শ্রীমতী প্রীতি সুদান, হেলথ সেক্রেতরী অমসুং শ্রী রাজেশ ভুষন ও.এস.দি. এম.ও.ঐচ.এফ.দবল্যু.না হকশেল মন্ত্রালয়গী মকোকথোংবা ওফিসিএলশিংগা লোয়ননা ঙসি অৱাংবা থাক্কী য়েংশিন মীফম অমা (ভিদিও কনফরেন্সকী খুত্থাংদা) পি.আর. হেলথ সেক্রেতরীশিং, আর্বান দিবেলপমেন্ত সেক্রেতরীশিং, ম্যুনিসিপাল কম্মিস্নরশিং, মিসন দিরেক্তরশিং (এন.ঐচ.এম.) অমসুং কোবিদ-১৯গী কেস মশিং য়াম্না ফংবা ম্যুনিসিপাল মফম ১১গী ওফিসিএলশিংগা লোয়ননা পাংথোকখ্রে। শ্রী কম্রান রিজবি, এদিস্নল সেক্রেতরী এম.ও.ঐচ.য়ু.এ.সু ভি.সি. অদুদা শরুক য়াখি।

হায়রিবা ম্যুনিসিপাল মফম ১১ অসি মখাগী স্তেৎশিং/য়ু.তি.শিংদগীনি: মহারাস্ত্রা, তমিল নাদু, গুজরাত, দিল্লী, মধ্য প্রদেশ, নোংচুপ বঙ্গাল, রাজস্থান অমসুং ভারতকী এক্তিব কেস অপুনবগী ৭০% ওই।

অপুনবা কনফর্ম তৌরবা কেসশিংগা মরি লৈননা কেস ত্রেজেক্তরিগী ত্রেন্দ, কেস ফেতালিতী রেৎ, দব্লিং তাইম, তেস্তস পর মিলিয়ন অমসুং কনফর্মেসন পর্সেন্তেজ হাইলাইত তৌদুনা প্রজেন্তেসন অমা উৎখি। হায়রিবা কোর্পোরেসনশিং অদুদা দব্লিং তাইম তেন্না লৈবা, শীবগী চাং ৱাংবা অমসুং নেস্নেল এভরেজকা য়েংনবদা কনফর্মেসন চাং ৱাংনা লৈদুনা অচৌবা অৱাশিং লৈ। কন্তেনমেন্ত অমসুং বফর জোনশিং খন্দোকপদা খন্নগদবা ফেক্তরশিংগীআ মরমদা; পেরিমীতর কন্ত্রোল, য়ুম অমদগী য়ুম অমদা কেসশিং এক্তিব ওইনা থীবা, কন্তেক্ত ত্রেসিং, তেস্তিং প্রোতোকল, এক্তিব কেসশিংগী ক্লিনিকল মেনেজমেন্তগুম্বা কন্তেনমেন্ত জোনদা পাংথোক্কদবা তঙাইফদবা থবক থৌরমশিং; এস.এ.আর.আই/আই.এল.আই. কেসশিং মোনিতর তৌবা, সোসিএল দিস্তেন্সিং লৈহনবা, হেন্দ হাইজিন প্রমোৎ তৌবনা চিংবা বফর জোনদা তৌগদবা সর্বিএন্স এক্তিবিতিশিংগী মরমদা কুপ্না খন্নখি। অৱাংবা থাক্কী ভিজিলেন্স মেন্তেন তৌবা অমসুং অরীবা শহরশিং, অর্বান স্লমশিং অমসুং মাইগ্রেন্ত ৱার্করশিংগী কেম্পশিং/ক্লস্তরশিংগা লোয়ননা অতোপ্পা দেন্সিতি ৱাংবা মফমশিং মোনিতর তৌবা অসি অর্বান এরিয়াশিংগী কোবিদ-১৯গী মেনেজমেন্তকী মরু ওইবা খোংথাংশিংনি।

হাই রিস্ক অমসুং ভলনরেবল ওইবা মীশিং অমসুং কাংলুপশিং এক্তিব স্ক্রিংনীংগী খুত্থাংদা ঙাকথোকপা অমসুং শিবগী চাং হন্থনবা, এমিৎ তৌরবা কেসশিংগী ইফেক্তিব অমসুং অকনবা ক্লিনিকেল মেনেজমেন্ত পাংথোকপদা অখন্নবা মীয়েং চংনবা উৎখি।  ২৪x৪ স্তেৎ কন্ত্রোল রুমশিং ময়াম অমা মথৌ তৌরবসু অতোপ্পশিংনা কোবিদ-১৯গা মরি লৈনবা ফেসিলিতিশিং/সর্ভিসশিংগী মীয়ামদা মতেং পাংবখক নত্তবা শীবগী চাং হন্থহনবা কান্নবা মতেং পাংগদুনা পুং কুনমরি মতেং পাংগদবা অমসুং মোনিতর তৌগদবা দোমেন এক্সপর্তকী পেনেল অমা অমসুং দোক্তরশিং য়ুনিৎশিং হৌদোক্কদবনি। 

