য়ুনিয়ন ফাইনান্স অমসুং কোর্পোরেৎ এফেয়র্সকী মন্ত্রী শ্রীমতী নির্মলা সিতারমন্না মহৈ-মশিংগী সেক্তরদা চাউখৎপা হেনগৎহন্নবা মখল কয়াগী থৌরাংশিং মেগী তাং ১৭তা ন্যু দিল্লীদা লাওথোকখ্রে। হ্যুমেন কেপিতেলদা শেল থাদবা হায়বসি জাতি অসিদা ওইহন্নিংবা কয়া ওইহন্নবা অমসুং খুঞ্জাও লৈচাউবা হেনগৎহন্নবা শেল থাদবগা মান্নৈ হায়না মহাক্না ফোংদোকখি। 

মালেমপুম্বদা থোক্লিবা হৌজিক ওইরিবা ফীভম অসিনা ঐখোয়গী মহৈ-মশিংগী সিস্তেম অসিদা শিংনবা কয়া অমসুং খুদোংচাবা কয়া পীরি। মহৈ-শিংগী সেক্তরনা মসিগী খুদোংচাবা অসি মখল কয়াগী মরক্তা লৈরগা পাংথোকপা থবকশিং, অকক্ননা অনৌবা হৌদোকপা করিকুলম অমসুং পেদাগোজীশিং, খেৎননা লৈরিবা মফমশিংদা পাঙ্গল-থৌনা চিংশিন্দুনা তাঙ্কক খুদিংদা তেক্নোলোজী হাপচিন্দুনা তেক্নোলোজীদা অমত্তা পুনশিল্লক্লগা অনৌবা যুগ অমা হৌদোক্নবা হ্যুমেন কেপিতেলদা শেল থাদরগনি হায়না মন্ত্রীনা শিংথানীংঙাই ওইবা মওংদা হায়খি।

মহৈ-মশিংগী থাক পুম্নমক মহৈরোই খুদিংমক্তা চপ মান্ননা তমহন্নবা অমসুং  মালেমসিগী মফমশিংদা, লৈবাক অসিগী খ্বাইদগী লাপ্পা শরুকশিংদফাওবা শোয়দনা মহৈ মহৈ-মশিং তম্বা ফংহনগনি হায়রদুনা শেল-থুমগী মন্ত্রীনা মখা তানা ফোংদোকখি।   

মহৈ-মশিংগী সেক্তরদা মাংজিল থানা পায়খৎকদবা ওইবা মীৎয়েং থম্বীবগীদমক্তা হ্যুমেন রিসোর্স দিভেলপমেন্তকী মন্ত্রী ‘শ্রী রমেশ পোখ্রিয়াল নিশঙ্ক’না প্রধান মন্ত্রী নরেন্দ্র মোদীবু থাগৎপা ফোংদোকখি। পায়খৎলিবা থবকশিং অমদি মহাক্না কেন্দ্রগী শেল-থুম মন্ত্রীবু থাগৎপা ফোংদোকখি অমদি মখোয়শিং অসিনা মহৈ-মশিংগী সেক্তর অসি হোংদোক্তুনা লৈবাক অসিগী মহৈরোয়শিংদা মপুং ফানা চাউখৎপা ক্কনি হায়না থাজবগী ৱাফম ফোংদোকখি।