PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
15 MAY 2020 6:36PM by PIB Imphal
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
- কোবিদ-১৯গী মতাংদা জি.ও.এম.না লাইচৎকী লালোং অমসুং থৌরাংশিংগী মতাংদা খন্ন-নৈনখ্রে।
- কোবিদ-১৯ পেজিতিব কেসকী মশিং অসি ৮১,৯৭০ য়ৌখ্রে, ২,৬৪৮না শিখ্রে। হৌজিক ফাওভদা মীওই ২৭,৯২০ ফখ্রে, ফবগী চাং ৩৪.০৬% ওইরে।
- দব্লিংগী চাং অসি লোকদাউন মমাংদা নুমিৎ ৩.৪ ওইরম্বদগী হৌখিবা চয়োলদা নুমিৎ ১২.৯ ওইদুনা ফগৎলে।
- শেল-থুম মন্ত্রীনা কোবিদ-১৯গা মায়োক্নবদা আত্মনির্ভর ভারতকী মখাদা ভারতকী শেনমিৎলোন্দা মতেং পাংনবা ৩শুবা তাঙ্কক লাওথোকখ্রে।
- কোবিদ-১৯গী রিলিফকী পাম্বৈগী অহেনবা রিসোর্সশিংগী থোংদা আত্মনির্ভর ভারত খোংজং শৌগৎনবা রাস্ত্রপতি ভবন।
- দেরী সেক্তরগীদমক্তা ৱর্কিং কেপিতেল লোনশিংদা ইন্তরেস্ত ইন্তর্ভেন্সন।
- শ্রমিক স্পিসিয়েল ত্রেন ১০০০ হেনবনা মীওই লাখ ১২ হেন্না মখোয়গী ময়ুম রাজ্যদা পুখ্রে, নোংমদা মীওই লাখ ২ হেন্না চৎখ্রে।
কোবিদ-১৯গী মতাংদা গ্রুপ ওফ মিনিস্ত্রগী ১৫শুবা মীফম পাংথোকখ্রে, কোবিদ-১৯গী হৌজিক্কী ওইরিবা ফিভম, শেম-শাবা অমসুং শিল-লাংবগী থবক য়েংশিনখ্রে,
ঙসি নই দিল্লীগী নির্মল ভবন্দা কেন্দ্রগী হকশেল অমসুং য়াইফ-য়ুম্বাল মন্ত্রী দা. হর্শ বর্ধনগী লুচিং মখাদা কোবিদ-১৯গী মতাংদা গ্রুপ ওফ মিনিস্ত্রগী ১৫শুবা মীফম পাংথোকখ্রে। জি.ও.এম.না কোবিদ-১৯ থিংনবা লালোং অমসুং থৌরাংশিংগা লোইননা কেন্দ্র অমসুং তোঙান তোঙানবা রাজ্যশিংনা পাইখৎলিবা পাম্বৈশিংগী মতাংদা কুপ্না খন্ন-নৈনখি। ভারত্তা, কোবিদ-১৯গী পোজিতিব কেস পুন্না ৮১,৯৭০ শুখ্রে, শিবা মশিং ২,৬৪৯ য়ৌখ্রে, শিবগী চাং ৩.২৩% ওইখ্রে। হৌজিক ফাওবদা, মীওই পুন্না ২৭,৯২০ ফবা ঙমখ্রে। অমসুং হৌখিবা পুং ২৪দা অনাবা ১,৬৮৫ ফবা ঙমখ্রে। মসিনা ফগৎলকপগী চাং পুন্না ৩৪.০৬% ওইরে। মসিসু ফোংদোকখি মদুদি লোকদাউনগী শাফু অসি লোকদাউন মমাংদা দবলিংগী চাং অসি নুমিৎ ৩.৪ ওইরম্বদগী হৌখিবা চয়োলদা নুমিৎ ১২.৯ ওইদুনা ফগৎলে।
কেন্দ্রগী শেল-থুম অমসুং কোর্পোরেৎ এফিয়র্স মন্ত্রী শ্রীমতী নির্মলা সীতারমন্না আত্মনির্ভর ভারত অভিয়ানগী মখাদা কোবিদ-১৯গা মায়োক্নবদা ভারতকী শেনমিৎলোন্দা মতেং পাংনবা ৩শুবা তাঙ্কক্কী অকুপ্পা ৱারোল পুথোকপা
