পি.এম. কেয়র্স (প্রাইম মিনিস্তর্স সিতিজন এসিস্তেন্স এন্দ রিলিফ ইন ইমর্জেন্সী সিচুয়েসন্স) ফন্দ ত্রস্তনা ঙসি কোবিদ-১৯গী মায়োক্তা থেংননবগীদমক লুপা কোতি ৩১০০ কাইথোক্নবা ৱারেপ লৌরে। লুপা কোতি ৩১০০ অসিগী মনুংদা চাউরাক্না লুপা কোতি ২০০০দি ভেন্তিলেতর লৈবদা শিজিন্নগনি, লুপা কোতি ১০০০না মাইগ্রেন্ত ৱার্করশিংগী য়াইফনবা শিজিন্নগনি অমদি লুপা কোতি ১০০না সপোর্ত ভেক্সিন দিবেলপমেন্তদা পীরগনি।

২০২০গী মার্চ ২৭তা শেমখিবা ত্রস্ত অসি প্রধান মন্ত্রী (এক্স-ওফিসিও)না লুচিংলি অমদি ত্রস্ত অসিগী অতোপ্পা এক্স-ওফিসিও মেম্বরশিংদি দিফেন্স মিনিস্তর, হোম মিনিস্তর অমসুং ফাইনান্স মিনিস্তরনি। পেকেজ অসি লাউথোক্লদুনা প্রধান মন্ত্রীনা পি.এম. কেয়র্সতা থৌদাং য়ারিবা দোনর পুম্নমকপু থাগৎপা ফোংদোকখি মদুনা কোবিদ-১৯গী মায়োক্তা ভারতকী লান্দা মতেং ওইরগনি। 

অ) ভেন্তিলেতর ৫০,০০০

লৈবাক পুম্বদা কোবিদ-১৯ কেসশিং লাকশিন্নবা ইনফ্রাস্ত্রকচর ফগৎহন্নবা চাউরাক্না লুপা কোতি ২০০০গী মমলদা পি.এম. কেয়র্স ফন্দদগী মেদ ইন ইন্দিয়া ভেন্তিলেতর ৫০০০০ লৈশিল্লগনি। মসিগী ভেন্তিলেতরশিং অসি য়াম্না অরুবা কোবিদ-১৯ কেসশিং নিংথিজনা লাইয়েংবগীদমক রাজ্য/য়ুনিয়ন তেরিতোরী পুম্নমক্তা লৈরিবা সরকারনা চলাইবা কোবিদ হোস্পিতালশিংদা ফংহনগনি।

আ) মাইগ্রেন্তশিংগীদমক রিলিফকী খোঙথাং

মাইগ্রেন্তশিং অমসুং লাইরবশিংগী য়াইফনবগীদমক হৌজিক লৌখৎলিবা খোঙথাংশিং অসি হেঙ্গৎহন্নবগীদম পি.এম. কেয়র্স ফন্দদগী লুপা কোতি ১০০০গী ওইবা চাউরাকপা শেনফম অমা রাজ্যশিং/য়ুনিয়ন তেরিতোরীশিংদা পীরগনি। শেনফম অসি রাজ্য সরকারশিং/য়ুনিয়ন তেরিতোরীশিংদা মাইগ্রেন্তশিংগী একোমোদেসন ফেসিলিতী ফংহন্নবা, চান-থক্নবা শিল-লাংবা, মেদিকেল ত্রিৎমেন্ত ফংহনবা অমসুং ত্রান্সপোর্তেসনগী শিল-লাংবদা মখোয়না হোৎনরিবশিং অদু হেঙ্গৎহন্নবগীদমক দিস্ত্রিক্ত কলেক্তরশিং/ম্যুনিসিপাল কমিস্নারশিংগী দিস্পোজেলদা থম্নবা ফংহনগনি। ফন্দশিং অসি (ক) রাজ্য/য়ুনিয়ন তেরিতোরীগী পোপুলেসন ২০১১গী সেন্সসকী মতুং ইন্না – চাদা ৫০ ৱেতেজ (খ) হৌজিক ফাওবদা কোবিদ-১৯ পোজিতিব ওইবা মশিং- চাদা ৪০ ৱেতেজ (গ) রাজ্য পুম্নমক্কীদমক বেসিক মিনিমম সম ফংহন্নবা রাজ্যশিং/য়ুনিয়ন তেরিতোরী পুম্নমক্তা মানবা শেয়ার (চাদা ১০ ৱেতেজ)দা রাজ্যশিং/য়ুনিয়ন তেরিতোরীশিংদা রিলিজ তৌগনি। ফন্দ অসি রাজ্যশিং/য়ুনিয়ন তেরিতোরীশিংগা মরী লৈনবা স্তেত দিজাস্তর রিলিফ কমিসনগী থোংদা দিস্ত্রিক্ত কলেক্তর/দিস্ত্রিক্ত মেজিস্ত্রেদ/ ম্যুনিসিপাল কমিস্নারদা রিলিজ তৌগনি।

ই) ভেক্সিন দিবেলপমেন্ত

কোবিদ-১৯গী মায়োক্তা ভেক্সিন অমা পুথোকপা অসি খ্বাইদগী দরকার ওইবা অমনি অমদি ইন্দিয়ন একাদেমিয়া, স্তার্ত-অপশিং অমসুং ইন্দস্ত্রীশিংনা ভেক্সিন দিজাইন তৌনবা অমসুং দিবেলপ তৌনবা পুন্না থবক তৌরি। কোবিদ-১৯ ভেক্সিন দিজাইনরশিং অমসুং দিবেলপরশিংবু তেংবাংনবা, ভেক্সিন দিবেলপমেন্ত কেতালাইজ তৌনবা তেংবাং অমা ওইনা পি.এম. কেয়র্স ফন্দদগী লুপা কোতি ১০০গী শেনফম অমা পীরগনি, মদু প্রিন্সিপাল সাইন্তিফিক এদবাইজরগী মিৎয়েং মখাদা য়ুতিলাইজ তৌগনি।   

****