ঙন্না কেসশিং খংদোক্নবা, মতমচানা ক্লিনিকেল মেনেজমেন্ত পীনবা অমসুং শীবগী চাং হন্থনবা ম্যুনিসিপাল এরিয়া খরদা তেস্ত তৌবগী চাং হেনগৎহনগদবনি হায়না খন্নখ্রে। মখোয়না লাক্লিবা থা অনি অসিগী শেম-শাবগা লোয়ননা আইসোলেসন বেদশিংদা ওক্সিজেন, ভেন্তিলেতরশিং অমসুং আই.সি.য়ু. বেদশিংদা অখননবা মীৎয়েং থমদুনা হেলথকী ইনফ্রাস্তর্কচর ফগৎহন্নবা হৌৎনবসু মথৌ তাই । অতোপ্পা মীৎয়েং চংবা মথৌ তাবা অদুদি সেম্পল ক্ললেক্সনদা থেংথবশিং অদু লৈঙাক্কী অমসুং লনাই লেবশিংগা পুন্না থবক তৌমিন্নরগা য়েংশিনবা, হেলথ/বেদ মশীং হেনগৎহন্নবা লনাই হোস্পিতালশিংগা থবক তৌমিন্নবা, কোবিদ পোসিতিব ওইবা মফমশিংগী ফত্তা হাওদিশিং লৌথোকপা অমসুং দিসইনফেক্সন তৌবা, মাইগ্রেন লেবরশিংগী লৈফম শিনবা, লোকেল লোনদা অনাবা অমদি মেদিকেলদা থবক তৌরিবা মীশিংবু স্তিকমতাইস তৌদনবা অসিগুম্বা ইসুশিংগী এৱেরনেস পীবা, এৱেরনেস অমসুং কনফিদেন্স হেনগৎনবা খোঙথাংশিংগীদমক সর্বিলেন্স তীশিংগা কম্ম্যুনিতীগী লুচিংবশিং, নহা ওইরিবা কাংলুপশিং, এন.জি.ও.শিং অমসুং এস.‌ঐস.জি.শিংগা পুন্না থবক তৌমিন্নবা য়াওরি।

ম্যুনিসিপাল কোর্পোরেসনশিংনা কোবিদ-১৯ লাকশিনবদা লৌখৎপা খোঙথাংশিং অমসুং ইল্লিবা খ্বাইদগী ফবা থবক থৌরমশিংগী মতা           দসু খন্নখি। মুম্বাই ম্যুনিসিপাল কম্মিসনরনা লনাই হোসপিতালশিং অমসুং ম্যুনিসিপাল ওথোরিতীশিং মতেং পাংন্দুনা আই.সি.য়ু. বেদশিং/ওক্সিজেন বেদশিংগুম্বা হেলথ ইনফ্রাস্ত্রকচর অসি ফগৎনবা তেনতকনা থমখি। অথুবদা মখোয়না ওনলাইন পোর্তেলদা বেদ অমমমগী অখন্নবা আই.দি. নম্বরশিগা লোয়ননা বেদ হাংবরা হাংদবরাহায়বা অদু উৎলগা মীয়ামদা ফংহনগনি অমসুং জি.পি.এস. হাপ্পা ওনলাইন এম্বুলেন্স ত্রেক্কিং সিস্তেম অমা শেম্লগনি। ইনদোরগী ওথোরিতীশিংনা কন্তেক্ত ত্রেসিংদা মীৎয়েং থম্লি অমসুং য়ুম অমদগী অমদা সর্ভে চৎথরি। মখোয়না কম্ম্যুনিতী ভোল্যুনতীয়রশিং অমসুং লৈঙাক্কী থবক্তগী পোথরবা ওফিসিএলশিং য়াওবা ‘গল্লী পেত্রোল্লিং তীমশিং’ শেমদুনা কন্তেনমেন্ত জোনশিংগী স্পেসিএল সর্বিলেন্স তীমশিং মতেং পাংদুনা কনফিদেন্স হেনগৎহন্নবা খোঙথাংশিং, এক্তিব সর্বিলেন্স অমসুং তঙাই ফদনা চংদবা য়াদা পোৎশিং ফংহনবা হেনগৎহল্লি।

হৌজিক ফাওবগী ওইনা অপুনবা মীশিং ৫১,৭৮৩ লায়েংদুনা ফহনখ্রে। হৌখিবা পুং ২৪দা অনাবা ৩,২৫০ ফহনখিবা থেংনরে। মসিনা নাবা ফহনবগী অপুনবা মশীংগী চাং অদু ৪১.৩৯% য়ৌহনখি। কনফর্ম তৌখিবা অপুনবা মশীং অসি হৌজিক ১,২৫,১০১ ওইরি। ঙরাং ফাওবদা কোবিদ-১৯গী কনফর্ম কেসশিং অসি ভারততা মশীং ৬৬৫৪ হেনগৎপা থেংনখি।

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং &এদবাইজরিশিংগী অচুম্বা &অনৌবা ই-পাও পুম্নমক্কীদমক https://www.mohfw.gov.in/ অমসুং @MoHFW_INDIAদা তোয়না চংবীয়ু।

কোবিদ-১৯গা মরী লৈনবা তেক্নিকেলগী ওইবা খঙনীংবশিং লৈরবদি technicalquery.covid19[at]gov[dot]inদা অমসুং অতোপ্পা খঙনীংবশিংগী ওইনা ncov2019[at]gov[dot]in অমসুং  @CovidIndiaSevaদা থরকপা য়াগনি।

কোবিদ-১৯গী মরমদা খঙনীংবশিং লৈরবদি, হকশেল &য়াইফ য়ুম্বাল মন্ত্রালয়গী হেল্পলাইন নম্বর: +৯১-১১-২৩৯৭৮০৪৬ নত্ত্রগা ১০৭৫ (তোলফ্রী)দা ফাও ফাওবীয়ু। স্তেৎ/য়ু.তি.শিংগী কোবিদ-১৯গী হেল্পলাইন নম্বরশিংগী লিস্ত https://www.mohfw.gov.in/pdf/coronvavirushelplinenumber.pdfদা ফংবিগনি।

*****