স্বাস্থ্য আৰু পৰিয়াল কল্যাণ মন্ত্ৰালয় আৰু গৃহ মন্ত্ৰালয়ৰ সৈতে হোৱা আলোচনা মৰ্মে ৰে’লৱে মন্ত্ৰালয়ে ১ জুন ২০২০ তাৰিখৰ পৰা কাৰ্যকৰী হোৱাকৈ ৰে’ল সেৱা আৰম্ভ কৰাৰ সিদ্ধান্ত গ্ৰহণ কৰিছে৷

এই সেৱাৰ বাবে ভাৰতীয় ৰে’লৱে ২০০খন যাত্ৰীবাহী ৰে’ল তালিকাভুক্ত কৰিছে৷এই ৰে’লসমূহে ১/৬/২০২০ তাৰিখৰ পৰা যাত্ৰা আৰম্ভ কৰিব আৰু এই ৰে’লসমূহৰ বুকিং ২১/০৫/২০২০ তাৰিখৰ পুৱা ১০ বজাৰ পৰা আৰম্ভ হ’ব৷

এই বিশেষ ৰে’লসমূহে বিদ্যমান শ্ৰমিক ৰে’লৰ সৈতে সেৱা আগবঢ়াব৷ আনহাতে আন যাত্ৰীবাহী মেইল/এক্সপ্ৰেছ আৰু নগৰৰ উপকণ্ঠীয় সেৱাসমূহ পৰৱৰ্তী নিৰ্দেশনা জাৰি নোহোৱা পৰ্যন্ত বন্ধ থাকিব৷ সেৱা প্ৰদান কৰিবলগীয়া এই ৰে’লসমূহত এচি, নন এচি, আসনযুক্ত সাধাৰণ দবা অন্তৰ্ভুক্ত থাকিব৷ ৰে’লসমূহত অসংৰক্ষিত কোনো দবা নাথাকিব৷ সকলো যাত্ৰীকে আসনৰ সুবিধা প্ৰদান কৰা হ’ব৷

আইআৰচিটিচিৰ ৱেবছাইট আৰু ম’বাইল এপৰ জৰিয়তেহে কেৱল টিকেট বুক কৰিব পৰা যাব৷ কাউণ্টাৰত কোনো ধৰণৰ টিকেট প্ৰদান কৰা নহ’ব৷ তৎকাল আৰু প্ৰিমিয়াম তৎকাল বুকিঙৰ ব্যৱস্থা নাথাকিব৷ ৰে’লত প্ৰৱেশ কৰাৰ পূৰ্বে সকলো যাত্ৰীকে পৰীক্ষণ কৰা হ’ব আৰু কেৱল বিলক্ষণযুক্ত যাত্ৰীকহে ভ্ৰমণ কৰিবলৈ দিয়া হ’ব৷ যাত্ৰীসকলে নিজৰ ৰাজ্যত উপস্থিত হোৱাৰ পিছত তেওঁলোকে নিজ নিজ ৰাজ্যৰ স্বাস্থ্য নিৰ্দেশনাসমূহ পালন কৰিব লাগিব৷

ভাড়াত কেটাৰিং মূল্য সংযোজিত কৰা নহ’ব৷ প্ৰি-পেইড খাদ্য বুকিং, ই-কেটাৰিং সেৱা নিষ্ক্ৰিয় কৰা হ’ব৷ কিন্তু আইআৰচিটিচিয়ে সীমিত সংখ্যক পেকেজযুক্ত খোৱা পানীৰ ব্যৱস্থা কেৱল সীমিত সংখ্যক ৰে’লত য’ত পেণ্ট্ৰী কাৰ সংযোজিত আছে, তাতেহে এই সেৱা প্ৰদান কৰিব৷ যাত্ৰীসকলক নিজৰ খাদ্য নিজে লৈ আনিবলৈ পৰামৰ্শ দিয়া হৈছে৷

ৰে’লৰ ভিতৰত নাইলন, কম্বল আৰু পৰ্দা প্ৰদান কৰা নহ’ব৷ যাত্ৰীসকলক নিজৰ কাপোৰ নিজে লৈ আনিবলৈ পৰামৰ্শ দিয়া হৈছে৷ এচি দবাসমূহৰ উষ্ণতা পৰিবেশ অনুপাতে নিয়ন্ত্ৰিত কৰা হ’ব৷

সকলো যাত্ৰীয়ে আৰোগ্য সেতু এপ ডাউনলোড কৰা তথা ব্যৱহাৰ কৰাটো বাধ্যতামূলক৷

পৰিশিষ্টৰ লিংক

***

DJN/MKV/MANN