ರಕ್ಷಣಾ ಸಚಿವಾಲಯ
ಒಪಿ ಸಮುದ್ರ ಸೇತು ಹಂತ 2 - ಮಾಲ್ಡೀವ್ ನಿಂದ 588 ಭಾರತೀಯರನ್ನು ಹೊತ್ತು ಐ.ಎನ್.ಎಸ್. ಜಲಶ್ವಾ ಕರೆತಂದಿದೆ
Posted On:
17 MAY 2020 4:14PM by PIB Bengaluru
ಒಪಿ ಸಮುದ್ರ ಸೇತು ಹಂತ 2 - ಮಾಲ್ಡೀವ್ ನಿಂದ 588 ಭಾರತೀಯರನ್ನು ಹೊತ್ತು ಐ.ಎನ್.ಎಸ್. ಜಲಶ್ವಾ ಕರೆತಂದಿದೆ
ಮಾಲ್ಡೀವ್ಸ್‌ ನ ಮಾಲೆಯಿಂದ ಭಾರತೀಯರನ್ನು ಮರಳಿ ಕರೆತರಲು ಒಪಿ ಸಮುದ್ರ ಸೇತುಗೆ ನಿಯೋಜಿಸಲಾಗಿರುವ ಐ.ಎನ್.ಎಸ್ ಜಲಶ್ವಾ ಇಂದು ಬೆಳಿಗ್ಗೆ ಕೊಚಿನ್ ಬಂದರನ್ನು ಪ್ರವೇಶಿಸಿ ತನ್ನ ಎರಡನೇ ಸಮುದ್ರಯಾನವನ್ನು ಮುಕ್ತಾಯಗೊಳಿಸಿತು. ಕೊಚಿನ್ ಪೋರ್ಟ್ ಟ್ರಸ್ಟ್ ನ ಸಮುದ್ರಿಕಾ ಕ್ರೂಸ್ ಟರ್ಮಿನಲ್‌ ನಲ್ಲಿ ಹಡಗು ತನ್ನಲ್ಲಿದ್ದ 70 ಮಹಿಳೆಯರು (06 ಗರ್ಭಿಣಿಯರು /ನಿರೀಕ್ಷಿತ ತಾಯಂದಿರು) ಮತ್ತು 21 ಮಕ್ಕಳು ಸೇರಿದಂತೆ ಒಟ್ಟು 588 ಭಾರತೀಯ ನಾಗರಿಕರನ್ನು ಇಳಿಸಿ ಭಾರತದ ನಲೆಯಲ್ಲಿ ಸೇರಿಸಿತು . 
ಐ.ಎನ್.ಎಸ್ ಜಲಶ್ವಾ ನೌಕೆಯು ಬೆಳಿಗ್ಗೆ 11: 30 ಕ್ಕೆ ಕೊಚ್ಚಿನ್ ಪೋರ್ಟ್ ಟ್ರಸ್ಟ್ ನಲ್ಲಿ ನೆಲೆಯೂರಿತು ಮತ್ತು ಇದನ್ನು ಭಾರತೀಯ ನೌಕಾಪಡೆ, ರಾಜ್ಯ ಸರ್ಕಾರ, ಜಿಲ್ಲಾಡಳಿತ ಮತ್ತು ಪೋರ್ಟ್ ಟ್ರಸ್ಟ್ ನ ಸಿಬ್ಬಂದಿಗಳು ಸ್ವೀಕರಿಸಿದರು. ಕೋವಿಡ್ ತಪಾಸಣೆ, ಕ್ವಾರೈಂಟೈನ್ ಮತ್ತು ವಲಸೆ ಕಾರ್ಯವಿಧಾನಗಳನ್ನು ಸುವ್ಯವಸ್ಥಿತಗೊಳಿಸಲು ಬಂದರು ಅಧಿಕಾರಿಗಳು ಮತ್ತು ನಾಗರಿಕ ಆಡಳಿತವು ಸ್ಥಳಾಂತರಿಸಿದ ಭಾರತೀಯ ಪ್ರಜೆಗಳಿಗೆ ಆಯಾ ಜಿಲ್ಲೆಗಳಿಗೆ / ರಾಜ್ಯಗಳಿಗೆ ಸಾಗಾಟಕ್ಕಾಗಿ ಹೆಚ್ಚಿನ ಸಾರಿಗೆ ವ್ಯವಸ್ಥೆಗಳನ್ನು ಮಾಡಲಾಗಿತ್ತು.
ವಿದೇಶಿ ತೀರದಿಂದ ಭಾರತೀಯ ನಾಗರಿಕರನ್ನು ಹಿಂದಿರುಗಿಸಿ ಕರೆತರಲು ಅನುಕೂಲವಾಗುವಂತೆ ಭಾರತ ಸರ್ಕಾರದ ಪ್ರಯತ್ನಗಳ ಭಾಗವಾಗಿ ಐ.ಎನ್.ಎಸ್ ಜಲಶ್ವಾ ನೌಕೆ ಮೇ 15, 2020 ರಂದು ಮಾಲ್ಡೀವ್ಸ್‌ ನ ಮಾಲೆಯಿಂದ ಭಾರತೀಯ ನಾಗರಿಕರನ್ನು ಹೊತ್ತು ಭಾರತದತ್ತ ಸಾಗಬೇಕಿತ್ತು, ಆದರೆ, ಭಾರೀ ಮಳೆ ಮತ್ತು ಬಲವಾದ ಗಾಳಿಯೊಂದಿಗೆ ಹವಾಮಾನ ವೈಪರೀತ್ಯದಿಂದಾಗಿ ನಿಗದಿತ ಮೇ 15,2020ರ ಹಡಗಿನ ನಿರ್ಗಮನವು ವಿಳಂಬವಾಯಿತು, ಮತ್ತು ಹಡಗು ಮೇ 16 ,2020 ರಂದು ಮಾಲ್ಡೀವ್ಸ್‌ ನ ಮಾಲೆಯಿಂದ ಹೊರಟಿತು.
***
(Release ID: 1624792)
Visitor Counter : 216
Read this release in:
English
,
Urdu
,
Hindi
,
Marathi
,
Manipuri
,
Bengali
,
Punjabi
,
Odia
,
Tamil
,
Telugu
,
Malayalam