রেলৱে মন্ত্রালয়

রেলৱেগী মন্ত্রালয়গী মাইকৈদগী য়াত্রিশিংদা তৌবা অপীল

Posted On: 29 MAY 2020 9:58AM by PIB Imphal

​ভারতকী রেলৱেজনা মাইগ্রেন্তশিংবু মখোয়গী ময়ুমশিংদা হনবা ঙম্নবা লৈবাক শিনবা থুংনা নুংতিগী ওইবা মওংদা শ্রমিক স্পিসিয়েল ত্রেনশিং চেলহল্লি। মসিগী সর্বিসশিং অসি লৌরিবা মীওই খরদা হান্নদগী মেদিকেল কন্দিসনশিং লৈবা থেংনখি মসিনা মরম ওইরগা মখোয়না কোবিদ-১৯গী লাইচৎ অসিগা মায়োক্নবা মতমদা মখোয়দা হেন্না খুদোংথিনীংঙাই ওইহল্লি। খোচৎ অসিদা হান্নদগী মেদিকেল কন্দিসনশিং লৈবগা মরী লৈনবা লাইবক থিবা শিবগী থৌদোক খরা থোকখ্রে।

​ কোবিদ-১৯দগী শোল্লবা হেন্না খুদোংথিনীংঙাই ওইরবশিং অসিবু ঙাকথোক্ননবা, গৃহ মন্ত্রলয়গী তাং ১৭.০৫.২০দা থোকখিবা ওর্দর নম্বর ৪০-৩/২০২০-দি.এম.- I(এ.)গী মতুং ইন্না, রেলৱেজগী মন্ত্রালয়না কো-মোর্বিদিতী লৈবা মীওইশিং (খুদম ওইনা – হায়পর্তেন্সন, দাইবিতিস, কার্দিয়ো-ভাসক্যুলরগী লাইনাশিং, কেন্সর, ইম্যুন দিফিসিয়েন্সী কন্দিসনশিং), মীরোল্লবী নুপিশিং, চহি ১০গী মখাদা লৈবা অঙাংশিং অমসুং চহি ৬৫গী মথক্তা লৈবা মীওইশিংনা য়াম্না তঙাইফদবা মতমদা নত্তবা তারগদি রেলদা চৎপীদনবা অপীল তৌরকখি।

​ভারত রেলৱে পরিৱারনা খোংচৎ চৎপগী মথৌ তারিবা লৈবাক অসিগী প্রজা পুম্নমক্তা রেলগী সর্বিসশিং অসি শোয়দনা ফংহন্নবা পুং ২৪ থবক তৌরি। মরম অদুনা মসিগী মতাংদা প্রজাশিংদগী কোওপরেসন পীবীনবা হায়জরি। করিগুম্বা অৱাবা অমা নত্রগা অথুবা লৈরবদি নীংজিং-মাংজিং তৌদনা অদোমগী রেলৱে পরিৱারদা হায়বিয়ু অমসুং ঐখোয়না হান্নগুম্না অদোমবু শোয়দনা মতেং পাংগনি (হেল্পলাইন নম্বর – 139 অমসুং 138)।

*****



(Release ID: 1627694) Visitor Counter : 223


Read this release in: English , Urdu , Hindi , Marathi , Assamese , Punjabi , Gujarati , Odia , Tamil , Telugu , Kannada , Malayalam