য়ুমলৈ-কৈরৈ মন্ত্রালয়
এক সঙ্কলপ, এক লক্স্য –আত্মনির্ভর ভারতঃ অমিৎ শাহ
জুন ১, ২০২০দগী লৈবাক পুম্বগী ওইনা সেন্ত্রেল আর্ম্দ পুলিস ফোর্সস (সি.এ.পি.এফ.) কান্তীন অমসুং দুকানশিংদা লমদমসিদা শাবা পোৎ-চৈ খক্তমক য়োল্লগনি
Posted On:
13 MAY 2020 2:39PM by PIB Imphal
প্রধান মন্ত্রী শ্রী নরেন্দ্র মোদীনা ঙরাং মীয়ামদা লৈবাক অসি মরোমদোম লেপচবা ঙমহল্লসি অমসুং ভারত্তা শাবা পোত্থোকখক্তমক শিজিন্নরসি হায়খি। কেন্দ্রগী গৃহ মন্ত্রী শ্রী অমিৎ শাহনা মসি তুংদা ভারতনা মালেমগী মকোক ওইহনবগী লমজিং মৈরানি হায়খ্রে।
লাওথোকখ্রিবা অসিগা মরী লৈননা, গৃহ মন্ত্রালয়না জুন ১, ২০২০দগী লৈবাক পুম্বগী ওইনা সেন্ত্রেল আর্ম্দ পুলিস ফোর্সস (সি.এ.পি.এফ.)কী কেন্তীন অমসুং দুকানশিংদা লমদমসিদা শাবা পোৎ-চৈ খক্তমক য়োল্লগনি হায়বা ৱারেপ লৌখ্রে। পোত্থোকশিংসি পুন্না লৈবগী মমল চাউরাক্না লুপা কোতি ২৮০০ ওইগনি। ৱারেপসিগী মতুং ইন্না চাউরাক্না সি.এ.পি.এফ.কী মীওই লাখ ১০না লমদমসিগী পোত্থোক শিজিন্নরগনি।
গৃহ মন্ত্রীনা লৈবাক মীয়ামদা য়ারিবমখৈ মখোয়না লমদমসিগী পোত্থোক শিজিন্নগদবনি অমসুং অতোপ্পবুসু শিজিন্নহনগদবনি হায়খি। হৌজিক ঐখোয় শোত্থদুনা লৈগদবা মতম নত্তে, ইরাং অসিগী খুদোংচাবা লৌগদবনি হায়না মহাক্না মখা তাখি।
শ্রী শাহগী মতুং ইন্না করিগুম্বা ভারত মচা খুদিংনা ভারত্তা শাবা পোৎ-চৈশিং (স্বদেশি) শিজিন্নরবদি মথংগী চহী মঙাদা ভারত অসি মরোমদোম লেপচবা ঙমগনি।
লৈবাক মীয়ামদা ৱা ঙাংবদা গৃহ মন্ত্রীনা হায়খি, “ঐখোয়না ইরমদমসিদা শাবা পোত্থোকশিং শিজিন্নদুনা প্রধান মন্ত্রী মোদীনা ভারতপু মরোমদোম লেপচবা ঙমহন্নবগী খোংচৎ অসিগী মপাঙ্গল হাপ্পসি”।
****
(Release ID: 1623670)
Visitor Counter : 196
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam