ৰেল মন্ত্ৰালয়

২৪.০৫.২০২০ৰ পুৱা ১০ বজালৈকে ৮১৩খন শ্ৰমিক বিশেষ ৰে’লেৰে ৩৭ লাখ যাত্ৰী অনা-নিয়া কৰিছে ভাৰতীয় ৰে’লৱে

যাত্ৰীৰ নমোৱাৰ ক্ষেত্ৰত বিভিন্ন স্বাস্থ্যজনিত তথা সামাজিক দূৰত্ব প্ৰ’ট’কল মানি চলিবলগীয়া

হোৱাৰ বাবে ষ্টেচনত অধিক সময় প্ৰয়োজন হৈছে, যিটোৱে নেটৱৰ্কত ব্যাঘাত জন্মাইছে

Posted On: 24 MAY 2020 5:11PM by PIB Guwahati

ভাৰতীয় ৰে’লৱে ২৪.০৫.২০২০ৰ পুৱা ১০ বজালৈকে ২,৮১৩খন শ্ৰমিক বিশেষ ৰে’লেৰে ৩৭ লাখ যাত্ৰী অনা-নিয়া কৰিছে৷ ইয়াৰে প্ৰায় ৬০% ৰে’ল গুজৰাট, মহাৰাষ্ট্ৰ আৰু পাঞ্জাৱৰ পৰা উত্তৰপ্ৰদেশ আৰু বিহাৰলৈ চলাচল কৰিছে৷ মুঠ শ্ৰমিক ৰে’লৰ ৮০ শতাংশই উত্তৰপ্ৰদেশ আৰু বিহাৰমুখী৷ উত্তৰপ্ৰদেশৰ লক্ষ্ণৌৰ পৰা গোৰখপুৰ চেক্টৰ আৰু বিহাৰত প্ৰায় পাটনালৈ এই ৰে’ল চলাচল কৰিছে৷ কালি চলাচল কৰা ৫৬৫খন ৰে’লৰ ভিতৰত ২২৬ বিহাৰ আৰু ১৭২ উত্তৰপ্ৰদেশত চলাচল কৰিছে৷ ইয়াৰ বাবে নেটৱৰ্ক যথেষ্ট বাধাই দেখা দিছে৷ তদুপৰি, যাত্ৰীৰ নমোৱাৰ ক্ষেত্ৰত বিভিন্ন স্বাস্থ্যজনিত তথা সামাজিক দূৰত্ব প্ৰ’ট’কল মানি চলিবলগীয়া হোৱাৰ বাবে ষ্টেচনত অধিক সময়ৰো প্ৰয়োজন হৈছে, যিটোৱে নেটৱৰ্কত ব্যাঘাত জন্মাইছে৷

ইয়াৰ প্ৰতি লক্ষ ৰাখি একাংশ ৰে’ল মথুৰা আৰু ঝাৰছুগুৰা হৈ চলাচল কৰিবলগীয়া হৈছে৷ ইফালে, এই বাধাৰ পৰা ৰক্ষা পাবলৈ আনুপাতিকৰণ নিৰ্দেশো জাৰি কৰা হৈছে৷ ৰে’ল চলাচলত বিলম্ব নোহোৱাৰ বাবে ৰে’লৱে বোৰ্ড, মণ্ডল আৰু শাখা পৰ্যায়ত প্ৰচেষ্টা অব্যাহত ৰাখিছে৷

পূব সীমান্তৰ ৰে’লসমূহ নেটৱর্কৰ সমস্যাৰ বাবে দেৰিকৈ চলে আৰু ইয়াৰ ফলত খাদ্য বিতৰণতো পলম হৈছে৷ শ্রমিক বিশেষ ৰে’লত নিয়মীয়াকৈ খাদ্য আৰু পানীৰ যোগান নিশ্চিত কৰাৰ লগতে যাত্রীসকল অসুবিধা লাঘৱ কৰিবলৈ আইআৰচিটিচি আৰু ৰে’ল বিভাগে উপযুক্ত পদক্ষেপ হাতত লৈছে৷

****

DJN/MKV/DB


(Release ID: 1626705) Visitor Counter : 272


Read this release in: Punjabi , Telugu , Marathi , Tamil , English , Urdu , Hindi , Manipuri , Bengali , Gujarati , Odia , Malayalam