সি.এস.আই.আর.- সেন্ত্রেল মেআনিকেল ইঞ্জিনীয়রিং রিসর্চ ইন্সতিত্যুৎ (সি.এম.আর.আই.), দুর্গাপুরদা লৈবা সাইন্তিস্তশিংনা মোবাইল ইন্দোর দিসইনফেক্সন স্প্রেয়রগি য়ুনিৎ অনি পুথোকখ্রে। মসিগী য়িনিৎশিং অসিনা মরু ওইনা হোসপিতালশিংদা নীংথিজনা শেংদোকপা অমসুং পেথোজেনিক মাইক্রো-ওর্গানিজম দিসইনফেক্ত তৌবগীদমক্তা শিজিন্নবা য়াগনি।

বেতরী পাৱর্দ দিসইনফেক্তেন্ত স্প্রেয়র (বি.পি.দি.এস.) অমসুং ন্যুমেতিকেল্লী ওপরেতেদ মোবাইল ইন্দোর দিসইনফেক্সন (পি.ও.এম.আই.দি.) হায়না কৌবা য়ুনিৎশিং অসিনা তোইনা শোক্না-শম্নবা লৈমাইশিং খুদম ওইনা তেবলশিং, দোনোবশিং, লাইৎ স্বিচশিং, কাউন্তরতোপশিং, হেন্দলশিং, দেস্কশিং, ফোনশিং, কীবোর্দশিং, তোইলেৎশিং,ফোসেৎশিং, সিঙ্কশিং, অমসুং কার্দবোর্দশিং শেংদোকপদা অমসুং দিসইনফেক্ত তৌবদা শিজিন্নবা য়াগনি।

বি.পি.দি.এস. অমসুং পি.ও.এম.আই.দি. ণিমক্তা য়াওরিবা স্প্রেয়র সীস্তেমশিং অসি  মখা অমসুং মথক্কী থাকশিংদা হাপ্লিবা লেংদবা অমসুং লেংথোক-লেংশিন য়াবা নোজলশিং অদুনা মনুংদা লৈবা মফমশিং অদুবু শেংদোকপা অমসুং দিসইনফেক্ত  তৌনবা তাঙ্কক অনি থোকপা স্প্রেয়িং য়ুনিৎশিং অমসুং তোঙানবা তেঙ্কশিংগা লোইননা দিজাইন তৌখি। মসি  অকনবা থবকশিংদা শিজিন্নবা অমসুং য়াম্লবা মফমশিংদা শিজিন্নবা য়ানবা ইন্দস্ত্রীশিংগীদমক্তা ওইবা দিসইনফেক্তেন্ত স্প্রেয়রগী মখলসু লৈ।

পি.ও.এম.আই.দি. মোবাইল ইন্দোর দিসইনফেক্তেন্ত য়ুনিৎ অসি কাংখোং চকা মরিগী মথক্তা স্তীল ফ্রেমশিং হাপ্তুনা শেমখি। সীস্তেম অসিদা কমপ্রেসরশিং, পাইপিং অমসুং ফিত্তিংশিং অমসুং কামথোক্নবা নোজলশিং য়াওরি। লেংথোক –লেংশিন তৌবা য়াবা খুৎনা পাইবা স্পরে আর্ম অসি মথৌ তাবগী মতুং ইন্না মাইকৈ অমহেক্তদা শিজিন্নবা য়াগনি। পি.ও.এম.আই.দি.তা অমমম্না লিতর ১০ চনবা তেঙ্ক অনি য়াওরি। বি.পি.এস.দি. য়ুনিৎ অসি  নোজল অনি পানবা স্প্রে সীস্তেম অমসুং তিংথোকপা য়াবা মখুৎ পানবা য়ুনিৎকা লোইননা মরি য়াওদবা মেছিন্নি। মসিদা লিতর ২০ হাপ্পা য়াই অমসুং অমুক্তং চার্জ তৌখিবদা বেতরী বেক-অপ পুং ৪গী পী। সীস্তেম অসিগী অপুনবা অরুম্বা অসি কে.জি. ২৫নি (অহাংবা তেঙ্কতা)।

