ಕೋವಿಡ್-19 ಎದುರಿಸಲು ವಿಜ್ಞಾನಿಗಳಿಂದ ಸಂಚಾರಿ ಒಳಾಂಗಣ ಸೋಂಕು ನಿವಾರಕ ಸಿಂಪಡಣಾಯಂತ್ರ ಅಭಿವೃದ್ಧಿ

ಈ ಸಿಂಪಡಣಾಯಂತ್ರಗಳು ಧೂಳು ತೆಗೆಯುವ ಅಂಶಗಳು ಮತ್ತು ವಿಸ್ತರಿಸಬಹುದಾದ ತೋಳನ್ನು ಹೊಂದಿದ್ದು, ಅದು ಗುಪ್ತ ಪ್ರದೇಶಗಳನ್ನು ತಲುಪಿ ಸಮಗ್ರವಾಗಿ ಶುಚಿಗೊಳಿಸಲು ನೆರವಾಗುತ್ತವೆ

ಸದ್ಯದ ಕೋವಿಡ್-19 ಬಿಕ್ಕಟ್ಟಿನ ನಂತರವೂ ಈ ತಂತ್ರಜ್ಞಾನ ಪ್ರಸ್ತುತವಾಗಲಿದೆ

ದುರ್ಗಾಪುರದ ಸಿಎಸ್ ಐ ಆರ್ – ಕೇಂದ್ರೀಯ ಮೆಕ್ಯಾನಿಕಲ್ ಇಂಜಿನಿಯರಿಂಗ್ ಸಂಶೋಧನಾ ಸಂಸ್ಥೆ (ಸಿಎಂಇಆರ್ ಐ) ವಿಜ್ಞಾನಿಗಳು ಎರಡು ಸಂಚಾರಿ ಒಳಾಂಗಣ ಸೋಂಕು ನಿವಾರಕಾ ಸಿಂಪಡಣಾ ಯಂತ್ರಗಳ (ಸ್ಪ್ರೇಯರ್) ಘಟಕಗಳನ್ನು ಅಭಿವೃದ್ಧಿಪಡಿಸಿದ್ದಾರೆ. ಈ ಘಟಕಗಳನ್ನು ಶುಚಿಗೊಳಿಸಲು ಮತ್ತು ವೈರಾಣುಗಳ ವಿರುದ್ಧ ಸೋಂಕು ನಿವಾರಣೆಗೆ ವಿಶೇಷವಾಗಿ ಆಸ್ಪತ್ರೆಗಳಲ್ಲಿ ಪರಿಣಾಮಕಾರಿಯಾಗಿ ಬಳಸಬಹುದು.

ಬ್ಯಾಟರಿ ಆಧಾರಿತ ಸೋಂಕು ನಿವಾರಕಾ ಸಿಂಪಡಣಾ ಯಂತ್ರ (ಬಿಪಿಡಿಎಸ್) ಮತ್ತು ನ್ಯುಮ್ಯಾಟಿಕಲ್ ಆಪರೇಟೆಡ್ ಮೊಬೈಲ್ ಇಂಡೋರ್ ಡಿಸ್ಇನ್ಫೆಕ್ಷನ್(ಪಿಒಎಂಐಡಿ) ಎಂದು ಈ ಘಟಕಗಳನ್ನು ಕರೆಯಲಾಗುತ್ತಿದ್ದು, ಇವುಗಳನ್ನು ಪದೇ ಪದೇ ಬಳಸಬಹುದಾದಂತಹ ನೆಲದ ಮೇಲೆ ಸೋಂಕು ನಿವಾರಕಗೊಳಿಸಲು ಮತ್ತು ಶುಚಿಗೊಳಿಸಲು ಉಪಯೋಗಿಸಬಹುದು ಹಾಗೂ ಟೇಬಲ್, ಡೋರ್ ನಾಬ್ಸ್, ದೀಪದ ಸ್ವಿಚ್ಚುಗಳು, ಕೌಂಟರ್ ಟಾಪ್ ಗಳು, ಹ್ಯಾಂಡಲ್, ಡೆಸ್ಕ್, ಫೋನ್, ಕೀಬೋರ್ಡ್, ಶೌಚಾಲಯ, ನಲ್ಲಿಗಳು, ಸಿಂಕ್ ಮತ್ತು ಕಾರ್ಡ್ ಬೋರ್ಡ್ ಗಳನ್ನು ಶುಚಿ ಮತ್ತು ಸೋಂಕು ನಿವಾರಣೆ ಸಿಂಪಡಿಸಬಹುದಾಗಿದೆ. ಈ ಸೋಂಕು ನಿವಾರಕ ಘಟಕಗಳನ್ನು ನಿರಂತರವಾಗಿ ಬಳಕೆ ಮಾಡಬಹುದಾಗಿದ್ದು, ಇದರಿಂದ ಸೋಂಕಿತ ವ್ಯಕ್ತಿ ಏನಾದರು ಬಂದು ಇವುಗಳನ್ನು ಮುಟ್ಟಿದ್ದರೆ ಅಂತಹ ಸಂದರ್ಭಗಳಲ್ಲಿ ಕೊರೊನಾ ಸೋಂಕು ಜನರಿಗೆ ಹರಡುವ ಅಪಾಯವನ್ನು ತಗ್ಗಿಸುತ್ತದೆ.

