তাং ২৪.০৫.২০২০গী অয়ুক্কী  পুং ১০ ফাওবদা পেসেঞ্জর লাখ ৩৭ পুদুনা চেনবা ইন্দিয়ন রেলৱেজগী শ্রমিক ত্রেন ২৮১৩ লৈ। ত্রেনশিং অদু চাওরাক্না চাদা ৬০ দি গুজরাত, মহারাস্ত্র অমসুং মুম্বইদগী লমথাদুনা অয়াম্বনা উত্তর প্রদেশ অমসুং বিহারদা লমথুংফম ওইখি। অখন্নবা শ্রমিক ত্রেন চাদা ৮০না উত্তর প্রদেশ অমসুং বিহারগী তোঙান-তোঙানবা মফমশিংদা লমথুংফম  ওইখি (ইয়ু.পী.গী ওইনা ১৩০৩ অমসুং বিহারগী ওইনা ৯৭৩)। উত্তর প্রদেশতা লমথুংফম ওইখিবা ত্রেন অয়াম্বনা লখনৌ-গোরথপুর সেক্তর অমসুং বিহারগী পতনাগী মনাকৱাইদা ওইখি। ঙরাংদগী চেখিবা ত্রেন ৫৬৫গী মনুংদগী ২৬৬না বিহারদা অমসুং ১৭২না উত্তর প্রদেশতা চৎখি।  মখা তানা, স্তেসনশিংদা তোঙান-তোঙানবা হকশেলগী অমসুং সোসিএল দিস্তেন্সিংগী প্রোতোকোলশিং অসিনা মরম ওইদুনা পেসেঞ্জরশিং ত্রেন্দা তোংখৎপদা মতম চংবা হেনগৎহনখিবনা মখা তানা নেতৱর্ত চিলহনখি। ত্রেনশিং অসি মী চিনবা হন্থহন্নবা ত্রেন খরা মথুরা, ঝাকসুগুদাদগী থৈদোকখি।

মখা চত্থরকপা থবক ওইনা, ত্রাফিক য়াম্না চিনবনা মী চিলহন্দনবা রুৎ রেস্নেলাইজেসনগী ওর্দর থোকখ্রে রেলৱে বোর্দ লেভেল, জোনেল রেলৱে লেভেল অমসুং দিভিজন লেভেলনা পুংশিং খুদিং য়েংশিন্দুনা ত্রেনশিং অদু থেংথদে হায়বা তাংদাংবা খংনবা থবক পাংথোকখ্রে। কন্না হোৎনবশিং অসিনা মী চিনবগী চাং য়াম্না হন্থরক্লে অমসুং ত্রেনগী ফিভমসু শাথিনা ফগৎলে। লমথুংফমশিং অসিদা ত্রেন ময়াম লোয়না থুংজিন্নরকপনা নেতৱর্ক চিলহনখি।  নোংপোক্লোমগী ওইবা ত্রেনশিংনা নেতৱর্কশিং চিনবা হেনগৎহনখি, ত্রেন থেংথদুনা চাকলেন য়েন্থোকপগী মতমদা অকায়বা পীখি। আই.আর.সি.তি.সি. অমসুং রেলৱেজনা অখন্নবা শ্রমিক ত্রেনশিংদা চাকলেনশিং অমসুং ঈশিং চাং নাইনা নীংথিজনা ফংহন্নবা অমসুং পেসেঞ্জরশিংগী খুদোংচাদবশিং হন্থনবা য়েংশিনখ্রে।

*****