ক’ভিড-১৯ চিনাক্তকৰণৰ বাবে প্ৰয়োজন হোৱা ‘আৰএনএ’ আহৰণ কৰিব পৰা ‘অগাপ্পে চিত্ৰা মেগ্না’ নামৰ এবিধ চৌম্বকীয় নেনো-পাৰ্টিক’ল ভিত্তিক কিট-ৰ বাণিজ্যিকীকৰণৰ শুভাৰম্ভৰ বাবে প্ৰস্তুতি সম্পূৰ্ণ কৰিছে ত্ৰিৱাদ্ৰুমৰ ‘শ্ৰী চিত্ৰা তিৰুমলা ইনষ্টিটিউট ফৰ মেডিকেল ছায়েন্সেছ এণ্ড টেকন’লজী’(এছচিটিআইএমএছটি)য়ে। প্ৰতিষ্ঠানটোৱে কোচিনৰ ‘অগাপ্পে ডায়েগন’ষ্টিকছ লিমিটেড’ৰ সৈতে জোঁট বান্ধি এই বিধ কিট বিকশিত কৰিছে। কাইলৈ অৰ্থাত ২১মে’, ২০২০ৰ বিয়লি ৪.৩০বজাত আয়োজিত হ’ব লগা অনুষ্ঠানত বিশেষ ভাবে বিকশিত কিটবিধৰ শুভাৰম্ভ কৰা হ’ব।

‘এছচিটিআইএমএছটি’ আৰু ‘অগাপ্পে ডায়েগন’ষ্টিকছ লিমিটেড’য়ে যুটীয়া ভাবে আয়োজন কৰা এই কাৰ্যক্ৰম অনুষ্ঠিত হ’ব ‘এছচিটিআইএমএছটি’-ৰ জৈৱ-চিকিত্সা প্ৰযুক্তি বিভাগৰ সভাগৃহত।

অনুষ্ঠানত ‘নিতি আয়োগ’ৰ সদস্য তথা এছচিটিআইএমএছটি-ৰ অধ্যক্ষ ড০ ভি কে সাৰস্বত আৰু ভাৰত চৰকাৰৰ বিজ্ঞান আৰু প্ৰযুক্তি বিভাগৰ সচিব অধ্যাপক আশুতোষ শৰ্মা বিশিষ্ট অতিথি হিচাপে উপস্থিত থাকিব।

****

KGS/DST/KB