سڑک ٹرانسپورٹ اور شاہراہوں کے وزیر جناب نتن گڈکری نے آج کہا کہ اعلی تعلیمی اداروں کے لئے معاشی استحکام بہت ضروری ہے۔ ان اداروں کو معیار سے سمجھوتہ کیے بغیر اپنی آپریٹنگ لاگت کو کم کرنے کی ضرورت ہے۔

وہ اعلی تعلیم کے مستقبل کے بارے میں ایم آئی ٹی اے ڈی ٹی یونیورسٹی کے نمائندوں کے ساتھ ویڈیو کانفرنسنگ کے ذریعے ایک اجلاس سے خطاب کر رہے تھے۔

وزیر موصوف نے کہا کہ یونیورسٹیوں کا اپ گریڈیشن ضروری ہے اور اقدار پر مبنی تعلیم معاشرے کی طاقت ہے۔ انہوں نے مزید کہا کہ ہمارے نوجوانوں کو اپنی طاقت اور کمزوریوں کو سمجھنا چاہئے اور ان کو درپیش مسائل کو مواقع میں تبدیل کیا جاسکتا ہے۔ انہوں نے مزید کہا کہ نوجوانوں کی صلاحیتوں میں اضافہ کرنا اس مرحلے پر ملک کے لئے بہت ضروری ہے۔

جناب گڈکری نے اسٹیک ہولڈرز کے مابین مربوط نقطہ نظر ، موثر تال میل اور ٹیم کے جذبے کی ضرورت پر زور دیا اور اس چیلنج بھرے مرحلے پر قابو پانے کے لئے صنعت کو خود اعتماد ہونے اور مثبت رویہ اپنانے کی تاکید کی۔

انہوں نے کہا کہ صنعت کو اختراع ، صنعت کاری ، سائنس اور ٹکنالوجی ، تحقیقی صلاحیتوں اور تجربات پر زیادہ توجہ دینی چاہئے تاکہ علم کو دولت میں تبدیل کیا جاسکے۔

وزیر موصوف نے یاد دلایا کہ حکومت جاپان نے اپنی صنعتوں کو خصوصی پیکج کی پیشکش کی تاکہ چین سے جاپانی سرمایہ کاری نکالی جا سکے اور کہیں اور اسے منتقل کیا جا سکے۔

چین سے جاپانی سرمایہ کاری کرنے اور کہیں اور منتقل کرنے کے ل خصوصی پیکیج کی پیش کش کی ہے۔ انہوں نے ذکر کیا کہ یہ ہندوستان کے لئے ایک موقع ہے جس سے فائدہ اٹھایا جانا چاہئے۔

انہوں نے کہا کہ صنعتوں کے ڈی سینٹرلائزیشن پر کام کرنے اور ملک کے دیہی ، قبائلی اور پسماندہ علاقوں پر توجہ دینے کی ضرورت ہے۔ انہوں نے مزید کہا کہ ایگرو ایم ایس ایم ای سیکٹر کو تلاش کرنے کی ضرورت ہے۔

وزیر نے یہ بھی بتایا کہ حکومت گاڑیوں کی اسکریپج پالیسی کو متعارف کرانے کی منصوبہ بندی کر رہی ہے۔ بندرگاہوں کے قریب ری سائیکلنگ کلسٹرز کا آغاز کیا جاسکتا ہے جو ملک میں آٹوموبائل بنانے والی صنعت کو فروغ دے گا۔

وزیر موصوف نے شرکاء کے سوالات کے جواب دئیے جو کاروباری افراد کے لئے ضروری خصوصیات اور فیصلہ سازی کے لئے رہنمائی کے بارے میں تھے۔

*************

م ن۔ن ا ۔م ف 

U: 2708