মন্ত্রীমন্দল

ইমর্জেন্সী ক্রেদিৎ লাইন গেরেন্তী স্কিম (ই.এল.জি.এস.) অসি হৌদোক্তুনা কেবিনেৎনা লুপা কোতি লাখ অহুম ফাওবা অএনবা শেন্থংশিং থাধবগী অয়াবা পীখ্রে
মেম্বর লেন্দিং ইন্সতিত্যুশনশিং (এম.এল.আই.শিং)দা নেস্নেল ক্রেদিৎ গেরেন্তী ত্রস্তী কম্পনী লিমিতেদ (এন.সি.জি.তি.সি.)না চাদা চাম্মা ক্রেদিৎ গেরেন্তী কোভরেজ পীখ্রে
মুদ্রা লৌরিবাথৱায় য়াওবশিং য়াওরগা মতিক চারবা মাইক্রো, স্মোল অমসুং মেদিয়ম ইন্তর্প্রাইজ (এম.এস.এম.ই.) লৌথরিবশিংদা গেরেন্তীদ ইমর্জেন্সী ক্রেদিৎ লাইন (জি.ই.সি.এল.) ফেসিলিতীশিং পীবা

Posted On: 20 MAY 2020 2:16PM by PIB Imphal

প্রধান মন্ত্রী শ্রী নরেন্দ্র মোদিনা সভাপতি ওইবা কেন্দ্রগী কেবিনেৎনা মখাদা পীরিবশিং অসিগী অয়াবা পীখ্রে:

  • “ইমর্জেন্সী ক্রেদিৎ লাইন গেরেন্তী স্কিম” অসি শিজিন্নদুনা মতিকচাবা এম.এস.এম.ই.শিং অমসুং মুদ্রা লৌথরিবা থৱায় য়াওবশিংদা লুপা লাখ অহুম ফাওবগী অহেনবা শেন্থং ফংহনবা।"
  • স্কিম অসিগী মখাদা, গেরেন্তীদ ইমর্জেন্সী ক্রেদিৎ লাইন (জি.ই.সি.এল.) ফেসিলিতী অসিগী মওংদা মতিকচাবা এম.এস.এম.ই.শিং অমসুং মুদ্রা লৌথরিবা থৱায় য়াওবশিংদা লুপা লাখ অহুম ফাওবগী অহেনবা শেন্থং ফংহন্নবগীদমক্তা নেস্নেল ক্রেদিৎ গেরেন্তী ত্রস্তী কম্পনী লিমিতেদ (এন.সি.জি.তি.সি.)নাচাদা চাম্মা গেরেন্তী কোভরেজ পীগদবনি।

মরম অসিগীদমক্তা, কেন্দ্র সরকারনা হন্দক্কী চহি অমসুং লাক্কদৌরিবা ফাইনান্সিয়েল য়িয়র অহুমগী  লুপা কোতি ৪১,৬০০গী অপুনবা শেনফম অমা পীরগনি।

কেবিনেৎনা স্কিম অসিবু লাউথোকখিবা মতম অদুগী মনুংদগীনা ৩১.১০.২০২০ ফাওবা নত্রগা জি.ই.সি.এল.গী মখাদা লুপা কোতি ৩,০০,০০০গী শেন্থং অমা সেঙ্কশন তৌদ্রিবা ফাওবা অনিগী মরক্সিদা অহানবা অমা হেক্তা জি.ই.সি.এল. ফেসিলিতীগী মখাদা সেঙ্কশন তৌখিবা লোন খুদিংমক্তা স্কিম অসিবু চৎনহন্নবগী অয়াবা পীখ্রে।

অকুপ্পা মরোলশিং:

ইমর্জেন্সী ক্রেদিৎ লাইন গেরেন্তী স্কিম (ই.এল.জি.এস.) অসি কোবিদ-১৯ অমসুং মসিনা মরম ওইরগা থোরকপা লোকদাউননা মরম ওইরগা থোকহনবা অমুক্তা থোকখিদ্রিবা ফিভম অসিগী মায়োক্তা লৌখৎপা অখন্নবা থবক থৌরম্নি, মসিনা মেন্যুফেকচরিং অমসুং এম.এস.এম.ই.গী সেক্তরগী অতোপ্পা থবক থৌরমশিংদা শাথিনা শোকহনখি। স্কিম অসিনা মপুং ফানা গেরেন্তী পীরবা ইমর্জেন্সী ক্রেদিৎ লাইনগী মওংদা লুপা কোতি লাখ অহুম ফাওবগী অহেনবা শেন্থং পীদুনা এম.এস.এম.ই.শিংনা মায়োক্নরিবা শেল-থুমগা মরি লৈনবা অৱাবশিং অদুবু কোকহন্নবগী পান্দমদা হৌদোরকপা স্কিম্নি। স্কিম অসিগী মরু ওইবা পান্দমদি মেম্বর লেন্দিং ইন্সতিত্যুশনশিং (এম.এল.আই.শিং)দা ইন্সেন্তিব অমা পীবনি, খুদম ওইনা বেঙ্কশিং, ফাইনান্সিয়েল ইন্সতিত্যুশনশিং (এফ.আই.শিং) অমসুং নন-বেঙ্কিং ফাইনান্সিয়েল কম্পনীশিং (এন.বি.এফ.সি.শিং)দা এক্সেস হেনগৎনবা অমসুং এম.এস.এম.ই. লৌরিবশিংদা অহেনবা শেন্থং ফংবা ঙমহন্নবা, কোবিদ-১৯গী চিরবা তঞ্জা অসিনা থোকহনবা শেল-থুমগী ফিভমদা অৱাবা লৈরিবশিং অসি য়েংলগা লৌরিবশিংনা জি.ই.সি.এল.গী শেন্থং শিংদোক্তবনা মরম ওইরগা মখোয়না থেংনখিবা অমাংবশিং অদুগীদমক্তা চাদা ১০০ গেরেন্তী পীখি।

