অহলশিং শেন্থোক লৈনবা অমসুং য়াইফনবা প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা মখাগী থবকশিং অসি অয়াবা পীরে:

 (১) চহি অহুমগী ওইনা মার্চ ২১, ২০২০দগী মার্চ ৩১, ২০২৩ ফাওবা প্রধান মন্ত্রী ভায়া বন্দনা য়োজনা (পি এম ভি ভি ৱাই) শাংদোকপা।

 (২) অহানবগী ওইনা ২০২০-২১দা চহিগীশেন্দোয় চাদা ৭.৪০ ওইহনবা অমসুং মতুং তারকপদা চহি খুদিংগী অমুক শেমদোকপা।

 (৩) চহিগী ওইনা শেন্দোয়গী চাং অমুক হন্না শেমদোকপা অসি শেনবা চহিগী এপ্রিল ১দগী চৎনবা হৌগনি, মসিনা সেনিয়র সিতিজন্স সেভিং স্কিম (এস সি এস এস)গী চাদা ৭.৭৫ ফাওবগী শেন্দোয়গী চাংগা মানহনবা।

 (৪) স্কিম অসিগী মখাদা শোইদনা পীগনি হায়না থাজবা পীখিবা শেন্দোয়গী চাং অমসুং এল.আই.সিনা পীরিবা শেন্দোয়গী চাং অনিগী খেন্নবা অদু কুপখৎনবা চাদিং তৌবগী অয়াবা পীবা।

 (৫) অনৌবা পোলিসিশিংগী ওইনা স্কিমগী অহানবা চহিদা স্কিমগী ফন্দশিংগী চাদা ০.৫ কেপ্পিং মেনেজমেন্তগী শীজিন্নগনি অমসুং অনিসুবা চহিদগী হৌরগা মথং চহি ৯ চুপ্না চহিদা চাদা ০.৩ শীজিন্নগনি।

 (৬) চহি খুদিংগী শেনবা চহি হৌরকপদা চহিগী পীগদবা শেমদোক্লবা শেন্দোয়গী চাং অয়াবা পীনবা শক্তি ফাইনান্স মিনিস্তরদা পীবা।

 (৭) স্কিম অসিগী অতোপ্পা তার্ম অমসুং কন্দিসনশিং অহোংবা লৈরোই। 

চহি অমদা লুপা ১২,০০০ গী পেন্সন ফংনবা খ্বাইদগী পীকপা ইনভেস্ত তৌগদবা শেনফম লুপা ১,৫৬,৬৫৮ ওইরগনি অমসুং স্কিম অসিগী মখাদা থা অমদা লুপা ১০০০ ফংনবা ইনভেস্ত তৌগদবা শেনফম্না লুপা ১,৬২,১৬২ ওইরগনি।

দরকার ওইরবা শেনফমশিং:

অহানবগী ওইনা ২০২০-২১দা স্কিম অসিগী মখাদা শোইদনা পীগনি হায়না থাজবা পীখিবা শেন্দোয়গী চাং চাদা ৭.৪০ অমসুং এল.আই.সিনা পীরিবা শেন্দোয়গী চাং অনিগী খেন্নবা অদু সরকারনা পুথোক্কনি অমসুং মতুং তারকপদা চহিগী ওইনা এস.সি.এস.এসকা মান্ননবা শেমদোক্কনি। স্কিম অসি অশীন-অরাং তৌবগী চাদিংগীদমক অনৌবা পোলিসিশিংগী ওইনা স্কিমগী অহানবা চহিদা স্কিমগী ফন্দশিংগী চাদা ০.৫ শীজিন্নগনি অমসুং অনিসুবা চহিদগী হৌরগা মথং চহি ৯ চুপ্না চহিদা চাদা ০.৩ শীজিন্নগনি। অসিগুম্বা ফিবম অসিনা শেনবা চহি ২০২৩-২৪দা লুপা ক্রোর ৮২৯ চাদিং তৌগনি হায়না পানরি। স্কিম অসিগী ওইনা সবসিদি পীথোকপা, এন্নুইতি পেমেন্তগী ওইনা চহিদা লুপা ক্রোর ৬১৪ চাদিং  তৌরবা য়ারি। শেন্দোয় পীবদা অহোবা লৈগদৌরিবা অসি অনৌবা পোলিসি মশীং, সবস্ক্রাইবরশিংনা থাদরক্লিবা শেনফমগী চাং, তশেংনা ফংলিবা শেন্দোয় অমসুং এন্নুইতি পেমেন্তগী মখা পোনগনি।

প্রধান মন্ত্রী ভায়া বন্দনা য়োজনা অসি থাদরিবা শেনফম অদুদগী শোইদনা ফংলক্কদবা শেন্দোয়দা য়ুমফম ওইবা অহলশিংদা পেন্সন পীগদবা স্কিম অমনি।

****