তরনা হায়খি ত্রিপুরাদগী থেলা ইনবা, গৌতম দাস অসি মীওই কয়াগী ইন্সপিরেসন অমনি, মহাক্না তুশিনজবা শেল অদু লোকদাউন মতমগী মনুংদা মীয়ামদা মতেং পাংখি। মন কী বাত থৌরমদা পি.এম.নসু গৌতম দাসবু থগৎপা ফোংদোকখি।

*****