ಬಿಪಿಡಿಎಸ್ ಮತ್ತು ಪಿಒಎಂಐಡಿ ಎರಡು ಸಿಂಪಡಣಾ ವ್ಯವಸ್ಥೆಗಳನ್ನು ಎರಡು ಹಂತಗಳ ಸಿಂಪಡಣಾ ಘಟಕಗಳನ್ನಾಗಿ ವಿನ್ಯಾಸಗೊಳಿಸಲಾಗಿದ್ದು, ಪ್ರತ್ಯೇಕ ಟ್ಯಾಂಕ್ ಗಳನ್ನು ಹೊಂದಿದ್ದು, ಒಳಾಂಗಣದಲ್ಲಿ ಶುಚಿಗೊಳಿಸಲು ಹಾಗೂ ಸೋಂಕು ನಿವಾರಕ ಸಿಂಪಡಿಸಲು ನೆರವಾಗಲಿದೆ. ಕೆಳ ಹಾಗೂ ಮೇಲ್ಭಾಗದ ಸರಳವಾದ ನಾಝಲ್ ಸೆಟ್ ಗಳಿಂದ ಅವುಗಳು ಕಾರ್ಯನಿರ್ವಹಿಸಲಿವೆ ಅಲ್ಲದೆ ದೊಡ್ಡ ಪ್ರದೇಶಗಳಲ್ಲಿ ಮತ್ತು ಭಾರೀ ಪ್ರಮಾಣದ ಬಳಕೆಗೆ ಸೋಂಕು ನಿವಾರಕ ಸ್ಪ್ರೇಯರ್ ನ ಕೈಗಾರಿಕಾ -------- ಕೂಡ ಇದೆ.

ಪಿಒಎಂಐಡಿ ಸಂಚಾರಿ ಒಳಾಂಗಣ ಸೋಂಕು ನಿವಾರಕ ಘಟಕವನ್ನು ಉಕ್ಕಿನ ಸರಳುಗಳನ್ನು ಮೌಂಟ್ ಮಾಡಿ, ನಾಲ್ಕು ಚಕ್ರಗಳ ಮೇಲೆ ಸಿದ್ಧಪಡಿಸಲಾಗಿದೆ. ಈ ವ್ಯವಸ್ಥೆಯಲ್ಲಿ ಕಂಪ್ರಸರ್ ಗಳು, ಪೈಪಿಂಗ್ ಮತ್ತು ಫಿಟ್ಟಿಂಗ್ ಹಾಗೂ ಸಿಂಪಡಣಾ ನಳಿಕೆಗಳು( ಸ್ಪ್ರೇ ನಾಝಲ್) ಗಳಿರುತ್ತವೆ. ಕೈಯಿಂದ ಹಿಡಿದುಕೊಳ್ಳಬಹುದಾದ ಸುಲಭವಾಗಿ ತಿರುಗುವ ಸಿಂಪಡಣಾ ತೋಳನ್ನು ಅಗತ್ಯಕ್ಕೆ ತಕ್ಕಂತೆ ಯಾವುದೇ ದಿಕ್ಕಿನಲ್ಲಿ ಬಳಸಬಹುದು. ಪೊಮಿಡ್ ಘಟಕದಲ್ಲಿ ಎರಡು ಸಂಗ್ರಹ ಟ್ಯಾಂಕ್ ಗಳಿದ್ದು, ಎರಡು ತಲಾ 10 ಲೀಟರ್ ಸಾಮರ್ಥ್ಯವನ್ನು ಹೊಂದಿವೆ. ಬಿಪಿಡಿಎಸ್ ಘಟಕ, ಕಾರ್ಡ್ ಲೆಸ್ ಮಿಷನ್ ಜೊತೆ ಎರಡು ನಳಿಕೆ ಸಿಂಪಡಣಾ ವ್ಯವಸ್ಥೆಗಳನ್ನು ಹೊಂದಿದ್ದು ಮತ್ತು ವಿಸ್ತರಿಸಬಹುದಾದ ತೋಳಿನ ಸಿಂಪಡಣಾ ಘಟಕವನ್ನು ಹೊಂದಿದೆ. ಇದು 20 ಲೀಟರ್ ಸಂಗ್ರಹ ಸಾಮರ್ಥ್ಯ ಹೊಂದಿದ್ದು, ಒಮ್ಮೆ ಚಾರ್ಜ್ ಮಾಡಿದರೆ ನಾಲ್ಕು ಗಂಟೆಗಳು ನಿರಂತರವಾಗಿ ಕಾರ್ಯನಿರ್ವಹಿಸಲಿವೆ. ಈ ವ್ಯವಸ್ಥೆಯ ಒಟ್ಟು ತೂಕ 25 ಕೆ.ಜಿ.(ಖಾಲಿ ಟ್ಯಾಂಕ್).

