ভারতকী উপ রাস্ত্রপতি, শ্রী এম. ভেনকায়া নাইদুনা ইদ-উল-ফিতরগী য়াইফরবা নুমিৎ অসিগী মাংজৌননা লৈবাক মীয়ামদা য়াইফ-পাউজেল পীখ্রে। ইদ অসিবু ইমুং-মনুংশিং অমসুং কাংলুপশিংগীদমক্তা ওইনা পুন্সিল্লনবগী থৌরম অমা ওইনা ফোংদোক্লদুনা মহাক্না কুম্মৈ অসিগী মনুংদা সোসিয়েল দিস্তেন্সিংগী অশোই-অঙাম য়াওদনবগী চৎনা কাংলোনশিং অদু ঙাক্না চৎনবা মীয়ামদা হায়জখ্রে।

মখাদা পীরিবা অসি পাউজেল অদুগী মপুং ফারবা ৱারোলশিং অদুনি -

“ঐনা ইদ-উল-ফিতরগী য়াইফরবা থৌরম অসিদা লৈবাক অসিগী মীয়ামদা নুংঙাইরবা য়াইফ-পাউজেল অসি পীজরি।

ইদ-উল-ফিতর অসি মহৌসাদগী রামাদানগী শেংলবা থাবান অসিগী লোইশিল্লকপগীদমক্তা অমসুং ইস্লামগী কেলেন্দরগী ১০সুবা থা, শাৱলগী হৌরকপদা পাংথোকপা কুম্মৈনি।

কুম্মৈ অসিনা ঐখোয়গী খুনাইদা নুংশিহৈবা, কৎথোকপা অমসুং পুকচেল চাউবগী ৱাখল্লোন অসিবু হেন্না কনখৎহল্লি। মসিগী থৌরম অসি ইমুং-মনুংশিং অমসুং কাংলুপশিং অমত্তা ওইনা পুনশিল্লনবা থৌরম অমনি।

অদুবু, হন্দক্কী চহি অসিদি, ভারত অমসুং মালেম পুম্বনা কোবিদ-১৯গী শন্দোরকপা অসিগী মায়োক্তা লেপ্তনা লান্থেংনবনা, ঐখোয়না ঐখোয়গী নাৎকী ওইবা কুম্মৈশিং অয়াম্বা য়ুমদা পাংথোক্লি।

মরম আদুনা, ঐখোয়না কুম্মৈ অসিবু পীক্তক্না পাংথোকপদা পেন্থোকপা তাই অমসুং সোসিয়েল দিস্তেন্সিং অমসুং পর্সোনেল হাইজিনগী অশোই-অঙাম য়াওদনবগী চৎনা কাংলোনশিং অসিবু ঙক্না চৎপা মথৌ তাই। অদুম ওইনমক, ঐখোয় পুম্মক্না কুম্মৈ অসিবু পাংথোকপদা শেংলবা থৌরম অসিগী নুংগী ৱাহন্থোক ওইরিবা হরাও-তয়াম্বা, নুংশি-চান্নবা অমসুং অমনা অমবু ইকাই খুম্নবগী ৱাখল্লোন অসিবু কাইহন্দনা থমগনি হায়না ঐহাক্না থাজৈ।

ইদ-উল-ফিতরগা শাগোন্নরিবা ফজরবা ৱাখল্লোনশিং অদুনা ঐখোয়গী পুন্সিদা হকচাং ফনা লৈবা, শান্তি, চাউখৎপা অমসুং নুংশি-চান্ননা লৈবদা লমজিংবিবা ওইরসনু।”

*****