শেল-থুম মন্ত্রালয়না মাইগ্রেন্তশিং, লৌমীশিং, বিজিনেস মচা তৌবশিং অমসুং স্ত্রীৎ ভেন্দরশিং য়াওনা লাইরবশিংগী মতেং পাংনবা অতেনবা অমদি অশাংবা মতমগী পাম্বৈশিং লাওথোকখ্রে
মরু ওইনা অতোপ্পদগী লাকপা থবকশুবশিং, স্ত্রীৎ ভেন্দরশিং, অতোপ্পদগী লাকপা শহরগী থবকশুবা লাইরবশিং, ললোন-ইতিক মচা মচা তৌদুনা মশানা মসাবু থবক পীজবশিং, অপীকপা লৌমীশিং অমসুং হাউজিংগী মায়োক্নরিবা অৱাবসিংবু কোকহন্নবগীদমক্তা পাম্বৈশিংগী ২শুবা তাঙ্কক লাওথোক্লদুনা, কেন্দ্রগী শেল-থুম মন্ত্রী শ্রীমতী নির্মলা সীতারমন্না ঙরাং পাংথোকখিবা মহাক্কী প্রেস কনফরেন্সতা অতোপ্পদগী লাকপা থবকশুবশিং, লৌমীশিং, বিজিনেস মচা মচা তৌজবশিং অমসুং স্ত্রীৎ ভেন্দরশিং য়াওনা লাইরবশিংগী মতেং পাংনবগীদমক অতেনবা অমদি অশাংবা মতমগী ওইবা পাম্বৈশিংগী অকুপ্পা ৱারোল ফোংদোকখ্রে। মসিদা য়াওরিঃ অতোপ্পদগী লাকপা থবকশুবশিংদা থা ২ চাননবা হৱাই-চেংৱাই লেম্না য়েন্থোকপা, মার্চ ২০২১দগী পারগা ৱন নেসন ৱন রাসন কার্দগী মখাদা মাইগ্রেন্তশিংনা ফেয়প প্রাইস শোপ অমা হেক্তদগী পি.দি.এস. (রাসন) য়ৌশিনবা ঙম্নবা তেক্নোলোজী সিস্তেম, মাইগ্রেন্ত ৱকরশিং অমসুং শহরগী লাইরবশিংগীদমক অহোংবা ভারাগী হাউজিং কমপ্লেক্স লিংখৎপা, শিশু মদ্রা লোনীশিংগীদমক থা ১২গী ২%গী ইন্তরেস্ত সবভেন্সন – লুপা করোর ১৫০০গী রিলিফ, স্ত্রীৎ ভেন্দরশিংগীদমক লুপা করোর ৫০০০গী ক্রেদিৎ ফেসিলিতী, পি.এম.এ.ৱাই. (শহর)গী মখাদা এম.আই.জি.গীদমক ক্রেদিৎ লিঙ্ক সবসিদী স্কিমগী এক্তেন্সনগী থোংদা হাউজিং সেক্তর অমসুং মিদল ইনকম গ্রুপ্তা লুপা করোর ৭০,০০০গী ইনোৎ, কেম্পা ফন্দ শিজিন্নদুনা ইম্প্লোইমেন্ত শেম্নবগীদমক লুপা করোর ৬,০০০, নবার্দকী থোংদা লৌমীশিংগীদমক লুপা করোর ৩০,০০০গী অহেনবা ইমর্জেন্সী ৱর্কিং কেপিতেল, কিসান ক্রেদিৎ কা৪দ স্কিমগী মখাদা লৌমী করোর ২.৫দা লুপা করোর লাখ ২গী কন্সেস্নেল ক্রেদিৎকী ইনোৎ।
লোকদাউন্না মরম ওইদুনা দেরী সেক্তরগীদমক ৱর্কিং কেপিতেল লোনশিংদা ইন্তরেস্ত সবভেন্সন
