ফুদ কোর্পোরেসন ওফ ইন্দিয়ানা ১২.০৫.২০২০দা পীরকখিবা রিপোর্তকী মতুং ইন্না, এফ.সি.আই.না হৌজিক্কী ওইনা চেং এল.এম.তি. ২৭১.২৭ অমসুং গেহু এল.এম.তি. ৪০০.৪৮ লৈরি। অদুনা চিঞ্জাক মহৈ-মরোং পুন্না এল.এম.তি. ৬৭১.৭৫ স্তোক্তা লৈরি (হৌজিক ফাওবা গোদাউন্দা য়ৌরক্ত্রিবা হৌজিক লৈশিনবগী থবক চত্থরিবা গেহু অমসুং চেং অদু য়াওদনা)। এন.এফ.এস.এ. অমসুং অতোপ্পা ৱেলফেয়র স্কিমশিংগী মখাদা থা অমদা চিঞ্জাক মহৈ-মরোং চাউরাক্না এল.এম.তি. ৬০ দরকার ওই।

লোকদাউন চত্থখিবা মতুংদগী চিঞ্জাক মহৈ-মরোং চাউরাক্না এল.এম.তি. ৮০.৬৪ হোন্দোকখ্রে অমসুং রেল রেক ২৮৮০গী খুত্থাংদা ত্রান্সপোর্ত তৌখ্রে। রেল রুৎকী মথক্তা কংফাল অমসুং ঈশিং লম্বীশিংদসু ত্রান্সপোর্ত তৌখি। অপুনবা ওইনা এল.এম.তি. ১৫৯.৩৬ ত্রান্সপোর্ত তৌখ্রে। জহাজ ১১গী খুত্থাংদা মহৈ-মরোং এম.তি. ১৫,০৩১ ত্রান্সপোর্ত তৌখি। অৱাং-নোংপোক রাজ্যশিংদা চিঞ্জাক মহৈ-মরোং পুন্না এল.এম.তি. ৭.৩৬ ত্রান্সপোর্ত তৌখি। এন.এফ.এস.এ. অমসুং পি.এম.জি.কে.এ.ৱাই.গী মখাদা মথংগী থা ৩গীদমক অৱাং-নোংপোক রাজ্যশিংদা চিঞ্জাক মহৈ-মরোং পুন্না এল.এম.তি. ১১ দরকার ওইরি।

ওপন মার্কেৎ সেল্স স্কিম

লোকদাউন মনুংদা রিলিফ কেম্পশিং চলাইরিবা এন.জি.ও.শিং অমসুং সোসিয়েল ইন্সতিত্যুসনশিংনা ওপন মার্কেৎ সেল্স স্কিম (ও.এম.এস.এস.) রেৎতা এফ.সি.আই. দিপোৎশিংদগী গেহু অমসুং চেং দাইরেক্ত ওইনা লৈবা য়াই। রাজ্য সরকারশিংনসু এফ.সি.আই.দগী চিঞ্জাক মহৈ-মরোংশিং দাইরেক্ত ওইনা লৈবা য়াই।

রাজ্য সরকারশিংনা মথংগী থা অহুমগীদমক রাজ্য সরকারশিংনা ইসু তৌবা রাসন কার্দশিং পায়বা এন.এফ.এস.এ.গী ইমুং-মনুং নত্তবশিংদসু চাং/গেহু ফংহনবা য়াই। ও.এম.এস.এস.কী মখাদা চেংগী মমল অসি কিলোগ্রাম অমদা লুপা ২২দা ফিক্স তৌরি অসুং গেহুগী মমলনা কিলোগ্রাম অমদা লুপা ২১দা ফিক্স তৌরি। লোকদাউন মতম মনুংদা এফ.সি.আই.না ও.এম.এস.এস.কী খুত্থাংদা গেহু এল.এম.তি. ৪.৬৮ অমসুং চেং এল.এম.তি. ৬.৫৮ য়োনখ্রে।

