প্ৰধানমন্ত্ৰীৰ কাৰ্যালয়

প্ৰধানমন্ত্ৰীয়ে ঘূৰ্ণীবতাহ আম্ফনত আক্ৰান্ত ওড়িশাৰ আকাশীমাৰ্গেৰে পৰিভ্ৰমণ কৰি ৫০০ কোটি টকাৰ বিত্তীয় সাহায্যৰ কথা ঘোষণা কৰিলে

মৃ্তকৰ আত্মীয়লৈ ২ লাখ টকা আৰু আঘাতপ্ৰাপ্তসকললৈ ৫০,০০০ টকাৰ বিত্তীয় সাহায্যৰ কথা ঘোষণা

Posted On: 22 MAY 2020 6:10PM by PIB Guwahati

প্ৰধানমন্ত্ৰী শ্ৰী নৰেন্দ্ৰ মোদীয়ে আজি ওড়িশা ভ্ৰমণ কৰি আম্ফন ঘূৰ্ণি বতাহে আক্ৰান্ত কৰা এলেকাসমূহৰ খতিয়ান লয়৷ তেওঁক সংগ প্ৰদান কৰে কেন্দ্ৰীয় মন্ত্ৰী শ্ৰী ধৰ্মেন্দ্ৰ প্ৰধান, কেন্দ্ৰীয় ৰাজ্যিক মন্ত্ৰী শ্ৰী বাবুল সুপ্ৰিয়, শ্ৰী প্ৰতাপ চন্দ্ৰ সাৰংগী আৰু শ্ৰীমতী দেৱশ্ৰী চৌধুৰীয়ে৷ ভদ্ৰক আৰু বালাছোড়ত ঘূৰ্ণী বতাহৰ প্ৰভাৱৰ মূল্যায়ন কৰিবলৈ ওড়িশাৰ ৰাজ্যপাল শ্ৰী গণেশ লাল, আৰু মুখ্যমন্ত্ৰী শ্ৰী নৱীন পাটনায়কেও তেওঁক সংগ প্ৰদান কৰে৷

আকাশীমাৰ্গেৰে পৰিভ্ৰমণৰ পিছত প্ৰধানমন্ত্ৰীয়ে ভূৱনেশ্বৰত ৰাজ্যিক তথা কেন্দ্ৰীয় বিভাগৰ জ্যেষ্ঠ  বিষয়াসকলকৰ সৈতে বৈঠকত অংশগ্ৰহণ কৰে৷  তেওঁ ওড়িশাৰ বাবে ৫০০ কোটি টকাৰ বিত্তীয় সাহায্যৰ কথা ঘোষণা কৰে৷

ঘূৰ্ণী বতাহত আক্ৰান্ত হোৱাৰ এলেকাসমূহৰ পুনৰ্নিমাণৰ বাবে কেন্দ্ৰীয় চৰকাৰে ৰাজ্য চৰকাৰক যথাযোগ্যভাৱে সহায় আগবঢ়াব বুলি প্ৰধানমন্ত্ৰীয়ে আশ্বাস প্ৰদান কৰে৷

ওড়িশাত জনহানিৰ ঘটনাত দুখ প্ৰকাশ কৰি প্ৰধানমন্ত্ৰীয়ে মৃতকৰ আত্মীয়লৈ ২ লাখ টকা আৰু আঘাতপ্ৰাপ্ত ব্যক্তিলৈ ৫০,০০০ টকাৰ বিত্তীয় সাহায্যৰ কথা ঘোষণা কৰে৷

 

******

VRRK/SH/MANN



(Release ID: 1626328) Visitor Counter : 172


Read this release in: Punjabi , English , Urdu , Marathi , Hindi , Manipuri , Gujarati , Odia , Tamil , Telugu , Kannada , Malayalam