কোবিদ-১৯না দেরী সেক্তরদা পীবা শিনমিৎলোনগী শাফউ অদু মেনশিন্নবা ফিসরী, এনিমেল হজবেন্দরী অমসুং দেরিয়িং মন্ত্রালয়না ২০২০-২১গী মনুংদা থবক হৌনবগীদমক দেরীগী থবক-থৌরমশিং পাংথোক্লিবা দেরী কোওপরেতিবশিং অমসুং ফার্মর ওর্গনাইজেসনসিংদা মতেং পাংনবা অনৌবা স্কিম “দেরী সেক্তরগীদমক্তা ৱর্কিং কেপিতেল লোনশিংদা ইন্তরেস্ত সবভেন্সন” অসি হৌদোকখ্রে। কোওপরেতিবশিং অমসুং লৌমীশিংগী মশানা শঙ্গোম পুথোকচবা কম্পনীশিংগী মথৌ তাবা ৱর্কিং কেপিতেল ফংহন্নবা, শঙ্গোম্বু কঞ্জর্ব তৌরবা পোৎশক ওইনা অমসুং অতৈ শঙ্গোমগী পোৎথোক্তা ওন্থোক্নবগীদমক কোওপরেতিবশিং/এফ.পি.ও.শিংনা এপ্রিল ১, ২০২০ অমসুং মার্চ ৩১, ২০২১গী মরক্তা সেদ্যুল কমর্সিয়েল বেঙ্কশিং/আর.আর.বি.শিং/কোওপরেতিব বেঙ্কশিং/ফাইনান্সিয়েল ইন্সতিত্যুসনশিংদগী লৌরুবা ৱর্কিং কেপিতেল লোনশিংদা ইন্তরেস্ত সবভেন্সন পীগনি।
প্রধান মন্ত্রীগী শ্রী বিল গেৎসকা লোইননা শানবা ৱারী-ৱাতাই
প্রধান মন্ত্রী শ্রী নরেন্দ্র মোদীনা ঙসি বিল অমসুং মেলিন্দা গেৎস ফাউন্দেসনগী কো-চেয়র শ্রী বিল গেৎসকা লোয়ননা ভিদিও কনফরেন্সকী থোংদা ৱারী শানখ্রে। শক্নাইরবশিংনা কোবিদ-১৯গা মরী লৈননা মালেমগী থাক্তা লৌখৎলিবা খোঙথাংশিং অমসুং লাইচৎ অসি থেংননবগীদমক সাইন্তিফিক ইনোবেসন অমদি আর অমসুং দিগা মরী লৈননা গ্লোবেল কোওর্দিনেসনগী মরুওইবদা খন্ন-নৈনখি। মসিগী মনুং চন্না শক্নাইরবা অনিনা ফোংদোক্নখিবা ৱাখল্লোনশিংগী মনুংদা খুঙ্গংগী মনুং হুঞ্জিনবা লমদমশিংদা লৈরিবা মীওইশিং ফাওবা হেল্থ সর্বিস য়ৌহন্নবা ভারতকী য়ুনিক মোদেলদগী ইন্সপাইরেসন লৌবা, ভারত সরকারনা দিবেলপ তৌরিবা ইফেক্তিব কন্তেক্ত-ত্রেসিং মোবাইল এপ্লিকেসন শন্দোকপা অমসুং ময়াম অসিগী থক্তা ভারতকী চাউরবা ফার্মাস্যুতিকেল কেপাসিতী শিজিন্নদুনা পুথোক্লিবা ভেক্সিনশিং অমসুং থেরাপিয়ুতিক্সকী প্রদক্সন হেঙ্গৎহনবা য়াওরি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1623944
প্রধান মন্ত্রী শ্রী নরেন্দ্র মোদী অমসুং দেনমার্ক্কী প্রধান মন্ত্রী হর এক্সিলেন্সী মেতে ফ্রেদরিকসেনগী মরক্তা ফোন তৌনখ্রে
