ফাওদোকপা/হুত্তোকপা য়াবা ফী অমা, মহৌশাগী ওইবা, অকনবা, মতম কুইনা চৎপা, পৎথ-পুমথবা, কোকফাই-শুজা অমসুং লৈনিন কাবা য়াহন্দবা য়াম্না পীকপা মহীক-মতাইশিংনা শোকহনবা লৈররোইদবা কোয়র জিও তেক্সতাইল অসি অফবা মচাক অমা ওইনা খুঙ্গংগী লম্বী শেম্বগী অয়াবা পীখ্রে।

কোয়র জিও তেক্সতাইল অসি পি.এম.জি.এস.ৱাই.- IIIগী মখাদা খুঙ্গংগী লম্বী শেম্নবগীদমক শিজিন্নরগনি হায়না ভারত সরকারগী রুরেল দিভেলপমেন্ত মন্ত্রালয়গী কেন্দ্র মন্ত্রালয়গী মখাদা লৈবা নেস্নেল রুরেল ইন্ফ্রাস্ত্রকচর দিভেলপমেন্ত এজেন্সীগা পাউ ফাওনবা অমদা হায়খ্রে।   

চাউখৎপগী মতাংদা ৱা ঙাংলদুনা, কোয়র ফাইবর শিজিন্নবা য়াবা অতোপ্পা মওংশিং অদু খংদোক্নবগী মরুমদা লৈরিবা  এম.এস.এম.ই. অমসুং রোদ ত্রান্সপোর্ত অমসুং হাইৱেজগী মন্ত্রী শ্রী নীতিন গদকরীনা হায়খি, “হৌজিক ঐখোয়য়না মায় পাক্না কোয়র জিও তেক্সতাইলবু লম্বী শেম্বগী থবক পায়হনখ্রিবা অসি অথোইবা মওংগী চাউখৎপা অমনি। মসিগী ৱারেপ অসিনা মরু ওইনা মালেম পুম্বদা কোবিদ-১৯না থোক্লিবা অরুবা মতম অসিদা কোয়রগী ইন্দস্ত্রীদা চাউনা হেনগৎহন্নবা অমা পীরগনি "। পি.এম.জি.এস.ৱাই.গী লম্বী শেম্বগী গাইদলাইনশিংগী মতুং ইন্না, থাঙ্গৎলকপা ৱাফম অসিগী বেত্চ খুদিংদা ১৫% শাংবা অসি অনৌবা তেক্নোলোজী শিজিন্নদুনা শেমগদবনি। মসিগী মনুংদগী লম্বীশিং অদুগী ৫%দি আই.আর.সি.গী থাজনিংঙাই ওইরবা তেক্নোলোজীশিং শিজিন্নদুনা শেমগদবনি। আই.আর.সি. অসি হৌজিক কোয়র জিও তেক্সতাইলস অসি খুঙ্গংগী লম্বী শেম্নবগীদমক্তা থাজখ্রে।

ইন্ননবা তাকপশিংগী মতুং ইন্না, পি.এম.জি.এস.ৱাই.- IIIগী মনুং চনবা ৫% শাংবা খুঙ্গংগী লম্বী অসি কোয়র তেক্সতাইলস শিজিন্নদুনা শেমগনি।

ৱারোলগী মতুং ইন্না, অন্ধ্র প্রদেশতা কি.মি. ১৬৪, গুজরাত্তা কি.মি.১৫১, কেরলাদা কি.মি.৭১, মহারাস্ত্রদা কি.মি. ৩২৮, ওরিশাদা কি.মি. ৪৭০, তমিল নাদুদা কি.মি. ৩৬৯ অমসুং তেলঙ্গনাদা কি.মি.১২১ শাংবা লম্বী অসি কোয়র তেক্সতাইলসনা শেমগনি। অসুম্না স্ক্বার মীতর ক্রোর অমা চংগদবা চাউরাক্না মমল লুপা ক্রোর ৭০ ওইগদবা রাজ্য ৭কী  কি.মি.১৬৭৪ শাংবা লম্বী অসি কোয়র তেক্সতাইলস শিজিন্নদুনা শেমগনি।

ৱারেপ অসিনা লৈবাক অসিদা কোয়র তেক্সতাইলসকী অচৌবা মার্কেৎকী ওইরক্কদবা অমা হাংদোকখ্রে অমসুং কোবিদ-১৯ গী চৈনা ফংলবা কোয়র ইন্দস্ত্রীদা থৌজাল অমা ওইরগনি।  

****