ରେଳ ମନ୍ତ୍ରଣାଳୟ
ସିଏସସି ଓ ଏଜେଣ୍ଟଭିତ୍ତିକ ଟିକେଟ ରିଜର୍ଭ, ବୁକିଂ କାଉଣ୍ଟର ପୁନର୍ବାର ଖୋଲିବାକୁ ରେଳବାଇର ସବୁଜ ସଂକେତ
• ଆଜିଠାରୁ ପର୍ଯ୍ୟାୟକ୍ରମେ ଏହିସବୁ କାଉଣ୍ଟର ଖୋଲିବାକୁ ବିଭିନ୍ନ ରେଳଜୋନକୁ ନିର୍ଦ୍ଦେଶ
• ସ୍ଥାନୀୟ ସବୁ ଜୋନ ତଥା ସବୁ କାଉଣ୍ଟର ସ୍ଥାନ ଖୋଲିବା ସମୟ ବିଷୟରେ ସଚେତନ କରାଇବେ ଜୋନ କର୍ତ୍ତୃପକ୍ଷ
• ପାସେଞ୍ଜର ରେଳସେବାକୁ ପର୍ଯ୍ୟାୟକ୍ରମେ ପୁନର୍ବାର ଚାଲୁ କରିବା ଦିଗରେ ଟିକେଟ ବୁକିଂ ସେଣ୍ଟର ଖୋଲିବା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ
प्रविष्टि तिथि:
21 MAY 2020 9:12PM by PIB Bhubaneshwar
ଭାରତୀୟ ରେଳବାଇ ପର୍ଯ୍ୟାୟକ୍ରମେ ଟିକେଟ ବୁକିଂ ଓ ରିଜର୍ଭସନ କାଉଣ୍ଟରମାନ ପୁନର୍ବାର ଖୋଲିବାକୁ ନିଷ୍ପତ୍ତି ନେଇଛି । ଆଜିଠାରୁ ଏସବୁ କାଉଣ୍ଟରମାନ ଖୋଲିବା ପ୍ରକ୍ରିୟା ଆରମ୍ଭ କରିବାକୁ ସବୁ ରେଳଜୋନ କର୍ତ୍ତୃପକ୍ଷଙ୍କୁ ନିର୍ଦ୍ଦେଶ ଦିଆଯାଇଛି । ଏସବୁ ଜୋନର କର୍ତ୍ତୃପକ୍ଷ ସ୍ଥାନୀୟ ସ୍ଥିତି ଓ ଆବଶ୍ୟକତାକୁ ବିଚାରକୁ ନେଇ ରିଜର୍ଭସନ କାଉଣ୍ଟର ଏବଂ ଏଜେଣ୍ଟ ଭିତ୍ତିକ ଟିକେଟ ବୁକିଂ (CSC) ପୁନର୍ବାର ଚାଲୁ କରିବେ । ଏସବୁ କାଉଣ୍ଟର ସ୍ଥାନ, ସେବା ପ୍ରଦାନର ସମୟ ଆଦି ସମ୍ପର୍କରେ ସଂପୃକ୍ତ ଜୋନ କର୍ତ୍ତୃପକ୍ଷ ସର୍ବସାଧାରଣଙ୍କ ଗୋଚରାର୍ଥେ ଆବଶ୍ୟକ ସୂଚନା ପ୍ରଦାନ କରିବେ ।
ଏଠାରେ ଉଲ୍ଲେଖଯୋଗ୍ୟ ଯେ ବର୍ତ୍ତମାନର ନିୟମ ଅନୁସାରେ ସ୍ଥାନୀୟ ରାଜ୍ୟ ସରକାରଙ୍କ ଦ୍ୱାରା ସ୍ୱତନ୍ତ୍ର ଶ୍ରମିକ ଏକ୍ସପ୍ରେସ ଟ୍ରେନଗୁଡିକର ଚଳାଚଳ ପୂର୍ବପରି ଅବ୍ୟାହତ ରହିବ ।
କମନ ସର୍ଭିସ ସେଣ୍ଟର ଓ ଏଜେଣ୍ଟଙ୍କ ମାଧ୍ୟମରେ ଟିକେଟ ବୁକିଂ ଏବଂ ରିଜର୍ଭସନ ବ୍ୟବସ୍ଥାକୁ ପୁନର୍ବାର ପର୍ଯ୍ୟାୟକ୍ରମେ ଆରମ୍ଭ କରିବାକୁ ରେଳବାଇ ଏହି ନିଷ୍ପତ୍ତି ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ।
ଏହା ଫଳରେ ଟିକେଟ ବୁକିଂ ବ୍ୟବସ୍ଥା ସହଜ ହେବା ସହ ଦେଶର ଯେ କୌଣସି ସ୍ଥାନକୁ ଯିବା ପାଇଁ ଆଗ୍ରହୀ ଯାତ୍ରୀ ସୁବିଧାରେ ଆଗୁଆ ଟିକେଟ ସଂରକ୍ଷିତ କରିପାରିବେ ।
ସାଂପ୍ରତିକ କରୋନା ମହାମାରୀ ସଂକ୍ରମଣ ଦୃଷ୍ଟିରୁ ରେଳଯାତ୍ରା ଏବଂ ଟିକେଟ ବୁକିଂ କ୍ଷେତ୍ରରେ ସାମାଜିକ ଦୂରତ୍ୱ ରକ୍ଷା ଓ ଅନ୍ୟାନ୍ୟ ସ୍ୱାସ୍ଥ୍ୟ ନି ନିର୍ଦ୍ଦେଶାବଳୀକୁ କଡାକଡି ଭାବେ ପାଳନ କରିବାକୁ ସବୁ ରେଳ ଜୋନ କର୍ତ୍ତୃପକ୍ଷଙ୍କୁ ନିର୍ଦ୍ଦେଶ ଦିଆଯାଇଛି । ଏଥିରେ ସାମାନ୍ୟତମ ବ୍ୟତିକ୍ରମକୁ ବରଦାସ୍ତ କରାଯିବ ନାହିଁ ।
**************
(रिलीज़ आईडी: 1626089)
आगंतुक पटल : 334