রক্সা মন্ত্রী শ্রী রাজনাথ সিংনা মালেমগী ওইবা কোরোনাভাইরস (কোবিদ-১৯)গী লাইচৎ অসিগী মায়োক্তা লৈবাক-মীয়াম্না লান্থেংনরিবা অসিদা সোসাইতি ওফ দেফেন্স মান্যুফেকচররশিং (এস.দি.আই.এম.) অমসুং অতোপ্পা মাইক্রো, স্মোল অমসুং মেদিয়ম ইন্তর্প্রাইজশিং (এম.এস.এম.ই.শিং)না লৌখিবা থৌদাং অদুবু থাগৎখি। হায়রিবশিং অসি এস.দি.আই.এম., কনফিদরেশন ওফ ইন্দিয়ন ইন্দস্ত্রি (সি.আই.আই.) অমসুং দিফেন্স প্রোদক্সনগী দিপার্ৎমেন্তকা পুন্দুনা শিনখিবা এম.এস.এম.ই.গী ই-কনক্লেপ অদুদা ভিদিও কনফরেন্সকী খুত্থাংদা ঙসি মফম অসিদা মহাক্না ৱা ঙাংবা মতমদা হায়খি।

শ্রী রাজনাথ সিংনা হায়খি, “দি.আর.দি.ও. (দিফেন্স রিসর্চ এন্দ দিবেলপমেন্ত ওর্গনাইজেশন)না দিজাইন তৌরবা পি.পি.ই. (পর্সোনেল প্রোতেক্তিব ইক্যুইপমেন্ত) কিৎশিং, মাস্কশিং, দিফেন্স ইন্দস্ত্রীগী হিরমদা ওইবা ভেন্তিলেতর পার্ৎশিং অদু নীথিনা কোওর্দিনেশন পীনদুনা অমসুং চেনেলাইজেশন তৌদুনা এস.দি.আই.এম.না হায়রিবশিং অসি শাবগী থবক্তা খোংঝেল য়াংশিনখ্রে হায়বা খঙবদা ঐনা য়াম্না হরাওই। থা অনি অসিগী মনুংদা, ঐখোয়না লৈবাক অসিগী মথৌ তারিবশিং অদুবু পীবা ঙম্বদা নত্তনা লাক্কদৌরিবা মতম অসিদা য়ুমলোন্নবা লৈবাকশিংগীসু মতেং পাংনবা খনবা য়ারনি।”

রক্সা মন্ত্রীনা জি.দি.পি. চাউখৎপদা খোংজেল য়াংখৎহনবা, এক্সপোর্ৎকী খুত্থাংদা মমল য়াম্লবা ফোরেন এক্সচেঞ্জ তানবা অমসুং ধবক ফংহনবগী খুদোংচাবা পীবা, এম.এস.এম.ই.শিংবু ভারতকী ইকোনোমীগী য়াংলেন শরুনি হায়না হায়খ্রে। এম.এস.এম.ই.শিংবু লিংনা থম্বা হায়বসি সরকারগী মরু ওইবশিংগী মনুংদা অমনি। মহাক্না হায়খি, “এম.এস.এম.ই. ৮,০০০ হেন্না, ঐখোয়গী ওর্গনাইজেসন ময়াম অমগী তাংকক নাইবা পার্ৎনরশিং- ওর্দনেন্স ফেক্তরীশিং, দি.পি.এস.য়ু.শিং অমসুং সর্বিস ওর্গনাইজেশনশিং লৈ। মখায়শিং অসিনা ওর্গানাইজেশন অসিগী অপুনবা প্রোদক্সনগী চাদা ২০ শরুক য়ারি।”

দেফেন্স ইন্দস্ত্রীনা মায়োক্নরিবা অৱাবশিং অদুবু খংবিরদুনা, শ্রী রাজনাথ সিংনা হায়খি, “লোকদাউন অসিনা মরম ওইরগা মান্যুফেকচরিং সেক্তরনা খ্বাইদগি হেন্না শোকহনখি অমসুং লৈরিবা সপ্লাই চেনশিংদা অপনবা থোকপা অমসুং মসিগী মতাংদা দেফেন্সকী সেক্তরদসু অদুমক থোক্তবা নত্তে। মসিগী ওন্না তৈনবদা দেফেন্সকী সেক্তরনা অতোপ্পা সেক্তরদগী হেন্না ফিভম শোকচিল্লিবনি মরমদি দিফেন্স প্রোদক্তশিং অসিবু লৈরিবসি সরকার খক্তনি।” এস.দি.আই.এম.না লোকদাউন হেক তৌখিবদগী মন্ত্রালয় অসিগী অমসুং আর্মদ ফোর্সশিংগী সেনিয়র ওফিসিয়েলশিংগা ৱারি-ৱাতাই কয়ারক শানখ্রে। মসিনা দিফেন্স ইন্দস্ত্রীশিংগী সমস্যাশিং অদু খঙবগী খুদোংচাবা অমা পী অমসুং এস.আই.দি.এম.গী মাইকৈদগী মসিগীদমক্তা ওইবা মসিবু থোকহনদনবা অনৌবা ৱাফম কয়া অমা হৌদোরকখি।