স্কিম অসিগী তোপ-তোপ্পা মগুন অসিদা য়াওরিবা অদুদি -

  1. এম.এস.এম.ই. লৌবশিংগী একাউন্ততা ২৯.২.২০২০ ফাওবদা লুপা কোতি ২৫ ফাওবগী অহেনবা ক্রেদিৎ লৈবা  হায়রিবশিং অসি পীরিবা মতম অদু ফাওবদা মমাংগী দিউ নুমিৎ ৬০দগী তাবা নত্রগা মান্নবা ওইগদবনি হায়বদি রিগুলর, এস.এম.এ. ০ অমসুং এস.এম.এ. ১গী একাউন্তশিং অমসুং মসিগা লোইননা চহি অমগী তর্নোভর অদু লুপা কোতি ১০০ ফাওবা লৈবশিংনা স্কিম অসিগী মখাদা জি.ই.সি.এল.গী শেন্থংগীদমক মতিক চাই।
  2. অহেনবা ৱার্কিং কেপিতল তর্ম লোনশিং (বেঙ্কশিং অমসুং এফ.আই.শিংগী মতাংদা)গী মওংদা নত্রগা অহেনবা তর্ম লোনশিং (এন.বি.এফ.সি.শিং)গী মওংদা মতিকচাবা এম.এস.এম.ই. লৌখিবশিংনা জি.ই.সি.এল.গী শেন্থংগী শেনফম অদু ফেব্রুৱারী ২৯ ফাওবদগী লুপা কোতি ২৫ ফাওবগী মখোয়গী লেমহৌবা ক্রেদিৎ অদুগী ২০% ফাওবা ওইগনি।
  3. জি.ই.সি.এল.গী মখাদা পীখিবা শেন্থং পুম্নমক ই.সি.এল.জি.এস.কী মখাদা এম.এল.আই.শিংদা এন.সি.জি.তি.সি.না ১০০%  ক্রেদিৎ গেরেন্তি পীগনি।
  4. স্কিম অসিগী মখাদা পীবা লোন অদু শিংগৎপগী মতম অদু শেলেপ অদু শিংগৎপদা চহি অমা থেংথবা য়াবগা লোইননা চহি মরি ফাওবগী মতম পীরি।
  5. .স্কিম অসিগী মখাদা মেম্বর লেন্দিং ইন্সতিত্যুশনশিং (এম.এল.আই.শিং)দগী গেরেন্তী ফী অমত্তা লৌরোই।
  6. স্কিম অসিগী মখাদা পীরিবা শেন্দোইগী চাং অদু বেঙ্কশিং অমসুং এফ.আই.শিংগীদমক্তা ৯.২৫%দা লেপকনি অমসুং এন.বি.এফ.সি.শিংগীদমক্তা ১৪%দা লেপকনি।

চৎনহন্নবা লেপখিবা মতম:

স্কিম অসি স্কিম অদুনা লাউথোকখিবগী মতম অদুদগী ৩১.১০.২০২০ ফাওবগী মনুংদা নত্রগা জি.ই.সি.এল.গী মখাদা লুপা কোতি লাখ অহুমগী শেনফম অমা সেঙ্কশন তৌদ্রিবা ফাওবা, অনিসিগী মরক্তা অহানবা অমদা জি.ই.সি.এল.গী মখাদা সেঙ্কশন তৌখিবা লোন পুম্নমক্তা চৎনবা য়াগনি।

মসিগী কান্নবা:

স্কিম অসি কোবিদ-১৯ অমসুং মসিনা মরম ওইরগা থোরকপা লোকদাউননা মরম ওইরগা থোকহনবা অমুক্তা থোকখিদ্রিবা ফিভম অসিগী মায়োক্তা লৌখৎপা অখন্নবা থবক থৌরম্নি, মসিনা মেন্যুফেকচরিং অমসুং এম.এস.এম.ই.গী সেক্তরগী অতোপ্পা থবক থৌরমশিংদা শাথিনা শোকহনখি। ইকোনোমীদা এম.এস.এম.ই.গী সেক্তরগী মরু ওইবা থৌদাং অমসুং থবক ফংহনলিবশিং অদু য়েংলগা, লাঊথোকখ্রিবা স্কিম অসিনা সেক্তর অসিদা অতাবা মমলদা লুপা কোতি লাখ ৩ ফাওবগী অহেনবা ক্রেদিৎ পীনবা এম.এল.আই.শিংদা থৌগত্তুনা সেক্তর অসিদা খ্বাইদগী মথৌ তাবা রিলীফ অসি পীবগি থাজবা লৈ, মসিনা এম.এস.এম.ই.শিংদা মখোয়গী মথৌশিং অদু মতিকচানা পাংথোকপা অমসুং বিজনেস অদু অমুক হৌগৎপা ঙমহল্লি। হৌজিক্কী অমুক্তা থোকখিদ্রিবা থৌদোক অসিগী মনুংসিদা থবক লেপ্তনা তৌনবা এম.এস.এম.ই.শিংদা মতেং পাংদুনা, স্কিম অসিনা ইকোনোমীদা কান্নবা পুরকপা অমসুং অমুক হিংগৎহনবদা মতেং পাংগনি হায়বগী থাজবা লৈ।

****



(Release ID: 1625631) Visitor Counter : 60