স্পিসিয়েল ত্রেনশিংনা অতোপ্পা মমফমদগী লাকপা শিন্মীশিং, লাই খুরুম্বা চৎলিবশিং, তুরিস্তশিং, মহৈরোইশিং অমসুং তোঙান তোঙানবা মফমশিংদা পন্দুনা লৈরিবা অতোপ্পা মীওইশিং পুথোক-পুশিন তৌবগা মরী লৈননা গৃহ মন্ত্রালয়না থোকখিবা ওর্দর অদুগী মতুং ইন্না, ভারতকী রেলৱেজনা ২০২০গী মে ১দগী “শ্রমিক স্পিসিয়েল” ত্রেনশিং মথৌ তৌবা হৌখি।

২০২০গী মে ২৭ ফাওবদা, পুন্না “শ্রমিক স্পিসিয়েল” ত্রেন ৩৫৪৩না লৈবাক শিনবা থুংনা রাজ্যশিংদগী মথৌ তৌবা হৌহনখি। শ্রমিক স্পিসিয়েল ত্রেন ২৫৫, ২০২০গী মে ২৬তা হৌদোকখি। হৌজিক ফাওবদা নুমিৎ ২৬নিদা শ্রমিক স্পিসিয়েল ত্রেনশিংগী খুত্থাংদা চাউরাক্না মাইগ্রেন্ত লাখ ৪৮ পুথোক-পুশিন তৌখ্রে।

হায়রিবা ত্রেন ৩৫৪৩ অসি রাজ্য কয়ামরুম অমদগী হৌরকখি। ত্রেনশিং খ্বাইদগী য়াম্না হৌরকখিবা খ্বাইদগী মকোক থংবা রাজ্যশিং/য়ু.তি.শিং অদুদি গুজরাত (ত্রেন ৯৪৬), মহারাস্ত্র (ত্রেন ৬৭৭), পঞ্জাব (ত্রেন ৩৭৭), উত্তর প্রদেশ (ত্রেন ২৪৩), অমসুং বিহার (ত্রেন ২১৫)নি।

হায়রিবা “শ্রমিক স্পিসিয়েল” ত্রেনশিং অসি লৈবাক শিনবা থুংনা রাজ্য কয়া অমদা লোইশিনখি। ত্রেনশিং অসি খ্বাইদগী য়াম্না লোইশিনখিবা খ্বাইদগী মকোক থংবা রাজ্যশিং অদুদি উত্তর প্রদেশ (ত্রেন ১৩৯২), বিহার (ত্রেন ১১২৩), ঝার্খন্দ (ত্রেন ১৫৬), মধ্য প্রদেশ (ত্রেন ১১৯), ওরিশা (ত্রেন ১২৩)নি।

আই.আর.সি.তি.সি.না খোংশাল্লিবা মাইগ্রেন্তশিংদা চাকলেন লাখ ৭৮ অমসুং ঈশিংগী বোতল কোতি ১.১০গী মথক্তা লেম্না য়েন্থোকখি।

খঙজিনগদবা অমনা ঙসি চেল্লিবা ত্রেনশিং অসি অচিনবা অমত্তা মায়োক্নখিদে।

শ্রমিক স্পিসিয়েলশিংগী মথক্তা, রেলৱেজনা মেগী ১২দগী নই দিল্লী চৎপা স্পিসিয়েল ত্রেনগী জুরা ১৫ অমসু চেলহল্লি অমসুং জুন ১দা মতম পীরবা ত্রেন ২০০গী মথক্তা চেলহন্নবগী থৌরাং তৌরি ।

******