“ಮಾರುಕಟ್ಟೆಯಲ್ಲಿ ಲಭ್ಯವಿರುವ ಬಹುತೇಕ ಸೋಂಕು ನಿವಾರಣಾ ಸಿಂಪಡಣಾ ಯಂತ್ರಗಳು ಒಂದು ಶುಚಿಗೊಳಿಸವುದು ಅಥವಾ ಸೋಂಕು ನಿವಾರಿಸುವುದಾಗಿದ್ದು, ಅವುಗಳಲ್ಲಿ ದ್ರವವನ್ನು ಸಂಗ್ರಹಿಸಲು ಒಂದೇ ಛೇಂಬರ್ ಇರುತ್ತದೆ, ಅವುಗಳೆಲ್ಲಾ ಪಂಪ್ ಆಧಾರಿತವಾಗಿದೆ. ಪಂಪ್ ಸ್ಪ್ರೇಯರ್ ನಿಂದ ಹೊರಬರುವ ಹನಿಗಳು ಗಾತ್ರದಲ್ಲಿ ದೊಡ್ಡದಾಗಿರುತ್ತವೆ ಮತ್ತು ನೆಲದ ಮೇಲೆ ಅವುಗಳ ಪರಿಣಾಮ ಕಡಿಮೆಯಾಗಿರುತ್ತದೆ. ಆದರೆ ಸಿಎಸ್ ಐಆರ್ – ಸಿಎಂಇಆರ್ ಐ ಅಭಿವೃದ್ಧಿಪಡಿಸಿರುವ ಒಳಾಂಗಣ ಸಿಂಪಡಣಾ ವ್ಯವಸ್ಥೆಯಲ್ಲಿ ಶೇಖರಣೆಗೆ ಎರಡು ಛೇಂಬರ್ ಗಳಿರುತ್ತವೆ ಮತ್ತು ಸೋಂಕು ನಿವಾರಕ ಹಾಗೂ ಶುಚಿಗೊಳಿಸುವ ಎರಡು ಕಾರ್ಯಗಳನ್ನು ಮಾಡಲಿವೆ. ಅವುಗಳ ನಳಿಕೆ(ನಾಝೆಲ್) ವಿನ್ಯಾಸ ಉತ್ತಮವಾಗಿದೆ.ನಳಿಕೆ ವ್ಯವಸ್ಥೆ ಉತ್ತಮವಾಗಿದೆ ಮತ್ತು ಹನಿಗಳ ಗಾತ್ರ ಚಿಕ್ಕದಾಗಿರುತ್ತದೆ. ಹಾಗಾಗಿ ನಿರ್ದಿಷ್ಟ ದ್ರವದ ಗಾತ್ರದೊಂದಿಗೆ ಹೆಚ್ಚಿನ ಪ್ರದೇಶವನ್ನು ಈ ಸೋಂಕು ನಿವಾರಕ ಸಿಂಪಡಣಾ ಯಂತ್ರದಿಂದ ತಲುಪಲು ಸಾಧ್ಯ” ಎಂದು ಸಿಎಸ್ ಐಆರ್ – ಸಿಎಂಇಆರ್ ಐನ ನಿರ್ದೇಶಕ ಪ್ರೊ. ಹರೀಶ್ ಹಿರಾನಿ ತಿಳಿಸಿದ್ದಾರೆ.