প্রধান মন্ত্রী শ্রী নরেন্দ্র মোদীনা ঙসি দেনমার্ক্কী প্রধান মন্ত্রী হর এক্সিলেন্সী মেতে ফ্রেদরিকসেনগা লোয়ননা তেলিফোন্দা ৱারী শানখ্রে। লুচিংবশিংনা কোবিদ-১৯ লাইচৎ থেংননবা লৈবাক অনিমক্তা লৌখৎলিবা খোংথাংশিং চাংদম্নখি। প্রধান মন্ত্রীনা ইনফেক্সন হেঙ্গৎপা তৌদনা লোকদাউনগী অথিংবা লৌথোকপদা দেনমার্কনা মায় পাকখিবদা অপেনবা ফোংদোকখি। ভারত অমসুং দেনমার্ক্কী এক্সপার্তশিংনা অমনা অমগী এক্সপরিয়েন্সতগী তমহৌনবা মখা তানা পাউ ফাওনবদসু য়ানবা পুরকখি। লুচিংবা অনিমক্না ভারত-দেনমার্ক মরী মখা তানা চেৎশিলহন্নবা মখোয়গী অপাম্বশিং ফোংদোক্নখি অমসুং পোস্ত-কোবিদ ৱার্ল্দদা লৈবাক অনিমক্না পুন্না থবক তৌমিন্নবা য়াবা লম্বীশিং খন্ন-নৈনখি।
ভারতনা জি-২০গী লৈবাকশিংদা তঙাইফদবা হিদাক-লাংথকশিং, লায়েং অমসুং ভেক্সিনসিং অহোংবা মমলদা ফংহন্নবা হায়খ্রে
ভারতনা জি-২০গী লৈবাকশিংদা তঙাইফদবা হিদাক-লাংথকশিং, লায়েং অমসুং ভেক্সিনসিং অহোংবা মমলদা ফংহন্নবা হায়খ্রে। ভিদিও কনফরেন্সিংগী থোংদা পাংথোকপা অনিশুবা জি ২০গী ভর্চুএল ত্রেদ & ইনভেস্তমেন্ত মন্ত্রীশিংগী মীফমগী চৈরক্তা, কমর্স অমসুং ইন্দস্ত্রী মন্ত্রী শ্রী পিয়ুশ গোয়লনা জি২০গী মীহুৎসিংদা হায়খ্রে মদুদি কোরোনা ভাইরসনা মরম ওইদুনা মালেম অপুনবদা মীয়াম্না মায়োক্নরিবা অৱাবা অসি হন্থহনবা ঙমগদবা খুদক্কী ওইবা অমদি অচেৎপা থবক-থৌরমশিং হান্না পাইখৎকদবনি। মন্ত্রীনা হায়খি মদুদি মালেম্না পাক শন্না ‘মালেমগী ফার্মসী’ হায়না ইকাই খুম্নবীরিবা, ভারতসু লাইনা অসি লায়েংবদা কান্নগদবা ভেক্সিন পুথোকপদা মালেমগা লোইননা অচেৎপা মওংদা শরুক য়ারি।
কেন্দ্রগী ঐচ.আর.দি. মন্ত্রীনা পাউতাক পীখিবদগী, ক্লাস ৯ অমসুং ১১দা মাই পাকহৌদ্রবা মহৈরোই পুম্নমক্না স্কুলনা লৌবা চাংয়েংদা অমুক হন্না ফম্বা য়াবগী খুদোংচাবা অমা সি.বি.এস.ই.না পীরে
কোবিদ-১৯না মরম ওইদুনা ওিরক্লিবা ফিভম অসিদা মিৎয়েং থম্লদুনা কেন্দ্রগী হ্যুমেন রিসোর্স দিবেলপমেন্ত মন্ত্রী শ্রী রমেশ পোখ্রিয়াল ‘নিসঙ্ক’না সি.বি.এস.সি.ই.দা পাউতাক পীখ্রে মদুদি ক্লাস ৯ অমসুং ১১দা মাই পাকহৌদ্রবা মহৈরোই পুম্নমক্না ওনলাইন/ওফলাইন্দা চাংয়েং পীনবগী খুদোংচাবা অমা পীগদবনি। মসিগী মতুং ইন্না, সি.বি.এস.ই.না মসিগা মরী লৈনবা নোতিফিকেসন অমা থোকখ্রে।
রক্ষা মন্ত্রীনা ইন্দিয়ন কোস্ত গর্দ শিপ ‘সচেৎ’ অমসুং ইন্তরশেপ্তর বোৎ অনি কমিসন তৌখ্রে
