দিপার্তমেন্ত ওফ সাইন্স এন্দ তেক্নোলোজী (দি.এস.তি.)গী লৈবাক্কী ওইনা মরুওইবা ইনস্তিত্যুৎ অমা ওইরিবা শ্রী চিত্র তিরুনাল ইনস্তিত্যুৎ ফোর মেদিকেল সাইন্সেস এন্দ তোক্নোলোজী (এস.সি.তি.আই.এম.এস.তি.) – ত্রিভান্দ্রমনা কোচিনদা বেজ তৌবা ইন ভিত্রো  দাইগ্নোস্তিক্স শাবা কম্পোনী অগপ্পে দাইগ্নোস্তিক লিমিতেদকা লোয়ননা শাবা কোবিদ-১৯ খঙদোক্নবা তেস্ত তৌবা মতমদা শীজিন্ননবা মেগ্নেতিক নেনোপার্তিকলদা বেজ তৌবা আর.এন.এ. এক্সত্রেক্সন কিত, অগপ্পে চিত্র মেগ্নাবু ললোনপোৎ ওইনা লোঞ্চ তৌবগী থৌরম মে ২১, ২০২০গী নুংথিল পুং ৪:৩০ তাবা মতমদা পাঙথোক্কদৌরি‍।

লোঞ্চ তৌবগী থৌরম অসি এস.সি.তি.আই.এম.এস.তি.না অগপ্পে দাইগ্নোস্তিক লিমিতেদকা খুৎশম্নদুনা এস.সি.তি.আই.এম.এস.তি.গী বাইওমেদিকেল তেক্নোলোজী ৱিংদা পাঙথোক্কনি‍।

নীতি আয়োগ মেম্বর অমদি ইনস্তিত্যুৎ বোদী ওফ এস.সি.তি.আই.এম.এস.তি.গী প্রেসিদেন্ত দাঃ ভি.কে. সরসৱত অমসুং ইন্দিয়া লৈঙাক্কী দি.এস.তি. সেক্রেতরী প্রোফঃ অসুতোশ শর্মনা অগপ্পে চিত্র মেগনাবু ললোনপোৎ ওইনা লোঞ্চ তৌবগী থৌরমদুদা ভিদিও কন্ফরেন্সিংগী খুত্থাঙদা শরুক য়াগনি‍। দাঃ ভি.কে. সরসৱতনা হৌনবী মতুং ইন্না ললোনপোৎ ওইনা লোঞ্চ তৌরবা মতুংদা অম্রিতা ইনস্তিত্যুৎ ওফ মেদিকেল সাইন্সেস, কোচিগী ওফিসিএলশিংদা অগপ্পে দাইগ্নোস্তিকগী মেনেজিং দিরেক্তর মিঃ থোমাস জোননা পোত্থোক অদু অহানবা ওইনা য়োনগনি‍।

কোবিদ-১৯ ভাইরসপু মমল য়ামদনা, থুনা অমদি অশোয়বা য়াওদনা চাংয়েং তৌবনা লাইচৎ অসি শন্দোকপদগী লাকশিন্নবা অমসুং অনাবা মীওইশিংদা মতিক চাবা লায়েং পীনবা খ্বাইদগী মরুওইবা খোঙহৌনি‍। এস.সি.তি.আই.এম.এস.তি.না সেনিয়র সাইন্তিস্ত দাঃ অনুপকুমার থেক্কুভীতিলগী মখাদা শাবা অনৌবা আর.এন.এ. এক্সত্রেক্সন কিত চিত্র মেগ্না এপ্রিল ২০২০দা অগপ্পে দাইগ্নোস্তিকদা ত্রান্সফর তৌখিবনি অমদি মসি হৌজিক কৈথেলদা অগপ্পে চিত্র মেগ্না আর.এন.এ. আইসোলেসন কিত হায়না খঙনদুনা ফংলগনি‍। পোত্থোক অসি কোবিদ ১৯ আর.এন.এ. আইসোলেসনগীদমক নেসনেল ইনস্তিত্যুৎ ওফ ভাইরোলোজীদা মনীং তম্না ভেলিদেত তৌখিবনি‍। কিত অসি ললোনপোৎ ওইনা ফংহন্নবগী অয়াবা সেন্ত্রেল দ্রগ স্তেন্দর্দ কন্ত্রোল ওর্গনাইজেসন (সি.দি.এস.সি.ও.)না পীরে‍। কিত অসি আর.তি.-এল.এ.এম.পি., আর.তি.-ক্যু.পি.সি.আর., আর.তি.-পি.সি.আর. অমদি অতোপ্পা আইসোথর্মেলগী আর.এন.এ. এক্সত্রেক্সন তৌবদা অমসুং সার্স-কোভ-২ খঙদোক্নবগী পি.সি.আর.দা বেজ তৌবা প্রোতোকোলশিংদা শীজিন্নবা য়াগনি‍।

মসিদা অনাবগী সেম্পলদগী আর.এন.এ. কেপচর তৌনবা মেগ্নেতিক নেনোপার্তিকলশিং শীজিন্নদুনা আর.এন.এ. খাইদোক্নবগী অনৌবা তেক্নোলোজী শীজিন্নরি‍। মেগ্নেতিক নেনোপার্তিকল মতুমশিং অসিনা ভাইরেল আর.এন.এ.দা নপশিল্লি অমদি মেগ্নেতিক ফিলদা এক্সপোজ তৌবা মতমদা চাং ৱাংনা শেনদোক্লবা অমদি অকূংবা আর.এন.এ. পীবা ঙমই‍। দিতেক্সন মেথদ অসিগী সেন্সিতিভিতী অসি ভাইরেল আর.এন.এ. মরাং কায়না ফংবগী মখা পোনবা ওইবনা ইন্নোভেসন অসিনা পোজিতিভ কেস মশক খঙদোকপগী চাং হেনগৎহল্লি‍।

ইন্দিয়ানা লাক্কদৌরিবা থা তরুকসিদা থা অমদা আর.এন.এ. এক্সত্রেক্সন কিৎ লাখ ৮গী চাংদা মথৌ তাগনি হায়না পানরি অমদি কিত অমদা লুপা ১৫০গী চাংদা পীবা অগপ্পে চিত্র মেগ্না আর.এন.এ. আইসোলেসন কিত অসিনা তেস্ত তৌবগী মমল হন্থহনবগা লোয়ননা লৈবাকসিনা লুপা ৩০০লোম পীবা মপান্দগী পুশিল্লকপা কিতশিংগী মখা পোনবা অসি হন্থহল্লগনি হায়না পানরি‍। অগপ্পে দাইগ্নোস্তিক্সনা থা অমদা কিত লাখ ৩গী চাংদা শাবা ঙম্বগী মঙম লৈ‍।

****