শিংনবশিং অসিবু মায়োক্ননবা, এম.ও.দি.না ইন্দস্ত্রীশিংগীদমক্তা মরু ওইনা এম.এস.এম.ই.শিংগীদমক খোংথাং কয়া অমা লৌখৎখি। খুদম ওইনা আর.এফ.পি./ আর.এফ.আই.গী পাউখুম পীবগী মতম শাংদোকপা, পন্দুনা লৈরিবা শেলশিং অদুগী অথুবা মতমদা পীথোকপনচিংবা। চিরবা তঞ্জা অসিদা, ইন্দস্ত্রীশিংদা লৈরিবা শেল-থুমগী অৱাবা অদু হন্থহন্নবা সরকার অমসুং আর.বি.আই.না শেল-থুমগী মতেং কয়া অমা লাউথোকখ্রে । থবক তৌনবগী অহেনবা শেনফম লৈবা অমসুং ইন্তরেস্ত থিবগী মতম শাংদোকহনবনা মরম ওইরগা মসিনা অৱাবা খরদি কোকহনগনি।

রক্সা মন্ত্রীনা থাজবা পীরকখ্রে মদুদি প্রধান মন্ত্রী শ্রী নরেন্দ্র মোদিনা হৌদোরকখিবা ‘অত্মানির্ভর ভারত’ কেমপৈন অসিনা ভারতকী ইন্দস্ত্রীদা খুদোংচাবা খায়া অমা পীগনি অমসুং মসিনা থবক মিলিয়ন কয়া অমা হান্নগী ফিভমদা হনজিল্লকপদা মতেং পাংগনি। মহাক্না হায়খি, “ হায়রিবা অসিগী মাইকৈদাপ্রধান মন্ত্রী শ্রী নরেন্দ্র মোদিনা ‘ভোকেল ফোর লোকেল’ ওইননবা হায়রকখ্রে. ঐনা ৱাফম খরদা হায়বা পাম্লি মদুদি ঐখোয়না ঐখোয়গী লমগী ওইবা পোত্থোকশিং লৈগদবনি, হায়বদি ‘ভোকেল ফোর লোকেল’, অদুবু অসিগী মমাংদা ঐখোয়গী পুন্সিদা ‘লোকেল’ অসি হান্না মরু ওইহনবা তাই। ঐখোয়না ঐখোয়গী পুন্সিদা ‘স্বদেশি’গী পোত্থোকশিং শিজিন্নগদবনি। এম.এস.এম.ই.শিংনা লমদম অসিগী োইবা পোত্থোকশিং পুথোকপগী পান্দম অমসুং ভারতনা মীপাল তাংদনা ইরোমদোম হিংবা ঙম্নবগী পান্দম থম্বদা মরু ওইবা থৌদাং লৌখি হায়বদা চিংননীংঙাই লৈতে।”

‘অত্মানির্ভর ভারত’ স্কিমগী মখাদা ফাইনান্স মন্ত্রী শ্রী নির্মলা সিতারামন্না লাউথোকখিবা পাম্বৈশিং খরা শ্রী রাজনাৎ সিংনা পনখি। এম.এস.এম.ই.শিংগীদমক্তা ওইবা লুপা কোতি লাখ ৩গী কোলেতরেল ফ্রী লোন – মসিনা চাউরাক্না য়ুনিৎ লাখ ৪৫ নৌহৌননা অমুক লিংখৎপা অমসুং থবকশিং কনবদা কান্নগনি। এম.এস.এম.ই. লাখ অনিগীদমক্তা লুপা কোতি ২০,০০০গী সবোর্দিনেৎ দেৎ প্রোভিজন লাউথোকখ্রে, মসিনা ৱারবা এম.এস.এম.ই.শিংদা মতেং পাংগনি। তঙাইফদনা মতেংগী মথৌ তারিবা এম.এস.এম.ই.শিংদা কান্ননবগীদমক্তা ‘মাদর-দোতর ফন্দ’গী খুত্থাংদা লুপা কোতি ৫০,০০০গী ইক্বিতী ইনফ্যুজন পীরগনি। য়ুনিৎশিং অসিগী কেপাসিতী হেনগৎনবা অমসুং মার্কেতিংগীদমক্তা মতেং পাংনবা লুপা কোতি ১০,০০০গী ‘ফন্দ ওফ দন্দস’ অমা থম্লগনি।