শ্রী রাজনাথ সিংহনা ঙসি গোৱাদা ভিদিও কনফরেন্সকী থোংদা ইন্দিয়ন কোস্ত গর্দ শিপ (আই.সি.জি.এস.) সচেৎ অমসুং ইন্তর্সেপ্তর বোৎ (আই.বি.) অনি সি-৪৫০ অমসুং সি-৪৫১ কমিসন তৌখ্রে। আই.সি.জি.এস. সচেৎ অসি ওফশোর পেত্রোল ভেসেল (ও.পি.ভি.) মঙাগী সেরিজদা গোৱা শিপয়ার্দ লিমিতেদ (জি.এস.এল.)না অহানবা ওইনা মফম অসিদা দিজাইন তৌবা অমসুং শেম শাবনি অমসুং মসিদা খ্বাইদগী নৌরবা নেভিগেসন অমসুং কম্যুনিকেসন ইক্বুইপমেন্তশিং হাপ্লি। দিজিতেলগী পাম্বৈগী থোংদা মসিগী খোংথাং অসিবু কমিসন তৌবগীদমক আই.সি.জি. অমসুং জি.এস.এল.বু থাগৎলদুনা, শ্রী রাজ নাথ সিংহনা হায়, “শিপশিং অসি কমিসন তৌবা অসি ভারতকী কোস্তেলগী কেপবিলিতী বিল্দিং প্রোসেসকী মরু ওইবা খুদম অমনি। লোইননা, কোবিদ-১৯গুম্বা শিংনবা মরম অসিদা, মসি ঐখোয়গী লৈবাক অসিগী ঙাক-শেল অমসুং শোইদ-ঙামদনবগী মতাংদা ঐখোয়না ফোংদোকখিবা অদুগী ময়েক লারবা খুদম্নি। ‘ঐখোয়গী শমুদ্রগী ঙাক-শেল’ কনখৎহন্দুনা, আই.সি.জি. অমসুং ভারতকী শিপ বিল্দিং ইন্দস্ত্রী অসি লৈবাক অসিগী চাউথোকচনীংঙাই মচাক অমনি।”
গুজরাত্তা জল জীবন মিশনগী মখাদা খুঙ্গংগী থক্নবা ঈশিংগী লমদা সেন্সরদা য়ুম্ফম ওইবা সর্বিস দিলিভরী মোনিতরিং সিস্তেম হৌদোক্লগনি
গুজরাত্তা জল জীবন মিশন (জে.জে.এম.)গী মখাদা খুঙ্গংগী থক্নবা ঈশিংগী লমদা সেন্সরদা য়ুম্ফম ওইবা সর্বিস দিলিভরী মোনিতরিং সিস্তেম হৌদোক্নবগীদমক মপুং ফানা শেম-শারে। মসিগী মতাংদা রাজ্যগী দিলা ২দা ঈশিং সপ্লাই তৌবগী থবক-থৌরমশিং মতম কুইনা চৎকদবা মওংদা খুঙ্গংগী ইমুং খুদিংমক্তা ফংহনগদৌরিবা থক্ননবা ঈশিং মরাং কাইনা অমসুং মগুন লৈনা ফংহনবা ঙম্ননবা য়েংশিনবগী থবক হান্নদগী পাংথোক্তুনা লাক্লি। কোবিদ-১৯গী লাইচৎকী ওইরিবা ফিভম অসিনা মরম ওইদুনা পুম্নমক্তা থক্ননবা ঈশিং ফংহনগনি, মসিগীদমক্তা ভারত সরকারনা রাজ্য পুম্নমক্তা ঈশিং সপ্লাই তৌবগা মরী লৈনবা থবক্তা মরু ওইবা থম্বগা মরী লৈননা এদভাইজরী থোকখ্রে।
শ্রী অর্জুন মুন্দানা ফেসবুক্কা পার্তনর ওইদুনা ভারত অপুনবগী ত্রাইবেল নহাশিংগী দিজিতেল স্কিলিংগীদমক ত্রাইবেল এফিয়র্স মন্ত্রালয়গী ‘গোল’ প্রোগ্রাম হৌদোকখ্রে
