ঙাকশেল মন্ত্রালয়
ভারতকী নেভীনা ওপরেশন “সমুদ্র সেতু”গী মথংগী ফেজ হৌদোকখ্রে
Posted On:
30 MAY 2020 6:53PM by PIB Imphal
মপান লৈবাক্তগী ভারতকী প্রজাশিং য়ুমদা পুরকপগী ওপরেশন “সমুদ্র সেতু”গী মথংগী ফেজ অদু ২০২০গী জুন ১দা হৌরগনি।
মসিগী ফেজ অসিদা, ভারতকী নেভীগী জহাজ জালশ্বনা রিপব্লিক ওফ স্রি লঙ্কাগী কোলোম্বোদগী তামিল নাদুগী তুতিকোরিনদা মীওই ৭০০ অমসুং মথং তারকপদা রপব্লিক ওফ মালদিবসকী মালেদগী তুতিকোরিনদা অতোপ্পা মীওই ৭০০ অমগা পুরক্লগনি।
ভারতকী নেভীনা ওপরেশনগী মমাংগী ফেজগী মনুংদা মালেদগী কোচিদা ভারত মচা ১,৪৮৮ মমাংদা লৌথোকখ্রে।
স্রি লঙ্কা অমসুং মালদিবসতা ভারতকী মিসন অসিনা লৌথোক্কদবা ভারত মচাশিংগী লিস্তশিং শেম্লি অমসুং মথৌ তাবা মেদিকেল স্ক্রীনিং তৌরবা মতুংদা জহাজদা মখোয়বু তোংহনবগী খুদোংচাবা অসি পীগনি। কোবিদকা মরী লৈনবা সোসিয়েল দিস্তেন্সিংগী চৎনা-কাংলোনশিং অদুসু জহাজতা নীংথিনা চৎহল্লি অমসুং সমুদ্রগী খোংচৎ অসিগী মনুংদা লৌথোরক্লিবশিং অদুদা বেসিক এমেনিতীশিং অমসুং মেদিকেল ফেসিলিতীশিংসু ফংহনগনি।
তুতিকোরিনদা কুমথরবা মতুংদা লৌথোরক্লিবা মীওইশিং অদু রাজ্যগী ওথোরিতীশিংদা শিন্নগনি। মসিগী ওপরেশন অসি এক্সতর্নেল এফিয়র্সকী মন্ত্রালয়, গৃহ মন্ত্রালয়, হকশেল মন্ত্রালয় অমসুং কেন্দ্র সরকার অমসুং রাজ্য সরকারশিংগী অতোপ্পা এজেন্সী কয়া অমগা লোইননা লেংমান্না থবক তৌমিন্নদুনা খুমাং চাউশিনবা ঙম্লিবনি।
*****
(Release ID: 1628081)
Visitor Counter : 138
Read this release in:
Assamese
,
English
,
Urdu
,
Marathi
,
Hindi
,
Bengali
,
Punjabi
,
Odia
,
Tamil
,
Telugu
,
Kannada