এম.এস.এম.ই.গী শক্তম অদু নৌহৌননা অমুক শেমদোকখ্রে, মসিনা এম.এস.এম.ই.শিংদা চাউথোকহনবা ঙমহনগনি। অদুগা লোইননা মসিদা মেন্যুফেকচরিং অমসুং সর্বিস সেক্তর এম.এস.এম.ই.শিংগী মরক্তা খেৎনবা অমত্তা লৈহল্লোই। লুপা কোতি ২০০ নত্রগা তাবা সরকারগী কন্ত্রেক্ত (প্রোক্যোরমেন্ত)তামালেমগী ওইবা তেনদরশিং য়োহল্লোই। মসিনা এম.এস.এম.ই.শিংদা মখোয়গী বিজনেস অদু চাউখৎহনবদা মতেং পাংগনি। করিগুম্বা কোবিদ-১৯না মরম ওইরগা ত্রেদ ফেয়রশিংদা শরুক য়াবা ঙমহৌদবা তারবদি, ই-মার্কেৎ লিংকেজগী খুদোচাবা শোয়দনা ফংহনগনি। সরকার অমসুং পি.এস.য়ু.শিংনা মথংগী নুমিৎ ৪৫নিদা অৱাৎপা শেনফম পুম্নমক শোয়দনা পীথোক্কনি।

ই-কনক্লেব অদুগী হীরম অদু ‘দিফেন্স অমসুং এরোস্পেস সেক্তরদা এম.এস.এম.ই.শিংগীদমক্তা বিজনেস মখাতানা তৌহনবা’ হায়বসিনি, মসিদা দিফেন্স এম.এস.এম.ই. ৮০০গী মথক্তা শরুক য়াখি।

মালেমগী অনিসুবা লাঞ্জাওদা চহি অনিগী তেল্লবা মতম অসিগী মনুংদা য়ুনাইতেদ স্তেৎসকী দোমেস্তিক দিফেন্স ইন্দস্ত্রীনা চাউখৎলকখিবা অদুবু খুদম ওইনা পল্লদুনা, চীফ ওফ দিফেন্স স্তাফ, জেনরেল বিপিন রাৱৎনা ভারতসু মশাগী দিফেন্স ইন্দস্ত্রী লৈগদবনি হায়খি। মহাক্না দিফেন্স তেক্নোলোজীশিংদা ভারতসু মালেমগী মকোক থংবা লৈবাক তরাগী মনুংদা চলহন্নবা এম.এস.এম.ই.শিংদাথবক তৌনবা হায়রকখ্রে।

সেক্রেতরী (দিফেন্স প্রোদক্সন), শ্রী রাজ কুমারনাৱা ঙাংবদা কোবিদ-১৯না মরম ওইরগা দিফেন্স মান্যুফেকচরিং ইন্দস্ত্রীনা মায়োক্নরিবা অৱাবশিং অদু হন্থহন্নবা লৌখৎখিবা পাম্বৈশিং অদুবু মরু ওইনা পল্লদুনা ঙাংখি। মহাক্না হায়খি মদুদি দি.পি.য়ু.শিংদা এম.এস.এম.ই.শিংগী শেনফমশিং অদু পীথোক্নবা হায়খ্রে, অমসুং মখোয়গী প্রোদক্সনগী তার্গেৎশিং অদু হন্থবা লৈত্রি হায়না লাউথোকখ্রে। ফাইননান্স মন্ত্রীনা হনদক্তা লাউথোকখিবা অহোংবশিং অদুবু পল্লদুনা মহাক্না হায়খি, মসিগী পাম্বৈশিং অসিনা ২০২৫ ফাওবদা দিফেন্সকী প্রোদক্সন অদু য়ু.এস.দি. বিলিয়ন ২৫ তার্গেৎ অদু ফংবদা মতেং পাংগনি।

এস.দি.আই.এম.গী প্রসিদেন্ত, শ্রী জয়ন্ত দি. পাতিল, এস.দি.আই.এম.গী হান্নগী প্রসিদেন্ত, শ্রী বাবা এন. কল্যানী, সি.আই.আই.গী দাইরেক্তর জেনরেল, শ্রী চন্দ্রজিৎ বেনর্জী, এম.ও.দি.গী সেনিয়র সিভীল অমসুং মিলিতরী ওফিসিয়েলশিং, ওর্দনেন্স ফেক্তরী বোর্দ অমসুং দি.পি.এস.য়ু.শিংসু থৌরম অদুদা য়াওখি।

****