গোল প্রোগ্রাম অসি দিজিতেল মোদকী থোংদা ত্রাইবেল নহাশিংদা মেন্তোর্শিপ ফংহন্নবগীদমক শেম শাখিবনি। দিজিতেল ওইবা মওংদা য়াহল্লিবা প্রোগ্রাম অসি ক্রাইবেল নহাশিংগী লোৎতুনা লৈরিবা স্কিলশিং অদুবু থিদোক্নবা থবক তৌগনি মসিনা মরনাইগী চাুখৎ-তৌরাংদা মতেং পাংগনি অমসুং লোইননা খুন্নাই অসিবু শেমগৎপদা মখোয়না মতেং পাংবা ঙমগনি।
এন.আই.পি.ই.আর.শিংনা কোবিদ-১৯গী মায়োক্তা চংশিল্লিবা লাঞ্জং অসিদা মরু ওইবা থৌদাং য়ারি
অয়াবা লৌনবগীদমক্তা মরী লৈনবা এজেন্সীশিংনা কোবিদ-১৯গী কন্তাইমেন্ত, মশক খঙদোকপা অমসুং লায়েংগীদমক্তা তোঙান তোঙানবা নেস্নেল ইন্সতিত্যুসন ওফ ফার্মাস্যুতিকেল এজুকেসন এন্দ রিসর্স (এন.আই.পি.ই.আর.শিং)না মাইথোং য়াম্বা রিসর্স প্রপোজেল কয়ামরুম পীশিল্লকখ্রে। প্রপোজেলশিং অসিগী মরু ওইবা থীমশিংদা য়াওরি কোবিদ-১৯গী এন্তিভাইরেল এজেন্তশিংদা তা৪গেৎ তৌবা প্রোতিজগী দিজাইন (এন.আই.পি.ই.আর. - মোহালী), এফ.দি.এ.না অয়াবা পীরবা দ্রগ-দেতাবেজ শিজিন্নদুনা কম্প্যুতেস্নেল গাইদেদ দ্রগ-রিপর্পোজিং (এন.আই.পি.ই.আর. – মোহালী অমসুং রাইবরেলী), রেমদেসবিরগী দ্রগ কনভর্সন্দা প্রো-দ্রগকী এনলাইসিস (এন.আই.পি.ই.আর., মোহালী), এলিং পেসেন্তশিংগীদমক্তা এদজুভেন্ত-থেরাপীদা য়ুম্ফম ওইবা নসাল স্প্রে (এন.আই.পি.ই.আর. - হাইদ্রাবাদ), রেপিদ কোবিদ-১৯ (এন.আই.পি.ই.আর. - হাইদ্রাবাদ) তেস্তিংগীদমক্তা ক্বান্তম-দোৎতা য়ুম্ফম ওইবা অমসুং কন্দক্তিবিতীদা য়ুম্ফম ওইবা বাইওসেন্সর দিবেলপমেন্ত, অমসুং কোবিদ-১৯গী মনুংদা স্ত্রেক কনত্রোল তৌবগী মতাংদা নুংঙাইরবা স্তদী।
তুরিজম মন্ত্রালয়না “দেখো অপনা দেশ”কী মখাদা ‘মৈসুরুঃ কর্নাতকাগী ক্রাফ করাবান’ হায়না কৌবা ৱেবিনারগী থোংদা চহি চা কয়া লিরবা মৈসুরুগী ক্রাফশিং পুরকখ্রে
পি.আই.বি. ফিল্দ ওফিসশিংদগী ফংবা পাউ
- পঞ্জাব: রাজ্যদা য়াম্না মথৌ তাবা ইন্দস্ত্রীয়েল রিভাইবেল ফংহন্নবা, অমসুং তোঙান তোঙানবা ইন্দস্ত্রী এসোসিয়েনশিংনা ফোংদোরকপশিংগী পাউখুম পীনবা, পঞ্জাবকী মুখ্য মন্ত্রীনা লুধিয়ানাগী নন-কন্তাইনমেন্ত মিক্স শিজিন্নবা মফমশিংদা অপীকপা/কোতেজ ইন্দস্ত্রীশিং খুদক্তা চলাইবা হৌননবা অয়াবা পীখ্রে, মসিনা অচৌবা ইন্দস্ত্রীশিং চাউখৎহনবদা মতেং পাংবা ঙম্লগনি।