“মার্কেত্তা য়াম্না ফংলিবা দিসইনফেক্তেন্ত স্প্রেয়র অয়াম্বনা শেংদোক্নবগী নত্রগা দিসইনফেক্ত তৌনবগীদমক্তা মহিগী কা অমখক্তং শিজিন্নৈঅমসুং মসি পমপ শিজিন্নদুনা পাংথোকই। পমপ স্প্রেয়রঅদুনা পুথোক্লিবা মহিগী মরিক অদু য়াম্না চাউই অমসুং লৈমাইগী কোনবগী চাং অদুসু হন্থৈ। অদুবু সি.এস.আই.আর.-সি.এম.ই.আর.আই.না পুথোকপা ইন্দোর স্প্রেয়র সীস্তেম অসিদা দিসইনফেক্তেন্তশিংগী অমসুং শেংদোক্নবগী ওইবা হাপ্নবগী কা অনি য়াওই অমসুং নোজলগী দিজাইন হেন্না ফবা , নোজলশিং হেন্না ফবা মওংদা হাপ্পা অমসুং মরিক্কী চাউবগী চাং হন্থৈ। মরম অদুনা কামথোকখ্রিবা দিসইনফেক্তেন্ত অদুনা অখন্নবা মহিগী ভোল্যুম্না লৈমাইগী মফম য়াম্না হেন্না য়ৌবা ঙম্মি।”, হায়না সি.এস.আই.আর.-সি.এম.ই.আর.আই.গী দাইরেক্তর প্রোফেসর হরিশ হিরানিনা হায়খি।

“পার্তিকলদুগী সাইজ অমসুং দিসইনফেক্তেন্তদুগী মসিং, অনিসিনা চাইরিবা দিসইনফেক্তেন্ত অদুগী কান্নবা য়েংবগী পেরামিতরনি। সি.এস.আই.আর.-সি.এম.ই.আর.আই.না ভাইরস অসি শন্দোকপা লেপহনন্নবা মতিক লৈবা অমসুং কান্নবা তেক্নোলোজী পুথোক্নবা লেপ্তনা হোৎনরি। দিভাইস অসি শেম্বগী মথংগী থাক অদুদি দিসইনফেক্তেন্তশিং অমসুং শেংদক্নবা স্প্রেশিং অসি ৩৬০-দিগ্রীদা য়ৌবা ঙম্নবাঅমসুং মসিগা লোইননা স্কুল অমসুং য়ুমশিংদা শিজন্ননা য়ানবা খরা পিকপা অমসুংমশা মতোমতা মথৌ তৌবা ঙম্বা ওইনা শেমগনি" হায়না প্রো. হিরানিনা মখা তারকখি।

হায়রিবা মসিগী স্প্রেয়রশিং অসিদা তকথোক্নবগী ফীচরশিংগা লোইননা কাচিন-কোয়া, মিৎনা ঊবা ফংদবা মফমশিং য়ৌবা য়াবা অমসুং নীংথিনা শেংদোক্নবা তিংথোকপা য়াবা মখুৎশিং য়াওরি।ভাইরসশিং অসিনা মতমপুম্বদা লৈবা ওইবনা অমসুং চহি খুদিংগী মালেম শিনবথুংনা  অসিগুম্বা থৌদোকশিং অসি  থোক্তুনা লৈবনা মরম ওইরগাকোবিদ-১৯ লোইখ্রবা মতুংদসু তেক্নোলোজী অসিগী কানবা লৈখিগনি ।  মরম অদুনা, দা. হিরানিনা লু-নানবা অমসুং হেল্থকেয়র দিভাইসশিং অসিগী ৱাখল খল্ললগা লৈবাক অসিগী এম.এস.এম.ই.শিংদা থোরক্তুনা অমসুং তেক্নোলজী অসিদা সেল থাদনবগীদমক হায়খি। বি.পি.দি.এস.কী তেক্নোলোজী অসিগী কোমর্সিয়েলাইজেসন তৌনবা নুমিৎ অদুমক্তদা  পাৱর তেক প্রাইভেত লিমিতেদতা খুৎশিন্নখি।

****