প্রধানমন্ত্রীগী লোইশঙ
প্রধান মন্ত্রীনা সাইক্লোন অম্ফান্না শোকহল্লবা ওরিশাগী মফমশিং নোংথক্তগী য়েংশিনখ্রে; লুপা করোর ৫০০গী শেলগী তেংবাং লাউথোকখ্রে
প্রধান মন্ত্রীনা লৈখিদ্রবশিংগী নক্নবা মীওইশিংদা লুপা লাখ ২গী এক্স গ্রেসিয়া লাউথোকখ্রে; শোক্লবশিংগীদমক লুপা ৫০,০০০
Posted On:
22 MAY 2020 6:10PM by PIB Imphal
প্রধান মন্ত্রী শ্রী নরেন্দ্র মোদীনা ঙসি সাইক্লোন অম্ফান্না ওইহল্লিবা ফিভমগী চাং লেপ্নবা ওরিশাদা চৎখ্রে। খোংচৎ অসিদা কেন্দ্রগী মন্ত্রী, শ্রী ধর্মেন্দ্র প্রধান, কেন্দ্রগী রাজ্য মন্ত্রী শ্রী বাবুল সুপ্রিয়ো, শ্রী প্রতাপ চন্দ্র সরাঙ্গি অমসুং সুকুমারি দেবশ্রী চৌধুরিনা মহাক্কা লোইনদুনা চৎখি। ওরিশাগী রাজ্যপাল শ্রী গনেশি লাল অমসুং মুখ্য মন্ত্রী শ্রী নবীন পতনায়ক্না প্রধান মন্ত্রীগা লোইনদুনা সাইক্লোন্না শোকহল্লবশিং য়েংশিন্নবা ভাদ্রাক অমসুং বালেশ্বরদা নোংথক্তগী য়েংশিনখ্রে।
নোংথক্তগী য়েংশিনবা লোইরবা মতুং, প্রধান মন্ত্রীনা সভাপতী ওইদুনা ওইরিবা ফিভম অদু য়েংশিন্নবা রাজ্য অমসুং কেন্দ্রগী মতোকথোংবা ফঙ্কসনরীশিংগা লোয়ননা ভুবনেশ্বরদা মীফম অমা পাংথোকখি। মহাক্না ওরিশা রাজ্যগীদমক লুপা করোর ৫০০গী শেলগী তেংবাং অমা লাউথোকখি।
প্রধান মন্ত্রীনা মহাক্কী ওইবা থাজবা পীখি মদুদি মসিগী অৱাবা মতম অসিদা কেন্দ্র সরকারনা রাজ্য সরারশিংগা লোয়ননা লেংমান্ননা থবক তৌমিন্নগনি অমদি সাইক্লোন্না শোকহল্লবা মফমশিংদা ইনফ্রাস্ত্রকচর নৌনা শেমগৎ-শাগৎপদা পীবা য়াবা তেংবাং পুম্নমক পীগনি।
ওরিশাগী মীয়ামগা লোয়ননা সোলিদরিতী অমদি লৈখিদ্রবশিংগীদমক অৱাবা ফোংদোক্লদুনা প্রধান মন্ত্রীনা রাজ্য অসিদা সাইক্লোন্না মরম ওইদুনা লৈখিদ্রবশিংগী নক্নবা মীওইশিংদা লুপা লাখ ২ অমদি শোক্লবশিংগীদমক লুপা ৫০,০০০গী এক্স গ্রেসিয়া লাউথোকখি।
****
(Release ID: 1626162)
Visitor Counter : 150
Read this release in:
Punjabi
,
English
,
Urdu
,
Marathi
,
Hindi
,
Assamese
,
Gujarati
,
Odia
,
Tamil
,
Telugu
,
Kannada
,
Malayalam