“ಸೋಂಕು ನಿವಾರಕದ ಕಣಗಳ ಗಾತ್ರ ಮತ್ತು ಸಂಖ್ಯೆ ಎರಡೂ ಕೂಡ ಪ್ರಮುಖ ಮಾನದಂಡಗಳಾಗಿದ್ದು, ಅವುಗಳು ಸೋಂಕು ನಿವಾರಕ ಸಿಂಪಡಣೆಯ ಪರಿಣಾಮವನ್ನು ನಿರ್ಧರಿಸುತ್ತವೆ. ಕೋವಿಡ್-19 ಹರಡದಂತೆ ತಡೆಯುವ ಪರಿಣಾಮಕಾರಿ ತಂತ್ರಜ್ಞಾನ ಅಭಿವೃದ್ಧಿಗೆ ಸಿಎಸ್ ಐಆರ್ – ಸಿಎಂಇಆರ್ ಐ ನಿರಂತರವಾಗಿ ಗಮನಹರಿಸುತ್ತಿದೆ. ಮುಂದಿನ ಹಂತದಲ್ಲಿ 360 ಡಿಗ್ರಿ ವ್ಯಾಪ್ತಿಯ ಸೋಂಕು ನಿವಾರಕಯಂತ್ರ ಅಭಿವೃದ್ಧಿಗೊಳಿಸುವ ಗುರಿ ಹೊಂದಲಾಗಿದೆ. ಅವುಗಳನ್ನು ಶುಚಿಗೊಳಿಸುವ ಸಿಂಪಡಣಾ ಯಂತ್ರಗಳನ್ನಾಗಿ ರೂಪಿಸಿ, ಅವುಗಳನ್ನು ಶಾಲೆಗಳಲ್ಲಿ ಮತ್ತು ಮನೆಗಳಲ್ಲಿ ಬಳಕೆ ಮಾಡಬಹುದಾಗಿದೆ” ಪ್ರೊ. ಹರೀಶ್ ಹಿರಾನಿ ಹೇಳಿದರು.

ಈ ಸಿಂಪಡಣಾ ಯಂತ್ರಗಳು ಸ್ವಚ್ಛಗೊಳಿಸಬಹುದಾದ ಅಂಶಗಳು ಹಾಗೂ ವಿಸ್ತರಿಸಬಹುದಾದ ತೋಳನ್ನು ಹೊಂದಿರಲಿದ್ದು, ಅವು ಗುಪ್ತ ಪ್ರದೇಶಗಳಿಗೆ ಸುಲಭವಾಗಿ ತಲುಪಲಿದೆ ಮತ್ತು ಸಮಗ್ರವಾಗಿ ಶುಚಿಗೊಳಿಸಲಿದೆ. ಸದ್ಯದ ಕೋವಿಡ್-19 ಬಿಕ್ಕಟ್ಟಿನ ನಂತರವೂ ಈ ತಂತ್ರಜ್ಞಾನದ ಪ್ರಸ್ತುತತೆ ಇರುತ್ತದೆ. ಏಕೆಂದರೆ ವೈರಾಣುಗಳು ಮುಂದುವರಿಯಲಿದ್ದು, ಜ್ವರದಂತಹ ಹಲವು ಬಗೆಯ ಪ್ರಕರಣಗಳು ಜಾಗತಿಕವಾಗಿ ಪ್ರತಿ ವರ್ಷ ಹರಡುವ ಸಾಧ್ಯತೆಗಳಿರುತ್ತವೆ. ಆದ್ದರಿಂದ ಪ್ರೊ. ಹರೀಶ್ ಹಿರಾನಿ ಅವರು, ಈ ತಂತ್ರಜ್ಞಾನದಲ್ಲಿ ಹೂಡಿಕೆ ಮಾಡಲು ಮುಂದಾಗುವಂತೆ ದೇಶದ ಎಂಎಸ್ಎಂಇಗಳಿಗೆ ಕರೆ ನೀಡಿದರು ಹಾಗೂ ಭವಿಷ್ಯದಲ್ಲಿ ಶುಚಿತ್ವ ಮತ್ತು ಆರೋಗ್ಯ ರಕ್ಷಣಾ ಉಪಕರಣಗಳ ಬೇಡಿಕೆಯನ್ನು ಗಮನದಲ್ಲಿರಿಸಿಕೊಳ್ಳಬೇಕು ಎಂದರು. ಬಿಪಿಡಿಎಸ್ ನ ತಂತ್ರಜ್ಞಾನವನ್ನು ಪವರ್ ಟೆಕ್ ಮೈನಿಂಗ್ ಪ್ರೈವೇಟ್ ಲಿಮಿಟೆಡ್ ಗೆ ವಾಣಿಜ್ಯ ಉದ್ದೇಶಕ್ಕಾಗಿ ಅದೇ ದಿನ ವರ್ಗಾಯಿಸಲಾಗಿದೆ.

***