- হরিয়ানা: মুখ্য মন্ত্রীনা কেন্দ্রগী শেল-থুম মন্ত্রী শ্রীমতী নির্মলা সীতারমনবু অখন্নবা কোবিদ পেকেজগী অনিশুবা তাঙ্ক লাওথোকখিবগীদমক থাগৎপা ফোংদোকখ্রে অমসুং হায়খ্রে মদুদি মসিগী ইকোনোমিক পেকেজ অসিনা হরিয়ানাগী মাইগ্রেন্ত অমসুং লৌমীশিংদা চাউনা কান্নবা ফংহল্লগনি। মহাক্না হায়খি মদুদি কেন্দ্রগী শেল-থুম মন্ত্রীনা এম.এস.এম.ই. অমসুং নন-বেঙ্কিং ফাইনান্স কম্পনীশিংদগী হৌরগা রিয়েল ইস্তেৎ অমসুং পাৱর দিস্ত্রিব্যুসন ফাওবগী মতাংদা কয়া মরুম লাওথোকখ্রে অমসুং তোঙান তোঙানবা ইকোনোমিক সেক্তরশিংদা কান্নবা পীরগনি।
- হিমাচল প্রদেশঃ মুখ্য মন্ত্রীনা মাগী মাগী লমদা কোরোনা ভাইরসকী লাইচৎ থিংননবা হোম ক্বরেন্তাইনগী ফেলিসিলিতী শিল-লাংনবা গ্রাম পঞ্চায়তশিংগী প্রধানশিং অমসুং গ্রাস রুত লেভেল দেমোক্রেতিক ইন্সতিত্যুসনশিংগী খল্লবা মীওইশিংদা খঙহনখ্রে। মুখ্য মন্ত্রীনা পঞ্চায়ৎকী প্রধানশিংদা হায়খি মদুদি রাজ্য সরকারনা হৌদোকপা থৌরম ‘নিগাহ’বু মতিং লৈনা থবক পাইখৎনবা পুকচেল শেংনা মতেং পাংবীয়ু।
- মহারাস্ত্রাঃ মহারাস্ত্রা রাজ্যদা পোজিতিব কেসকী মশিং ২৭,৫২৪দা য়ৌহল্লিবা কোরোনাভাইরসকী অনৌবা কেস ১৬০২ রিপোর্ত তৌখ্রে। অকোনবা দেতাগী মতুং ইন্না রাজ্য অসিদা এক্তিব কেস ২০,৪৪১ লৈখি অদুগা মীওই ৬,০৫৯না ফখ্রে।
- গুজরাতঃ রাজ্য অসিদা কোবিদ-১৯গী কেস অসি ঙরাং জিলা ১৩দগী অনৌবা কেস ৩২৪ লাক্তুনা হৌজিক ৯,৫৯২ য়ৌখ্রে। ঙরাংকোবিদ-১৯দগী মপুং ফানা ফদুনা অনাবা ১৯১ দিসচার্জ তৌখ্রে অদুগা ২০ শিখ্রে হায়নসু রিপোর্ত তৌখ্রে।
- রাজস্থানঃ ঙসি রাজ্য অসিদা মীওই ৫৫ কোবিদ-১৯গী পোজিতিব তেস্ত তৌখ্রে, এক্তিব পেসিয়েন্তকী মশিং ১,৮৮১ য়ৌরে। পুন্না হৌজিক ফাওবদা অনাবা ২,৬৪৬ ফখ্রে। ঙসি কোতাদগী কেস ২৯, জয়পুরদগী ১১ অমসুং হদয়পুরদা মীওই মাপল তেস্ত তৌবদা পোজিতিব ওইরে।
- মধ্য প্রদেশঃ মধ্য প্রদেশতা, অনৌবা কেস ২৫৩ রিপোর্ত তৌখিবগা লোইননা, কোরোনানা শোকহল্লবা কেস মশিং অসি ৪,৪২৬ য়ৌখ্রে। মীওই ২,১৭১না ফখ্রে, হৌজিক ফাওবদা মীওই ২,১৭১গী ফিভম লেংদনা লৈরি। লোইননা হৌজিক ফাওবদা রাজ্য অসিদা ইনফেক্সন্না মরম ওইদুনা মীওই ২৩৭ শিখ্রে।