প্রধান মন্ত্রী গরিব কল্যান অন্ন য়োজনা

চিঞ্জাক মহৈ-মরোং (চেং/গেহু

পি.এম.জি.কে.এ.ৱাই.গী মখাদা মথংগী থা অহুমগীদমক চেং এল.এম.তি. ১০৪.৪ অমসুং গেহু এল.এম.তি. ১৫.৬ দরকার ওইবগী মনুংদা তোঙান-তোঙান রাজ্যশিং অমসুং য়ুনিয়ন তেরীতোশিংনা চেং এল.এম.তি. ৬৯.৬৫ অমসুং গেহু এল.এম.তি. ১০.১ হোন্দোকখ্রে। পুন্না এল.এম.তি. ৭৯.৭৫ হোন্দোকখ্রে। স্কিম অসিগী মখাদা ভারত সরকারনা চাউরাক্না লুপা কোতি ৪৬,০০০কী ওইবা চাদা ১০০গী শেলগী পোৎলুম অমা পুরি। রাজ্য/য়ুনিয়ন তেরিতোরী ৬- পঞ্জাব, হরিয়ানা, রাজস্থান, চান্দিগর, দিল্লী অমসুং গুজরাত্তা গেহু পীথখি অমসুং লেমহৌরিবা রাজ্যশিং/য়ুনিয়ন তেরিতোরীশিংদা চেং ফংহনখি।

হৱাই

হৱাইগী ওইনা মথংগী থা অহুমগীদমক পুন্না দরকার ওইরিবা অসি এল.এম.তি. ৫.৮৭নি। হৌজিক ফাওবদা হৱাই এল.এম.তি. ৩.১৫ থাদোকখিবদা হৱাই এল.এম.তি. ২.২৬ রাজ্যশিং/য়ুনিয়ন তেরিতোরীশিং য়ৌখ্রে অমদি এম.তি. ৭১,৭৩৮ দেলিবর তৌখ্রে। ২০২০গী মে ১২ ফাওবদা বফর স্তোক্তা হৱাই এল.এম.তি. ১২.৭৫ (মাইরোংবী- এল.এম.তি. ৫.৭০, মুঙ্গ- এল.এম.তি. ১.৭২, উরদ- এল.এম.তি. ২.৪৪, বেঙ্গল গ্রাম- এল.এম.তি. ২.৪২ অমসুং মসুর- এল.এম.তি. ০.৪৭) লৈরি।

ই.সি. এক্ত

কোবিদ-১৯না মরম ওইদুনা মখোয়গী দিমান্দ হেঙ্গৎলক্লিবা অদু য়েংদুনা কঞ্জুমর এফিয়র বিভাগনা ইসেন্সিয়েল কমোদিতীজ এক্তকী মখাদা ফেস মাস্কশিং অমসুং সেনিতাইজরশিং নোতিফাই তৌরে। মাস্কশিং, সেনিতাইজরশিং অমসুং মখোয়বু শাবদা শিজিন্নরিবা পোৎলমশিংগী মমলসু লেপথোক্লে।

লোকদাউন্না মরম ওইদুনা সপ্লাই-চেন মেনেজমেন্ততা অপনবা লৈতনবা অমদি ইসেন্সিয়েল আইতেম পুম্নক্কী মমল চেক তৌনবা রাজ্যশিংদা গাইদলাইনশিং পীখ্রে। ই.সি. এক্তকী মখাদা ৱারেপশিং লৌনবা কেন্দ্রনা রাজ্য সরকারশিংদা শক্তি পুম্নক শিন্নখ্রে।

চিঞ্জাক মহৈ-মরোং লৈশিনবা

২০২০গী মে ১২ ফাওবদা গেহু এল.এম.তি. ২৬৮.৯ (আর.এম.এস. ২০২০-২১) অমসুং চেং এল.এম.তি. ৬৬৬.৯ (কে.এম.এস. ২০১৯-২০) লৈশিনখ্রে।

এন্দ-তু-এন্দ কম্প্যুতরাইজেসন

ই-পি.ও.এস.কী থোংদা পুন্না চাদা ৯০ এফ.পি.এস. ওতোমেসন তৌখ্রে, মদুগী মনুংদা রাজ্য/য়ুনিয়ন তেরিতোরী ২০দা চাদা ১০০ তৌরে।

রাসন কার্দ চাদা ৯০গী আধার সীদিং ফংলে, মদুগী মনুংদা রাজ্য/য়ুনিয়ন তেরিতোরী ১১দা চাদা ১০০ পাংথোক্লে।

****