- হোৱাঃ মুম্বাইদা নুমিৎ ১৪নি ক্বরেন্তাইন তৌরুরগা শমুদ্রগী লম্বীদা গোৱাদা হল্লকখিবা মীওই অমা শগোলশেলগী নুমিদাংদা গোৱাদা তোস্ত তৌবদা পোজিতিব ওইখ্রে, গোৱাগী কোবিদ-১৯ পোজিতিব ওইবা মশিং অসি নিপাল য়ৌখ্রে।
- অরুনাচল প্রদেশঃ য়ুনিভর্সিতীনা থাদোরকপা ২০২০-২১গা একাদমিক কেলেন্দরগী মতুং ইন্না অরুনাচল প্রদেশতা লৈবা রজীব গান্ধী য়ুনিভর্সিতী অমসুং মসিগী এফ্লিয়েৎ কোলেজশিংনা জুন ২৯দগী ক্লাস অমুক হৌরগনি।
- অসমঃ হকশেল মন্ত্রীনা ভিদিও কনফরেন্সকী থোংদা দিপুতী কমিস্নরশিং অমসুং পুলিসকী সুপরিন্তেন্দেন্তশিংগা লোইননা মীপম পাংথোকখ্রে লোকদাউন অমসুং হোম ক্বরেন্তাইন তৌবগী মতাংদা খন্নখ্রে।
- মনিপুরঃ হৌজিক কোবিদ-১৯গী পোজিতিব কেস অমা জৱহরলাল নেহরু ইন্সতিত্যুৎ ওফ মেদিকেল সাইন্সেসকী আইসোলেসন ৱর্দতা থমখ্রে।
- মিজোরমঃ বোর্দর সেক্যুরিতী মেনেজমেন্ত তীম, কোলাসিব মিজোরমনা, তঙাইফদবা পোৎলমশিং য়েন্থোকখ্রে।
- নাগালেন্দঃ নাগালেন্দদা, কোবিদ-১৯গী সেম্পল ৮৭৩ থাখিবগী মনুংদা সেম্পল ৮৭৩ নেগতিব ওইর। ১৮গী রিজল্ত ঙাইরি।
- কেরলাঃ কোবিদ-১৯না রাজ্য শিনব-থুংনা চৈথেং পীরুরবা মতুংদা তপ্না হঞ্জিল্লক্লি। ঙসি অয়ুক্তা নই দিল্লীদগী অহানবা অখন্নবা ত্রেন রাজ্যগী কোনুংদা থুংখ্রে।
- তমিল নাদুঃ হাই কোর্তনা তমিন নাদু সরকারদা লিকর শোপ থিংজিন্নবা হায়বা ৱাফম অদু সুপ্রিম কোর্তনা থিংখ্রে। রাজ্যনা ইকোনোমী খোমজিন্নবা থৌরাং য়াৎলি অমসুং কেন্দ্রনা লাওথোকখিবা স্তিমুলস প্লানগী মখোয়গী চাকথুংসু ঙাইরি।
- কর্নাতকাঃ সি.এম.না আশা ৱাকর ৪২৫০০গী এক্স গ্রেসিয়া লুপা ৩,০০০ লাওথোকখ্রে।
- আন্ধ্র প্রদেশঃ রাজ্যনা পি.এম. কিসান স্কিমগী মখাদা লুপা ৫,৫০০গী অহানবা ইন্সতোলমেন্ত থাদোকখ্রে, মতিক চারবা লৌমী লাখ ৪৯লোমদা কান্নবা পীরি।
- তেলঙ্গনাঃ কোবিদ-১৯ লাইচৎকী কুদক্কী ওইবা লায়েংগীদমক এন্তিবোদী ফ্রেগমেন্ততা য়ুম্ফম ওইবা ইম্যুনোথেরাপী শানবা হাইদ্রবাদ য়ুনিভর্সিতী অমসুং সি.এস.আই.আর.-সেন্তর ফোর সেলুলর অমসুং মেলিক্যুলর বাইওলোজীনা ভিন্সবাইওপ্রদক্তকা খুৎশম্নখ্রে।
****
(Release ID: 1624161)
Visitor Counter : 202
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam